حجزت fsv من شهر 12 بس للأسف

[amr_zahrawan]

انا حجزت fsv اوتوماتيك فول اوبشن من 2-12-2012 و التوكيل قالى ان التسليم فى نهاية الشهر , المهم اتصلت فى نهاية الشهر قالولى ان التسليم فى نص الشهر
اتصلت امبارح قالى ان فى تعديل فى السعر 2000 جنيه مع انى حاجز اصلا بسعر اكير من الدفعة اللى قبله 89000 مع انها كانت ب 88000 يعنى العربية يوصل تمنها الى 91000 !!!!!!!!! كتييير الصراحة
انا قولت مش عايز العربية لو هتزود جنية واحد كفاية انكوا متاخرين فى التسليم و انا حاجز من قبل ما الدولار يرتفع
بصراحة لو فعلا يزودوا مليم واحد مش هاخد العربية الموضوع موضوع مبدأ

[nagy wassef]

ايه السرقة ديه يعنى تستنى كل ده و فى الاخر يقولك السعر زاد!!!!!! و انت مالك ذنبك ايه؟
طب ما يتصلوا بقى بكل اللى اشتروا فى 2012 ياخدوا منهم الفرق. لأن انت تعتبر اشتريت خلاص و هو فى حاجة كده؟
قرار الشراء للعربية ديه بالكماليات ديه جاء فى الوقت ده عشان السعر ده فا ماينفعش بعد ما يشبتك فيها يلوى دراعك.
لو عجباك العربية و مش عايز تسيبها عليك و على حماية المستهلك هيخليهم يقولوا حقى برقبتى و عن تجربة.
حقك و ماتتنازلش عنه

[S.S.E]

لسه مكلم التوكيل طلع فعلا بالنسبه للحاجزين من قبل كده هتزيد 2500 ج أما للحاجز الجديد هيدفع 3500 ج على تمنها الأصلى ....... أنا حاجز ال frv 86000 من نصف 12 وقالى المندوب كنت هتصل بيك يعنى هتبقى ب 88500 ......طب على كده هستلم امتى قالى فى ناس حاجزه من شهر 10 وربنا يسهل!!!!

[amr_zahrawan]

معاك حق و انا فعلا هعمل كدة

[zekuso]

انا كلمت السيلز فى التوكيل و قالى ان اللى حاجزين حيزيد السعر 4000 جم و اللى لسه حا يحجز حيزيد 6000 جم و لسه مش عارفين حيوصلونا لفين لنا الله

[MoH.SaLaDiN]

والله انا عايز اقول حاجة يعنى هو ايه اللى ممكن يحصل لو الناس جات على نفسيها شوية وقعدت من غير عربية واللى حاجز يسحب فلوسه واللى لسه محجز العربية يستنى شوية كده ونشوف بقة المعارض اللى قعدة بترفع فى اسعار العربيات حتعمل ايه ............
لو كل الناس اخدت موقف اعتقد ساعتها المعرض حتحترم نفسها وتبطل تغلى على الناس وخلاص وممكن تنزل شوية من ربحها ماهو كده كده دبحين العملاء فى اسعار قطع الغيار والصيانة

[comercy]

ههههههههههه خليهم يشبعوا بيها !

[smsm159753]

طيب وبالنسبة للناس اللي حاجزة
v5
ايه اخبار الاسعار؟ هل في زياده في السعر برضه؟ لانها طلعت ولا نزلت صيني وكفاية قووي تمنها ااسااسا؟
امال الواحد كان ليه حاجزها اصلا؟؟؟؟؟؟؟؟ ما كان جابها من ساعتها بالاوفر برايس؟ وهيا هيا في الاخرررر

[S.S.E]

والله انا عايز اقول حاجة يعنى هو ايه اللى ممكن يحصل لو الناس جات على نفسيها شوية وقعدت من غير عربية واللى حاجز يسحب فلوسه واللى لسه محجز العربية يستنى شوية كده ونشوف بقة المعارض اللى قعدة بترفع فى اسعار العربيات حتعمل ايه ............
لو كل الناس اخدت موقف اعتقد ساعتها المعرض حتحترم نفسها وتبطل تغلى على الناس وخلاص وممكن تنزل شوية من ربحها ماهو كده كده دبحين العملاء فى اسعار قطع الغيار والصيانة

علشان الزياده ديه فى نفس اليوم جريت على المصريه للسيارات بالمعادى وكنت هجيبها كاش لقيت السيلز بيقولى العربيه ب 91000ج ......... طب أحجز البيكانتو أم 86 ألف قالى البيكانتو اللى ب 81 الف أول فئه أتوماتيك بقت 86 الف والزياده ديه لسه من ربع ساعه ده للبيكانتو وورانى على شاشة الكمبيوتر التوقيت لجميع فئه البيكانتو أما الزياده للبريليانس جايلنا الزياده من حوالى أسبوع وكل العربيات زادت ..... طب فكر ف mg عليها عرض حتى نفاذ الكميه ب 88500 ج ....لأ .

شكلى كده فعلا هستنى لحد مأشوف الجنيه المصرى هيوصلنا لفين

[احمد نور الدين]

بالنسبة للناس اللي لسه هاتشتري دول عرض وطلب مافيش مشاكل لكن الناس اللي حجزت فعلا ودفعت مقدم حجز يزودو عليها السعر بامارة ايه ده استغلال انا حجزت واتفقت خلاص من شهر وشوية قبل الدولار انا شايف ان ده استغلال ولو انت رجعت الحجز مصلحه لانهم للاسف هايبعوها لغيرك بسعر اعلي

من رايي انك تروح لجهاز حماية المستهلك وتشتكي علي الاقل تبقي عملت اللي عليك

[S O P H O S]

مدام انت حاجز قبل الزيادة
يبقي مش من حقه يزود عليك ..

[amr_zahrawan]

انا شايف ان اللى حاجز يهدد بعدم الاستلام لو السعر زاد عن عرض السعر اللى هو خده , لو كانت الزيادة بسيطة فى حدود 500 او 1000 جنية مش مشكلة لكن 2500 جنية كتييييييييير جدا بالنسبة لسعر العربية
انا عملت شكوى فى حماية المتسهلك و ربنا يسهل

[el_lod_81]

أنا معاك يا أستاذ أحمد فى موضوع جهاز حماية المستهلك لأن ده غش و نصب

[amr_zahrawan]

اخر التطورات رحنا انهاردة نستلم التوكيل قال احنا وقفنا التسليم علشان فى شكوى اننا زودنا السعر فا فى تعديل فى السعر للناس اللى حاجزة بس هتكون اقل من اللى كان قلنا عليها
و بالنسبة للى هيحجز جديد الزيادة هتكون فى حدود 3000 الى 3500 لنفس الفئة

[amr_zahrawan]

العربية وصل تمنها الى 98000 الف يعنى زيادة 9000