جولتي داخل معرض اوتوماك والفوائد العظيمة من الزيارة

[احمد نور الدين]

طبعا كاي منسق بيحترم دوره رحتلكم معرض اوتوماك علشان اشوف الجديد والتطورات واوضاع السوق والعربيات





والنتيجة



العربيات غليت

العربيات هاتغلي


العربيات هاتولع

[mxz911]

سؤال بعد اذنك بكام التزاكر؟

[alaamousa]

فعلا سعر التذكرة كاااااام السنة دي

[shaaban2008]

أفهم من كده ان العربيات غليت

[Mohamed_Nafie]

[S O P H O S]

اعتقد 25 جنيه ..

[S O P H O S]

والمشكلة الناس بتشتري ..

[amr_zahrawan]

فى الحقيقة المعرض اقل من السنة السابقة و لم يشارك فيه موديلات كتييير مثل متسوبيشى و تويوتا و لا يوجد عروض على السيارات بالعكس العربيات غليت و التسليم بعد 4 شهور على الاقل

[kliken]

للاسف فعلا العربيات غليت غلاء مستفز

[Land_Cruiser]

اللى عايز يروح ياخد معاه دواء ضغط او يتفرج فقط على الموديلات الجديده بس ما يسألش عن الاسعار علشان ما يفقدش اعصابه.

[SAMEH_FOUAD]

25 جند

واول مرة تحصل لحقنا اخر تذكرتين فى الشبابيك , مع اننا كنا رايحين الساعة 6:30 مساء

ونصيحة للمتزوجين فقط , لو عايز تروح اوعى تروح وانت معاك المدام , عشان

هتاكل ضرب لحد ماتخرج من المعرض غصب عنك عينك هتروح عليهم

[أحمد جاد]

ألاخ الفاضل

هل اعلنوا فى المعرض عن السعار الجديده لل v5 ... لو عندك خبر ... أخبرنى
شكرا

[kliken]

اللى عايز يروح ياخد معاه دواء ضغط او يتفرج فقط على الموديلات الجديده بس ما يسألش عن الاسعار علشان ما يفقدش اعصابه.

انا عملت اللى بتقول عليه بالظبط كنت رايح استمتع و اتفرج على الموديلات الجديده و ما كنش فى دماغى موضوع الاسعالر نهائى الا اللى كان بيشدنى اوى

[احمد نور الدين]

للاسف المعرض تحسوا انه مستعجلين فيه اعتقد ان الشركة المنظمة السنادي غير السنة اللي فاتت

[احمد نور الدين]

للاسف مستوي المعرض السنادي غريب شوية وفي توكيلات كتير لم تشارك بالمعرض

وارتفاع في الاسعار غريب ويتجاوز نسبة زيادة سعر الدولار بكثير جدا بما يمثل استغلالا حقيقيا للظروف للضحك علي العملاء للاسف

لايوجد قسم لكماليات السيارات والاكسسوارات وخلافه


اهتمام مبالغ به وغريب من استغلال للبنات الموديلز والازياء الغير مناسبة اللاتي يرتدينها -- حلوة اللاتي دي -- وكانه عرض ازياء وليس معرض سيارات

ما لاحظته واثار اندهاشي ان المعرض يبدو ان المقصود من هو شريحة الاثرياء ورجال الاعمال وليس الطبقة المتوسطه لاحظ اشتراك جاجوار وبينتلي ورانج روفر وهيونداي لاكشيري بموديلات سانتافيه و اكيوس وكذا بي ام دبليو وفولفو وهي كلها تصنف ضمن الفئات المرتفعة والمرتفعة جدا جدا

في حين غابت ميتسوبيشي وتويوتا وبريليانس وبروتون ومازدا بمعني اخر حسيت ان المنظمين مابيدوروش علي الناس اللي علي قدهم هو بيدور علي شريحة الاغنياء اللي ممكن يشتري عربية تقترب من حاجز المليون جنيه ولا تقل عن ورك الارنب وده مش عيب ولكن لابد يراعي وجود الماركات الشعبيه زي الميتسوبيشي والتويوتا وخلافه اه يا بلد الميتسوبيشي شعبية ؟؟؟؟؟؟؟!!!!!!!!!!!!!!!!!!!!!!

الفائدة الوحيدة في هذا المعرض من وجهة نظري وافتكروا كلامي هي السيارة سيتروين c elysee العربية دي بجد حلوة وهاتعمل فرق في السوق

علي العموم ياريت كل واحد يقولنا انطباعه عن المعرض وملاحظاته علشان الكل يستفيد