أستلمت الكروس أتوماتيك 2013

[S.S.E]

أستلمت العربيه من 6 أيام الحمد لله العربيه مافيهاش حاجه وقت الاستلام ولكن الحاجات اللى دايقتنى أكتشفت ان مافيش سنسور بارك مع أنها full option وبسمع صوت لما أفضل دايس فرامل وعند بدايه الحركه أسمع صوت تزييق مش عارف ده تيل الفرامل ولا طنابير ولا من الركنه فى الميناء فسبب بارومه ،فى ناس بتقولى هو الاتوماتيك كله كده وفتحة التهويه الخاصه بالتكييف بجرب أقفل وأفتح لقيتها علقت ومفتحتش.


الخلاصه العربيه سواقتها ممتعه والعفشه ناعمه مش بتدب زى اللينيا وطلع وزنها وأنا برخص لقيت بالصدفه مكتوب فى كبوت العربيه لقيت حديده منقوش عليها تاريخ ومكان الصنع ووزن العربيه زى ماقال بعض الزملاء 1602 كيلو مش عارف أزاى

[Optiplex]

الف مبروك يا باشا و من هنا لاول صيانة ربنا يسهل و كل الى مضايقك يختفى او تبلغهم بية و يتزبط

[Hmatchy]

اولا الف مبروك
ثانيا لو صوت اللى بتسمعو ده و انت دايس فرامل خفيف على منزل او مطلع فده عادى وفتحت التكيف قولهوم عليها فى صيانة ال 2000
ثالثا للاسف البريلليانس الجديد بينزل من غير سنسور بارك
رابعا وزن العربية 1260 fsv والكروس اقل منها حاجات بسيطة
ال1620 ده الوزن بالحمولة الكليه
مبروك ليك انضمامك لعشاق بريلليانس

[S O P H O S]

الف مبروك يا باشا ..

[احمد نور الدين]

الف مبروووووووووووووووووووك وربنا يديك خيرها ويبعد عنك شرها

[bondok20002002]

ممكن اعرف سعرها كام وانت جبتها من المعرض. ولا من التوكيل
تحياتي

[smsm159753]

ممكن اعرف سعرها كام وانت جبتها من المعرض. ولا من التوكيل
تحياتي

+11
هل جبتها بالزيادة الكبيرة الان؟

[S.S.E]

الله يبارك فيكم جميعاً ...... بالنسبه للصوت لو دايس فرامل وبتحرك بسيط جدا أسمع تزييق جامد واللى واقف بره العربيه يسمعها كأن صوت التيل.
بالنسبه لسعرها لقيت (التوكيل) السيلز بيتصل بيا وبيقولى موجوده الكروس الفضى مع أنى حاجز اللون الابيض وعلى السعر 99 الف توكلت على الله وجبتها لان الأسعار هتزيد أكتر من كده وده على كل العربيات.
وترخيص كمان ال 1500 ب 810 ج 3 سنين زى شريحة ال 1400 لأن الضرائب زادت مع أنى مجدد الينيا 1400 3 سنين ب 650ج..... فامفيش حاجه ما زدتش

[S.S.E]

الكاسيت عمل معي حاجه غريبه مشغله عادى ولقيته وقف ولا أى أستجابه وكان معى ناس وأحرجت جدا ركنت على جمب وبطلت العربيه ودورت وأشتغل ..... أرخم حاجه مافيش سماعتين بالخلف كنت بعلى الكاسيت عشان اللى ورا يسمعوا ما حدش يعرف أجيب سماعتين نضاف منين وسعرهم لو تكرمتم

[Mostafa Hessen]

الف مبروووووووووووووووووووك وربنا يديك خيرها ويبعد عنك شرها
بخصوص السماعات فى عندى واحد فى والمقطم اسمه سعد بيشتغل فى الكاسيتات
ممكن تركب سامعتين سونى حيعملو 300 جنيه بالضمان
لو حابب راسلنى واوصلك بيه
ومبرووووووووووووووك

[AHMED_HAMDY]

الف الف الف مبروك لحضرتك

وربنا يكفيك شرها ويسترها معاك

الصوت ده عادي

ومش عايز اقولك انا غيرت من اوتو ل مانوال بسبب الصوت ده مش بححب اسمع اي صوت في العربيه

وده في كله افيو وفانتازيا وكل الاوتو كدا

[el_lod_81]

ألف مبروك و ربنا يباركلك فيها

[moazamf]

الف مبروك ياباشا على فكرة الصوت كان عندى زية كدة اول مااستلمت العربية وانا بعمل صيانة ال2000 طالع فرامل اليد عايزة يتعملها رجلش كويس وعاملة والصوت راح تماما انا عامل دلوقتى 44 الف والحمداللة زى الفل

[madamada2070]

الف مبروووووووووووووووووووك وربنا يديك خيرها ويبعد عنك شرها
بخصوص السماعات فى عندى واحد فى والمقطم اسمه سعد بيشتغل فى الكاسيتات
ممكن تركب سامعتين سونى حيعملو 300 جنيه بالضمان
لو حابب راسلنى واوصلك بيه
ومبرووووووووووووووك

ممكن تقولي فين في المقطم

[S.S.E]

بعض الملاحظات على العربيه لقيت أمبير الحراره زاد عن 90 والمروحه شغاله فضلت شغاله دقتين ولقيت المؤشر نزل تحت ال 90 فهل ده الطبيعى؟