بخصوص سحب السياره

[ostoraa]

عربيتي الجالينا ماشيه43 الف كيلو اكسكلوسيف ومحترمه ونضيفه اوووووووووي وعاجباني بس كانت الاول بتسحب وتعدي ال140 دلوقتي بقيت تجيب ال140 بالعافيه بس هي سليمه وكويسه هل انضف دوره الانجيكشن بالاسبراي واغير فلتر البنزين ولا اعمل ايه؟ غيرت البيجوهات بس حاسس انها بقيت تسحب بنزين كتير اوي وسحبها قل ااااااااااااااااايه الحل يا جماعه

[Ahmed Amin]

العربية مش ماشية كيلوات كتير عشان تنضف دوره الانجيكشن بالاسبراي
وأعتقد أنك تقصد الازازة اللي بتتحط علي تانك البنزين, بس دي مش أسبراي,,
وعن تجربة الحاجات دي زي قلتها,, ولا هتعمل أي حاجة,, ولا تفرق في السحب.

ال octane booster هوا اللي ممكن يفرق معاك حاجة بسيطة جداً, ومع العلم أنو مضر مضر علي الرشاشات لو أستخدمته أكتر من مرة زي منظف دورة الأنجكشن.

وعشان سحب العربية يتحسن حضرتك تطلع فلتر الهواء تنضفة كويس, ولو وسخ أوي غيرة, وهوا دا اللي هيفرق معاك في السحب.
وشوف ساعتها الأداء هيبقي عامل أزاي..
ولو عايز تغير فلتر البنزين معاهم مش هيخسر, بس الأساس فلتر الهواء, وتظبط ضغط الأطارات.
عشان لو عندك فردة أو أتنين مريحين هيعلي أستهلاك البنزين وهتغيب في تجميع السرعة.

[ostoraa]

كل ده معموووووول
نضفت فلتر الهواء وغيرت البيجوهات والاطارات مظبوطه

[احمد نور الدين]

عربيتي الجالينا ماشيه43 الف كيلو اكسكلوسيف ومحترمه ونضيفه اوووووووووي وعاجباني بس كانت الاول بتسحب وتعدي ال140 دلوقتي بقيت تجيب ال140 بالعافيه بس هي سليمه وكويسه هل انضف دوره الانجيكشن بالاسبراي واغير فلتر البنزين ولا اعمل ايه؟ غيرت البيجوهات بس حاسس انها بقيت تسحب بنزين كتير اوي وسحبها قل ااااااااااااااااايه الحل يا جماعه

كل سنة وانت طيب يا اسلام

ياريت تشرح اكتر حالة العربية هل العربية تقيلة في الطلعة بتاعتها يعني او ما تدوس اكسلاتير بتطلع معاك ولا بتتاخر شوية

بتنقل النقلات في ميعادها ولا بدري ولا بتتاخر

لو انت شديت ع الغيار بيجيب الار بي ام لغاية فين وبعدين يغير


هل لما بتوصل 140 كم الار بي ام بيبقي علي كام وهل الار بي ام بيزيد والسرعه مابتزيدش ولا الار بي ام ثابت عند حد معين وصوت الموتور اخباره ايه علي السلانسيه وزيت الموتور وزيت الفتيس

[ostoraa]

العربيه تمام في السلانسيه تلمس دواسه الاكسلاتير تلاقيها بتنط معاك بس مش بتعدي ال140 ابدا ولما بجيب ال140 بيبقي الر بي ام علي 3 انا غيرت البيجوهات بس من ساعه ما غيرتها لما ببقي مشغل التكييف وبكسر الطاره علي الاخر بلاقيها عايزه تبطل لكن هي كويسه من غير التكييف في السحب لكن بردو مش بتعدي ال 140 كم
هل ده عيب ايه بس بصراحه متغيرش زيت الفتيس من ساعه ما جت زيرو ولا فلتر البنزين ولا فلتر الهواء بس كل ما باجي اغسل العربيه بطلع الفلتر بتاع الهواء وانضفو كويس
انا هتصل بحضرتك يا احمد باشا