مشكلة غريبة في Cross 2013

[jimmy_it]

الحمد لله انا جبت جروس مانوال جديدة ولكن بعد شهرين عند ال 3000. كم العربية فيها مشكله غريبه قوي

و انا ماشي فجاه الrpm بيوصل ل1500 و الربية تبطل نسحب و مش بتعدي ال20 و بقف و اطفيها دقيقتين و اشغلها بتمشي عادي بستصوروا دا بيحصل 3 مدات كل يوم و خصوصا في الزحمه

انا رحت التوكيل و قالولي حط منظف موتور و انت بتفول و حطيت فعلا ولاكن مفيش نتيجه خالص

انا هوديها بكره التوكيل تاني بس مش عارف اللي فيها ممكن يكون ايه

دي اول عربية اجبها و بجد تجربه صعبه.قوي ايه ممكن يكون سبب المشكله دي بجد انا محتاج مساعده ضروري

[S.S.E]

أولا ألف مبروك على العربيه

روح للتوكيل فرع ابو رواش وقابل مدير التوكيل وعرفه المشكله اللى عندك وما تسكتش
وده لينك لو حبيت تعمل شكوى servicecenter@bmw.com.cn

[jimmy_it]

الله يبارك فيك و شكرا علي النصيحه

انا المفروض اروح بكره التوكيل اللي علي الدائري عشان انا حاجز هناك قالولي سيبها يومين هناك عندهم

بس انا مش عارف ايه ممكن يكون السبب هما بيقولوا بنزين فيه شوائب بس انا مش حاسه كده لاني دايما بمون من Total

[SAMEH_FOUAD]

ياباشا دية مشكلة tps sensor خليهم يغيروة او يحطوا العربية على كاشف اعطال ويقروا ال voltage بتاع كل ال sensor ويشوفوا اية الحساس الى مش قارى ال voltage بتاعتة كويس

[khaledazizeg]

انا هوضح لحضرتك حاجة ياريت تروح ابو رواش او القطامية بس لو هتروح القطامية روح عند المهندس هشام ماتروحش لكريم وقوله على المشكلة وماتمشيش الا اما مشكلتك تتحل مافيش حاجة اسمها حط منظف في البنزين

[jimmy_it]

انا رحت التوكيل تاني يوم علي طول عشان هما خلصوها تاني يوم, و غيروا حاجه اسمها البوابات و عشان العربية في الضمان مخدوش مني فلوس, انا كنت رحت لكريم و كان محترم جدأ اخدوا مني العربية و سلمهالي تاني يوم متصلحه و متكيسه كمان.

بجد تجربتي مع التوكيل كانت كويسه الحمد لله

دلوقتي مش باقيلي غير اني اظبط العربية بقي ;)

[akmm]

الحمد لله ..... بيبقى شعور سىء ان عربيه زيرو تكتشف فيها مشكله .

[ahmedz310]

ياريت تقولنا انطباعك العام عن العربية من حيث التقفيل والثبات و وسع الصالون واستهلاك البنزين افادك الله

[jimmy_it]

والله العربية كويسة في المشي و الثبات علي الطريق وقت السرعة, خصوصاً ان انا طريقي كل يوم من مدينة نصر للمعادي علي الطريق الدائري.

من حيث التقفيل كويسة برده و بتحس انك فعلا معزول عن الطريق و قرف الناس خصوصا اليومين دول, و الصالون واسع الصراحه, انا بركب دايما هتش باك و دي من اوسع العربيات الموجودة من قدام و و الخلف.

استهلاك البنزين حلوا قوي و بتوفر شوية عن ال1600.

لاكن من ناحية السحب فانا رأيي انها مش عربية ينجري بيها جامد و خصوصا لو مشغل التكييف, لاكن غير كده العربية جميلة و الحمد للحمد لله علي كل شييء

انا العربية واحد خبطني و كسرلي الاكصدام الخلفي, حد يعرف ممكن الاقيه فين عشان مش موجود في التوكيل ولا شارع دمشق ؟؟؟

[Mostafa Hessen]

الحمد لله على كل حال
موجود عند شيكو فى الحرفيين

ححاول اجيبلك الرقم هو عندى بس مش جاهز دلوقتى

[jimmy_it]

طب ياريت تقدر يا meshmesh78 عشان انا مش لاقيه خالص و كمان لو عندك فكره عن سعره قبل و بعد الرش و التركيب