العربية بتسخن مع التكيف فى الزحمة

[sherif-harb]

اصدقائى معايا frv 2009 العربية فى الزحمة مع تشغيل التكيف الحرارة بتعدى النص وتوصل لل 3\4 اقوم طافى التكيف تنزل بعد شوية
غسلت دورة التبريد وغيرت مياة الردتاتير مش عارف ممكن يكون المروحة بس الكهربائى بيقولى سليمة
حد قابلتة المشكلة دية وحلها

[Maged_Samy]

تأكد من سرعة دوران المروحة لانها قد تحتاج الى تقوية كابلاتها وخصوصاً الطرف الارضى .

[sherif-harb]

تأكد من سرعة دوران المروحة لانها قد تحتاج الى تقوية كابلاتها وخصوصاً الطرف الارضى .

شكرا ا/ماجد لسرعة الرد
قصدك الارضى بيهرب يعنى او الكابلات مش موصلة كويس

[Ahmed_Ramadan]

بص على الأرضى و سرعة المروحة التانية

[aldesha989]

مش شرط تكون المروحه شغاله كويس المهم تشتغل على السرعه التانيه مع التكيف

دور العربيه وافتح الكابوت واقف قدام المروحه وخلى حد يشغل التكيف لو صوت المروحه على يبقى المروحه بتشتغل على السرعه التانيه مع التكيف ومافيش مشكلة لو صوت المروحه ما علاش يبقى عندك مشكلة فى المروحه

[Maged_Samy]

فعلاً لو السرعة التانية مشتغلتش العربية بتسخن مع التكييف ، حاول تجرب والعربية باردة تشغل التكييف وتشوف سرعة المروحة لان المروحة السرعتين بيشتغل السرعة الاولى مع ترموستات الحرارة والتانية مع التكييف ولو اشتغلت وحسيت انها مش سريعة اوى فك الفيشة بتاعتها ووصلها سلكين بكلبسين من البطارية مباشرة وقارن فرق السرعة . ( لاحظ الفيشة فيها واحد ارضى - و اثنين موجب بتوع السرعتين ) .

[sherif-harb]

جربت المروحة شغالة السرعتين مفيش مشكلة سرعة مع الثرموستات والتانية مع تشغيل التكيف

[ostoraa]

كل البريليانس كده مدام معليتش عن ال3\4 خلاص
وبوص علي الميه بتنقص ولا ايه؟

[Maged_Samy]

جربت المروحة شغالة السرعتين مفيش مشكلة سرعة مع الثرموستات والتانية مع تشغيل التكيف

يبقى بص فى القربة شوف طلمبة المياه بتقلب المياه كويس ولا لا وافتح القربة والعربية سخنة خرج منها الهواء واقفلها تانى ممكن تكون دورة التبريد عندك دخلها هواء (مع الحرص من خروج الهواء الساخن فجأة على اليد او الوجه )

[sherif-harb]

يبقى بص فى القربة شوف طلمبة المياه بتقلب المياه كويس ولا لا وافتح القربة والعربية سخنة خرج منها الهواء واقفلها تانى ممكن تكون دورة التبريد عندك دخلها هواء (مع الحرص من خروج الهواء الساخن فجأة على اليد او الوجه )

شكرا استاذ ماجد على المساعدة
جربت كل الكلام دة وسحبت الهواء والمية تمام وغيرتها بس فعلا انا شاكك ان طلمبة المية ممكت تكون ضعفت (
ان شاء الله اغيرها مع سير الكاتينة كمان شوية
بس عاوز اعرف موشر الحرارة على 4\3 مع ناس كتير عادى

[Mostafa Hessen]

لو المشكلة مستمرة فى حل نهائى للموضوع ده
وهو بتركيب مروحه اضافيه امام الريداتير خلف الإكصدام

ودى حتحل كل مشكالك تمام
بس اكشف بردك على طلمبة الميه وهيا على فكرة بتاعة اللانسر بومة وبتعمل 185 جنيه تقريبا