ارجو المساعدة فى اتخاذ قرار شراء اول سيارة زيرو فى حياتي

[Sameh Ibrahim]

السلام عليكم ورحمة الله وبركاته
الاعضاء الكرام أرجو منكم مساعدتي على إتخاذ القرار فى المفاضلة بين الاتي
1- فيرنا
2- لانوس
3- بريليانس fsv
4- إميجراند 7

وشكرا

[abofandy]

اميجراند 7 ( جيلى )
ثم
الفيرنا

[midofarh]

فيرنا

[dr.mostafa91]

رأئي تبعد عن اللانوس والفيرنا

وقارن بين الجيلي والبريليانس

[shaaban2008]

السلام عليكم ورحمة الله وبركاته
الاعضاء الكرام أرجو منكم مساعدتي على إتخاذ القرار فى المفاضلة بين الاتي
1- فيرنا
اختيار كويس مش هاتندم عليه بأذن الله
2- لانوس
خامات تقرف ومعادتش تستاهل سعرها ولو دايو لانوس بحاله حلوه يبقي افضل
3- بريليانس fsv
عربيه محترمة بس قطع غيار غاليه
4- إميجراند 7
عربيه شيك اوي وواسعة بس فيه بعض اصحابها بيشتكو من رداءة التجميع المصري
وشكرا

فيه اختيار اخر في نفس رينج السعر ده :
اسبيرانزا انفي
عربية تقفيل وجودة عالية جدا افضل من الاميجراند بمرررررراحل
انصحك تبص عليها برضه
وربنا يوفقك للاحسن ان شاء الله

[saddam]

صديقي المواطن
من إختياراتك أعلاه قولا واحدا اﻹمجراند 7 تكسب ولو فيه 620 إسبرانزا زيرو كنت قلتلك هاتها ولو مش عايز إمجراند تجيب تيجو وإبعد عن العربيات المعوقة دي اللي شكلها جايب إكتئاب للشعب زي فيرنا ولانوس خلاص كبست على أنفاسنا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[luckyman]

وليه يا عزيزي ما تحطيش في اعتبارك انواع اخري اكثر جوده زي النيسان الصني والبرتون
انا لو مكانك كنت جيبت بروتون جين 2 او بيرسونا عربيه محترمه بمعني الكلمه من ناحيه الاداء والسعر والجوده

[luckyman]

وكمان لو مصمم علي الدايو والفيرنا في نفس السعر لكن بتاديه احسن وافضل واكبر byd عربيه مش وحشه خالص

[mahmoud869]

ايمجراند 7

[prince9x]

بريليانس fsv أفضل سياره و أشيك سياره فيما ذكرت و بفارق كبير جدا جدا جدا برغم أى عيوب فيها


الفيرنا و اللانوس خارج المقارنه تماما .. المنافسه هنا بين بريليانس و ايمجراند و البريليانس تكسب بجداره خاصه لو هتجيبها اوتوماتيك

غير كدا فكر فى النيسان صنى او اللانسر انما كل العربيات اللى قلت عليها دى لا تقارن بالبريليانس و حتى اليمجراند بشياكتها كفايه كراسيها المتحجره و مشكلات الفيتيس و مشكلات كبيره لم يتم حلها من الوكيل

ده راى شخص كان محتار زيك بالظبط و طبعا صلاه الاستخاره هى الكافى و الوافى فى هذا الموضوع