محتار وخايف من الاختيار ياريت المساعدة

[م.محمد خاطر]

بسم الله الرحمن الرحيم

ابدا اول موضوع ليا بسم الله
ولاني اثق جدا في اراء اعضاء نايل موتورز ومشاركتهم الفعاله حبيت اخد رايكم ومشورتكم في المشكلة اللي عندي
انا هشتري اول عربية ليا
ولانها تبع شركتي فانا ملزم بمبلغ متخطاهوش
ففكرت في العربيات فئة التمانينات
ولاني عايز عربية تعيش وتستحمل سفر فكرت اجيب حاجة عاليه ومش مستهلكة
ففكرت في البريليانس frv cross
وبدات رحلة الاختيار واللف والدوران
لقيت اللي يخوفني من الصيني اوي
ولما اكلم موزعين الاقي كلامهم مختلف عن بعض في موتور العربية فمش عارف مين صح واحد يقول ميتسوبيشي وواحد يقول ياباني وواحد يقول صيني معرفش مين صح
والانقح اني سالت عن مركز الخدمة لقيت ف المنتدي ان الناس زمان كانت بتشكر فيه اوي اوي. ودلوقتي الكلام اتغير خالص
اللي طين الدنيا بقا اني لقيت اللي بيتكلمم عن البافاريه انها نصابه وبترش العرببات الزيرو اللي بتتخبط اثناء الشحن ويبيعوها زيرو خايف اقع في المشكلة دي او مشكلة مركز الخدمة في الصيانة او ان الموتور يبقي مش قد كده معايا ياريت حد يرد عليا بسرعه

[prince9x]

لو معاك فلوس ... اشترى بيجو 301 المتوحشه و انت مغمض

أما لو بتفكر فى البريليانس و خايف من موضوع الرش خد معاك خبير فى الدهانات و هيقدر يعرف بسهوله السياره مرشوش أجزاء منها و الا لاء لان أنا عربيتى اتخبطت و رشتها فى التوكيل بنفس اللون الأصلى بتاع المصنع و باين فيه فرق فى اللمعه بتاعه المصنع


بالنسبه لموتور السياره هو ما شاء الله موتور قوى و محترم ما تقلقش منه سواء ال 1500 او ال 1600


و ربنا يوفقك للأصلح و يحفظلك سيارتك من اعين الحاسدين و من سائقى الفيزبا و الموتوسيكلات و من كل السائقين المتهورين الذين لا يخشون الله فى طريقه قيادتهم .

[م.محمد خاطر]

لو معاك فلوس ... اشترى بيجو 301 المتوحشه و انت مغمض

أما لو بتفكر فى البريليانس و خايف من موضوع الرش خد معاك خبير فى الدهانات و هيقدر يعرف بسهوله السياره مرشوش أجزاء منها و الا لاء لان أنا عربيتى اتخبطت و رشتها فى التوكيل بنفس اللون الأصلى بتاع المصنع و باين فيه فرق فى اللمعه بتاعه المصنع


بالنسبه لموتور السياره هو ما شاء الله موتور قوى و محترم ما تقلقش منه سواء ال 1500 او ال 1600


و ربنا يوفقك للأصلح و يحفظلك سيارتك من اعين الحاسدين و من سائقى الفيزبا و الموتوسيكلات و من كل السائقين المتهورين الذين لا يخشون الله فى طريقه قيادتهم .

والله انا فعلا فكرت بما أني وصلت للرينج ده ف الفلوس أني افكر ف حاجة مفيش عليها كلام كتير بس البيجو مش فيها اي بي اس وكمالياتها ف الضياع عشان أجيبها وانا مبسوط لازم اعلي السعر وتجيبها فول أوبشن بس فعشان كده محتار وقصة أني أخد واحد معليا يفهم ف الرش دي ممكن اعملها فعلا بس مييييين

[محمد حسام]

انا من رأيي لو هتفكر تشتري هات اسبيرنزا انفي في نفس الرينج اللي حضرتك عايزه وفيها اوبشن عالي

[م.محمد خاطر]

انا من رأيي لو هتفكر تشتري هات اسبيرنزا انفي في نفس الرينج اللي حضرتك عايزه وفيها اوبشن عالي

اولا شكرا ع اقتراحك بس انا مش برتاح ف الصيني غير للبريليانس بحسها عربية محترمة مش بالفكرة اللي واخدنها عن الصيني زي ما بشوفها ف الاسبرانزا والجيلي

[م.محمد خاطر]

انا روحت النهارده الفرع الرئيسي للمجموعة وشوفت العربية من جوا ومن برا وكان معايا واحد صاحبي البشمهندس محمود عيسي راجل فاهم وعارف العربيات من الالف لل ي وقالي عربية محترمة وجميلة وميتخافش منها وعجبه ان فيه مساحة كبيرة بين الموتور والوش وقال ان ده يخلي اي خبطة متوصةطلوش بسهوله كمان بص علي الوش لقاه صاج مش فيبر زي عربيات تاني وبصينا ع حجم الشنطة والتقفيل والعفش والتابلوه بجد ما شاء الله
طبعا كان معانا استاذ من المبيعات اسمه استاذ محمد عمرو سالته ف كل حاجة والراجل مكدبش اي حاجة بقولها حتي الفضيحة قالي بتحصل طبعا وبتحصل ف البي ام والمرسيدس بس تفرق لما تاخدها من موزع او من عندنا كده احنا لو حصلت بتترش بدهانها الاصلي وكلام كده يعني مدخلش دماغي بردو بس اتطمنت من امانته ف الكلام وسالت عن مراكز الخدمة قالي بردو كلام زي ما بيقولي (جالي كلام ايدوووخ يابووووي ) طبعا انا مكنتش مستني منه يقول حاجة عن مراكز الخدمة انا بس حبيت اتطمن ان الكلام معروف عندهم ومش بيخبوه المهم انا عجبتني العربية جدا مع الحرص كل الحرص واخد الاحتياطات اللازمة في الشراء وكمان ريحني ف قصة الاستلام وقالي انه يدوب تخلص ورقك والعربية هتكون ملكك وهتستلمها ان شاء الله
حد عنده رأي تاني ولا ايييييه بردو رايكوا مهم اكييييد

[SAvaGE]

انا روحت النهارده الفرع الرئيسي للمجموعة وشوفت العربية انا عجبتني العربية جدا مع الحرص كل الحرص واخد الاحتياطات اللازمة في الشراء وكمان ريحني ف قصة الاستلام وقالي انه يدوب تخلص ورقك والعربية هتكون ملكك وهتستلمها ان شاء الله
حد عنده رأي تاني ولا ايييييه بردو رايكوا مهم اكييييد

الف مبروك مقدما ممكن حضرتك تقولي هل الكروس موجودة 2014 وهل الالوان كلها و امتي الاستلام لاني اريد الشراء و مش لاقيها . شكراا

[mohamed hussei]

ياباشا بيجو 301 فيها abs واتنين اير باج في كل فئاتها وستروين زيها بس واحد ايرباج معدا الهاي لاين

[م.محمد خاطر]

الف مبروك مقدما ممكن حضرتك تقولي هل الكروس موجودة 2014 وهل الالوان كلها و امتي الاستلام لاني اريد الشراء و مش لاقيها . شكراا

ربنا يبارك فيك يا باشا انا شوفت هناك اللون الابيض وسالت ع باقي الالوان قالولي كله موجود والاستلام بمجد ما تخلص ورقك

[م.محمد خاطر]

ياباشا بيجو 301 فيها abs واتنين اير باج في كل فئاتها وستروين زيها بس واحد ايرباج معدا الهاي لاين

يا باشا البادجيد هو اللي مقيدني بالرينج ده لو كان كده كنت فكرت ف حاجات تاني بردو انا فكرت ف البيجو بس مش هعرف اجيبها وشوفت بردو فيات لينيا جامده جـــــــــــدي بس مش متاحة ليا للاسف ف العربيات اللي ف الرينج بتاعي احلي حاجة فيهم ف رايي الكروس

[م.محمد خاطر]

حد جرب العربية يا جماعة ويحطلنا تقاريرحلوة زي تقرير ال v5 كده كان تحفة بجد من بشمهندس احمد