v5 وعلبة الدركسيون وتاخير التوكيل

[بريليانس v5]

بسم الله الرحمن الرحيم [/I]
الحمد لله ربنا انعم عليا بسياره v5 ولكن طلعت مصابه بفيرس علبة الدركسيون وقالوا في التوكيل هنتصا بيك لما تيجي العلبه قلت ماشي
وبعدين وانا في صيانة ال10000 يوم 23/1/2014 قالي المهندس اني محتاج تيل خلفي اغيره بعد 3000 كيلو يعني اغيره بعد 13000كيلو مش حاجه غريبه دي ولا ايه وبره الضمان يعني التكلفه عليه مش عارف الكلام ده صح ولا ايه

[Mostafa Hessen]

طبعا التيل الخلفى كده اتاكل بسرعه وده غريب والأغرب انه الخلفى ممكن الأمامى
خلينا نسال ونشوف

[mrastra]

مصلحة انة متصلش بيك لغاية دلوقتى عشان تركب علبة الدركسيون
لان كل الاستوك اللى عندهم فية نفس الفايروس
زميلى فى الشغل ضغط عليهم وخلاهم يغيرو العلبة ظنا منة انة بياخد حقة
وبالفعل ركبولة علبة جديدة ولكن نفس مشكلة العلبة القديمة
راح تانى غيرها بواحدة جديدة ونفس الشىء
راح تانى مغيرها بواحدة جديدة والى حد ما نفس العيب صحيح مش بالشكل الاول ولكن اقل شوية ودة بناء على كلامة ولكن على ما اظن انة عامل نفسي وهو اقنع نفسة ان العلبة الاخيرة سليمة وانا اشك فى ذلك
راى انك تستنى لان على كلامهم هايجيبو علب من المصنع مفهاش عيب التصنيع اللى موجود فى العلب الحالية

[ralephe]

اسأل تانى لانى انا لسة مركب العلبة من اسبوع بس لاجل الأمانة مركبها لموديل غير ال v5 تانى اتصل على 16056

[drmosolini]

ايه اعراض عطل علبة الدركسيون بعد اذنكم

[bassem.naguib]

ايه اعراض عطل علبة الدركسيون بعد اذنكم

+1

[hugan]

ايه اعراض عطل علبة الدركسيون بعد اذنكم

+1

[Mostafa Hessen]

أولا أعراض تلف علبة الدركسيون:-
1- نقص زيت الباور باستمرار
2-رجة في الدركسيون عند الضغط علي الفرامل
3- صوت خبط في نهاية اليمين أو الشمال
4- العلبه نفسها تكون مرشحة زيت
5-الطارة تحس انها خفيفة مش ثابتة 100%

أسباب التلف المباشرة لا أعلم ولكن يكون معظمها بة تلف في اوسيلات الزيت