طريق توكيل بريلينس جسر السويس

[mtaah]

السلام عليكم ورحمه الله وبركاته
كنت عاوز اروح توكيل بريلينس اللي ف جسر السويس . انا هبقي جاي من الف مسكن
وسؤال تاني انا اتصلت وحجزت وقالولي تيجي بكرة 10 الا تلت .السؤال بقي هما هيعطلوني وطابور وكدة والا هخش اعمل صيانه علطول لاني لاقيت فية صوت خروشه ناحية فردة الكوتش اللي جنبي والباب بتاعي فارق عن العربية ؟؟

[mtaah]

مفيش حد هنا بيعبرني لية؟؟؟؟؟؟؟؟

[smsm159753]

السلام عليكم
روح في اقرب وقت
بمعني روح بدري تبقا هناك علي 8.30 او 9 بالكتير تخش الاول وخلاص
اول ما تروح بتخش وتديهم العربية وتقعد في الاستراجه عشان مش تعطل
ثانيا
العنوان عشان call centre مش يتوهك
في ش جسر السويس من ناحية موقف السلام (العاشر ) عند ناصية جامع الانصار والشبراوي
تخش الشارع اسمه الحي الصناعي في اخر الشارع قدام مدرسة الشهيد محمد الدرة الابتدائية
وسهلة تجيبها من علي الجوجل ماااب
هوا التوكيل في وش المدرسة علي طول اخر الشارع دا وهوا شارع مكسر كدا لسه في شغل توصيل مرافق
وفي نفس الشارع اغلب توكيلات العربيات مرسيديس وموتسيبشي وغيره

اي استفسار تحت امرك