حقيقي مش عارف هي المعوقه ولا انا اللي معوق

[bikaso]

بسم الله الرحمن الرحيم
معايا v5 حاسس انها معوقه من سرعة صفر الي تمانين ومن بعد كده تجمع وتجري ايوه ثباتها ممتاز في الغرز بس انت وحظك انك تكمل غرزتك عقبال هي ماتفهم انك عايز تشد مش عارف هتجنني ومش عارف اعمل ايه يا تري أصحاب نفس السياره أخبارها ايه

[kokowasfy]

العربيات سعر suv كلها كدا ولا هية محصلة عربية سيدان ولا جيب و عموما لو انت كنت بتسوق عربية فيها طابع رياضى وبعد كدا سوقت عربية suv هتحس بفرق اووى قى الثبات و التسارع و الجرى العربية تميل اكتر الانها تكون عربية عائلية

[ahmedalaahosny]

ماتقولش علي نفسك كده انت جميل ههههههه لا هي فعلا تقيله ف التجميع تحت ال 80 بس حاول كده تبقي تدوس بنزين زياده شوية طالما تجميعها تحت ال 80 ضعيف

[bikaso]

العربيات سعر suv كلها كدا ولا هية محصلة عربية سيدان ولا جيب و عموما لو انت كنت بتسوق عربية فيها طابع رياضى وبعد كدا سوقت عربية suv هتحس بفرق اووى قى الثبات و التسارع و الجرى العربية تميل اكتر الانها تكون عربية عائلية

اشكرك لردك اخي الفاضل ومواساتك
ولكن ليست سياره عائليه دي سياره تعذبيه بتحس انك حصان من ضمن الهورس بور بتجاهد معها

[bikaso]

ماتقولش علي نفسك كده انت جميل ههههههه لا هي فعلا تقيله ف التجميع تحت ال 80 بس حاول كده تبقي تدوس بنزين زياده شوية طالما تجميعها تحت ال 80 ضعيف

انت الاجمل اخي الفاضل
والله بعمل معاها جميع الاوضاع شويه اسايس وشويه ادادي وشويه اقسو عليها ساعات تلاقي ربنا نفخ في صورتها وساعات تحس ان جالها فيرس سي والكبد متضخم

[ahmedalaahosny]

بس هي مش بطيئة للدرجه دي جايز اه طلعتها ضعيفه لغاية 80 انما برده مش بتجاهد اوي طب بتحطلها بنزين ايه؟

[bikaso]

بس هي مش بطيئة للدرجه دي جايز اه طلعتها ضعيفه لغاية 80 انما برده مش بتجاهد اوي طب بتحطلها بنزين ايه؟

هو فيه غيره بتاع الغلابه 92
يا باشا العربيه دي كانت عايزه 2000 سي سي او كانوا يخلوا hp 180 عشان تكون عربيه مش توكتوك

[ahmedalaahosny]

عندك حق والله بالذات معظم ال suv ال 1600 سي سي يايزبطوه بتيربوا ياينزلوها 2000 سي سي بس طبعا هيزيد سعرها جدا عشان دي شريحه تانية من الجمارك لكن هل باقي العربية كويس زي التقفيل والفرامل والباور والصيانة وخاصة ف جسر السويس هي عربية حضرتك موديل كام ؟

[bikaso]

عندك حق والله بالذات معظم ال suv ال 1600 سي سي يايزبطوه بتيربوا ياينزلوها 2000 سي سي بس طبعا هيزيد سعرها جدا عشان دي شريحه تانية من الجمارك لكن هل باقي العربية كويس زي التقفيل والفرامل والباور والصيانة وخاصة ف جسر السويس هي عربية حضرتك موديل كام ؟

والله اخي الفاضل
ثبات وعزل وفرامل جيده جدا وتوكيل يعني كويس عربيتي موديل 2013

[ahmedalaahosny]

علي كده ايام التليين كانت بتزحف مش بتمشي لان السحب بيبقي لسه مااتضبطش

[NourHani]

نفس الاحساس،العربية لسه زيرو معملتش الالف لسه بس حاسها مش بتجمع خالص سرعة بس لما بيتنفخ في صورتها و توصل للمية بعد كده بتفتح..قلت عشان بس لسه بنقول يا هادي بس واضح ان الموضوع هيستمر و بالنسبة للمنظر اللي تحت الطارة طبيعي ان يكون كله باين كده؟ انا اتخضيت اول مرة شفته

[bikaso]

العربيه دي عايزه عنف علي الاكسراتير ومتخافش علي الموتور لان الار بي ام هيوصل لمرحله معينه ويتم الغيار للنقله التاليه
يعني عايزه قلة ادب عشان تجري

[smsm159753]

العربيه دي عايزه عنف علي الاكسراتير ومتخافش علي الموتور لان الار بي ام هيوصل لمرحله معينه ويتم الغيار للنقله التاليه
يعني عايزه قلة ادب عشان تجري

علي فكرا عن تجربة لو مش ضغط الكاوتش مظبوط الكتروني في الاربع فرد
العربية سحبها بيختلف خالص من الصفر لحد 100
العربية بتجمع بسرعة كبيررة جداااااااااااااااااااااااااا لو الضغط مظبوط كويس في الاربع فرد
من اقل دوسة علي الدواسة تلاقي العربية جربيت منك وتلاحظ نفسك علي 60-70

[bikaso]

علي فكرا عن تجربة لو مش ضغط الكاوتش مظبوط الكتروني في الاربع فرد
العربية سحبها بيختلف خالص من الصفر لحد 100
العربية بتجمع بسرعة كبيررة جداااااااااااااااااااااااااا لو الضغط مظبوط كويس في الاربع فرد
من اقل دوسة علي الدواسة تلاقي العربية جربيت منك وتلاحظ نفسك علي 60-70

طيب من فضلك انا بضغط نتروجين وضغطي 32 حضرتك بتضغط علي كام

[Hmatchy]

يا جماعه هيا ديما حاجه على حساب حاجه
لو عربيه بالوزن ده عاوزها تجرى وتشد هيبقى على حساب البنزين اللى المفروض يكون 95 مش 92 ده اولا
ثانيا حاول تسنظف بنزينه تمون منها