استلام FRV Cross

[م.احمد زكريا]

السلام عليكم ورحمة الله وبركاته

بعد لف وتدوير ومقارنة سعر بكماليات وأمان

وبعد متابعة اراء اعضاء المنتدى الكرام

تم بحمد الله حجز السيارة FRV Cross

وسيتم الاستلام بمشيئة الله تعالى خلال شهر

وكنت عايز من الاعضاء الكرام يفيدوني بنصائحهم من واقع تجاربهم عند استلام العربية

ايه الاخد بالي منه - ايه البيجي مع العربية - ايه الارفض استلامه

ولكم جزيل الشكر

[Hmatchy]

الف مبروك يا باش مهندس وربنا يباركلك فيها
خد بالك من الخدوش والفرش وتاخد بالك ان عداد الكيلو متر شغال وبيعد معاك والانوار كلها شغاله
وهتلاقى الكوريك و الاستبن والمثلث جاين معاها
وان احتاجت اى حاجه احنا تحت امرك

[توتو]

ألف مبروك

ألف ألف مبروك يا أستاذ أحمد وربنا يديك خيرها ويكفيك شرها أنا استلمتها من شهر ونص وهى عربية مبهرة لكل اللى يشوفها أهم حاجة يجيب لها غطاء أول ما تستلم ومتعملش زيى أنا لسة جايب الغطاء النهاردة طبعا بعد خدش وهى واقفة وكمان مرة مبروك والنهاردة ان شاؤ الله هنزل موضوع فيه معلومات جديدة عن الكروس عرفتها من التوكيل من 5 أيام

[S O P H O S]

الف مبرووك يا باشا

[Mostafa Hessen]

الف مبروك يا باش مهندس وربنا يباركلك فيها
خد بالك من الخدوش والفرش وتاخد بالك ان عداد الكيلو متر شغال وبيعد معاك والانوار كلها شغاله
وهتلاقى الكوريك و الاستبن والمثلث جاين معاها
وان احتاجت اى حاجه احنا تحت امرك

كلام سليم

والف مبروووووووووووك

[kingnight07]

بإذن الله تستلمها على خير إن شاء الله

بس عندى سؤال هل إخترت اللون اللى انت عايزه ولا كان فيه مضايقة فى الموضوع ده ؟؟؟

عشان انا ناوى أحجزها بإذن الله بس فى نفس الوقت مش مالى عينى منها الا اللون الأسود تحس معاه بفخامه تانية خالص

فهل ممن أصر هناك على اللون الأسود واقوله هو ده بس اللون اللى عايز استلمه ولا هايقولى لا اكتب كذا اختيار للون وزى مايجيلك ؟؟؟

[توتو]

يا راجل يا طيب دة أنا دوخت على اللون الأحمر ملقتهوش وا حتى الازرق وى الأخر سلمت أمرى لله وجبت السوداء أنا نعاك ان الاسود كله خامة بس الكروس بالذات فيها تفاصيل فى البودى وسوكات جميلة أوى بس مش بتبان أوى فى اللون الاسود عكس الاحمر والازرق ... عموما الاسود لون رائع بس هو ميتالك فاتح مش اسود داكن

[J A G U A R]

تستلم على خير ان شاء الله

[kingnight07]

توتو
تسلم ياباشا على الرد

انا النهارده عاينت عربيه صاحبى عشان اخد قرار وهى برده الكروس وكان شكلها اسود يعنى ماحستش انه فاتح ولا حاجة !!! .. هل ممكن حضرتك تقصد لون تانى ؟؟؟ وهل مفيش منها اسود فعلاً ؟؟؟

الأحمر شكلها روعة فعلاً من قدام والجنب .. لكن شكل العريبه من ورا بالذات مع الفوانيس الحمرا معجبنيش فقلت الأسود بقى وأتوكل على الله

انا كنت ناوى اعاين بنفسى اللونين مرة تانية فى البافاريه القطامية لكن الغريبه انى لما كلمت البافاريه النهارده قالولى بكره ممكن نتصرف فى عربيه مستعمله بكره للمعاينه لان مفيش منها دلوقتى على الشحنة الجديدة ماتيجى ..

مش عارف ازاى شركة كبيره زى دى وفى الفرع الرئيسى للبيع و مايكونش عندها كام عربية بألوان مختلفة للعرض !!!!!

[توتو]

يا باشا الأسود ملك الالوان بس الكروس فيها أكصدامات أمامية وخلفية فيبر سوداء وباكيتات فوق الرفارف سوداء فى جميع الاوان ودى جمالها بيبان أكتر فى الاحمر والازرق ومش بيبان أوى فى الاسود لأن اللونين واحد ودة ما يمنعش ان السوداء بردو تحفة والا ما كنتش انا جيبتها عموما على البركة ومبروك مقدما وأنا روحت التوكيل الرئيسى فى النزهة كذا مرة وفعلا ملهاش أى أثر فى مصر عموما وأنا معرض فى مدينة نصر جابهالى من اسكندرية وعموما أنا هحاول أرفع لك بعض صور الكروس بجميع ألوانها بس يا رب أعرف لان دى أول مرة أرفع صور

[توتو]

[توتو]

[IMG][/IMG]

[توتو]

[/IMG]

[توتو]

[IMG][/IMG]

[توتو]

[IMG][/IMG]