معلومات حديدة عن frv كروس 2014

[توتو]

يا جماعة انا كنت بسمع طبعا كتير منكم عن ان موتور البريليان كروس بيكون دايما ميتسوبيشى يابانى ويبيبقى الاسم محفور تحت كفر الموتور وانا فى التوكيل يوم السبت اللى فات سألت المهندس المختص هناك عن ماركة الموتور وكانت المفاجأة قاللى ((الماكينة دى بريليانس صينى نازلة جديد)) وموديل 2014 المانيوال ماكينته بريليانس والاوتوماتيك بس هو اللى ميتسوبيشى وبعد كدة كل الموديلات القادمة هتبقى موتور بريليانس صينى سواء مانيوال أو أوتوماتيك يعنى بالمختصر أخر الميتسوبيشى هو 2014 أوتوماتيك وطبعا هو حب يطمنى فقاللى انهم زى بعض بالظبط بس هم بيفضلوا ماكينة البريليانس عن الميتسوبيشى لأن فيها شوية مميزات زيادة عنها مقاليش منها غير ان دواسة البنزين فى الصينى كهرباء مش واير ودى أنا فعلا حسيتها أول ما ركبت العربية بس مش عارف دى ميزة ولا عيب ........ وشكرا لحسن استماعكم ونلتقى فى موضوعات أخرى ان شاء الله

[saddam]

صديقي المواطن
موضوع مميز ومفيد وكعادتك أحسك عاشق بريليانس ولا تحرم إخوتك اﻷعضاء من كل جديد لك وبالنسبة للأكسلتير أو دواسة البنزين كهربا ف 90% من أسطوات مصر يكرهونها وأنا مش بتفرق عندي ولكن بيدايقني في البدال الكهربائي لو كانت العربية مفيهاش مثبت سرعة نازلة فيه وحبيت تركب ليها مثبت سرعة فأول حاجة يقوللك لازم بدال البنزين واير عشان يركب وبتمنالك التوفيق دائما
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[توتو]

وبالنسبة للصوتيات

طبعا بالنسبة للساوند سيستيم العربية مفيهاش سماعات وراء وسألت المهندس انتوا هنا بتركبوا سماعات أضافية فى الخلف قاللى طبعا بس مش عارف السعر دلوقتى هسأل وأقولك ولازم تقوللى قبلها عشان أضمنلك ان صنايعى الكهرباء موجود وسألته لو ركبت السماعات برة التوكيل ايه الضرر قاللى العربية تخرج برة الضمان كهرباء...... بس انا بينى وبينكم كنت هعملها برة بس لما عرفت ان دواسة البنزين كهرباء قولت لنفسى ...... الطيب أحسن وان شاء الله هركبها لما أروح صيانة 2000 كمان شهر

[hugan]

ابعد عن اي عربيه دواستها كهرباء
بطيئه في السحب والمفاجاءت
ومشاكلها كتير في صيانتها

[توتو]

كله نصيب

أشكرك يا أخ هوجن على النصيحة بس خلاص النصيب حصل أنا بالفعل اشتريت العربية بس مشاكلها كتير ازاى يعنى وأتفاداها ازاى ؟؟ وهل يمكن تحويل الدواسة الكهرباء لواير فى التوكيل ولا دة مستحيل وشكرااااا

[hugan]

أشكرك يا أخ هوجن على النصيحة بس خلاص النصيب حصل أنا بالفعل اشتريت العربية بس مشاكلها كتير ازاى يعنى وأتفاداها ازاى ؟؟ وهل يمكن تحويل الدواسة الكهرباء لواير فى التوكيل ولا دة مستحيل وشكرااااا

اللي اعرفه انه صعب
غالبيه المواتير الاوروبيه دواسه كهرباء
اي خلل في البنزين
او عطل في دواسه البنزين لائنها كهرباء مش واير
او وساخه في البوابه
او عطل ماكينه الاستوب
لمبه الاعطال تنور
والعربيه ماتسحبش
لو راجعت قسم فولكس او سيات او اسكودااو اسبرانزا او اوبترا اوتو هاتلاقي مواضيع كتير عن اللمبه epc
وبسبب مشكاكلها تم تغيير الميكانيزم
في موديلات اسبرانزا الجديده
انفي وتيجو
لدواسه واير بدلا من الدواسه الكهرباء

[prince9x]

ازاي نعرف ان الدواسه كهربا والا واير ؟

[Hmatchy]

اولا البريليانس ال 1500 سى سى كلها مواتير بريلليانس بتكنولوجيا تيوتا من 2010
ال 1600 بس هو اللى كان بينزل متور ميتسوبيشى وعلى ما اعتقد مبقاش فى مواتير 1600 حتى فى الاتوماتيك كلو 1500
بالنسبه لدواسه البنزين الكهرباء متخفش منها للدرجه دى عادى يعنى منا معايا بقالها 3 سنين ونص شغاله الحمد لله كويس
تصحيح معلومه بطيئه فى السحب هو بس العربيه لو على الغيار الصح مش هتحس باى تاخير فى السحب لان حتى لو دواسه بنزين وير وانت ماشى 80 على الخامس وكبست مش هتسعفك بردو

[توتو]

طبعا كلامك صح 100% بس أنا بحس ان الكروس بطة شوية يعنى لو مكنتش اعمل كيك داون وأكبس على الاخر متجريش تنام منى وانا مبحبش شغل الكبس دة لانه غلط على العربية

[Hmatchy]

يا جماعه فتحو عربياتكو سنه سنه
انا بجيب بالتانى 90