استفسارات عن v5

[anadrol]

السلام عليكم
جزاكم الله خيرا على هذا المنتدى الرائع
كنت أفكر فى ال v5 و بعد قراءه المواضيع فى هذا المنتدى عنها وجدت 3 مشاكل

1- تيل الفرامل الخلفى (صوت + تغيير بعد 3000 أو 10000 كيلو)
2- علبة الدركسيون و الفيروس الذى بها (بعض المستخدمين مازالوا فى انتظار العلبة الجديدة)
3- اشاعه ان التزوكيل يسمكر و يرش السيارات !!

فأرجو النصيحة بخصوص هذه النقاط

[smsm159753]

1- انا غيرته بعد 10000 كيلو ( في التوكيل يقول السبب الاساتخدام وانه نظام ديسكات)
2- معنديش مشكلة في الدريكسون ( اعتقد تقدر وانت بتستلم العربية تنبه علي النقطة دي ومش تستلم العربية غير لما تتاكد انه مش اي مشاكل فيها )
3- معنديش مشكلة في الدهان
بالعكس ( العربية معاي هاي لاين v5 ) بصراحة وبامانة بحس العربية مخدومة حلو قوووي في الدهان
ودا بان معاي في حادث تصادم مع عربية نص نقل ( خبضطني من ورا)

واعتقد النقطة دي برضه مش موجودة في نوع العربية اصلا v5 ( يمكن في كوديلات تانية الله اعلم)
وتقدر تاخد معاك ميكانيكي يتمم علي العربية معاك ( هوا قرف برضه) بس التاكد افضل

شكررا واي استفسار تحت امرك

[Father Fam]

العربية رائعة

احب اقول لحضرتك اني قريت الكلام ده قبل ما اشتريها لكن بالتجربة العربية رائعة واعجاب الناس بيها اكدلي ده

مافيس مشكلة فى التيل ولا الدركسيون وتوكيل جسر السويس معظم الناس بيشكر فيه

على البركة وفي انتظار ملاحظاتك او اسئلتك

خد بالك عوامة البنزين اول مرتين مش هتتحرك الا لما ربع التنك ينقص لكن بعد كده هتتظبط

[Mostafa Hessen]

العربية اعتقد بشهاده الناس جيده

استخير وتوكل على الله

[anadrol]

شكرا جزيلا لحضراتكم و لكن
1- هل من المنطقى تغيير التيل بعد 10000 كيلو بس؟؟
2- تقريبا كم تكلفة صيانة 1000 \ 10000 \ 100000؟
2- هل من الممكن تركيب دى فى دى و GPS Nav. مكان الكاسيت؟

[Father Fam]

شكرا جزيلا لحضراتكم و لكن
1- هل من المنطقى تغيير التيل بعد 10000 كيلو بس؟؟
2- تقريبا كم تكلفة صيانة 1000 \ 10000 \ 100000؟
2- هل من الممكن تركيب دى فى دى و gps nav. مكان الكاسيت؟

انصحك تتصل بالرقم المختصر لاى استفسار فني هم ادرى بعربيتهم :)

اول صيانه عند ٢٠٠٠

ممكن تركب dvd و nav من التوكيل بحوالي ٥٠٠٠ وهيشتروا منك القديم (اللى هو لسه جديد) ب ٨٠٠ج

وده رابط ليه بس من شركة في الصين وممكن تشتريه منهم بس معنديش فكرة عن الجمارك كام

http://www.alibaba.com/product-detail/Car-navigator-for-Brilliance-V5-specialcar_1422389806.html

المعلومات دي من اتصالى بيهم

لو ركبت الكاسيت الجديد ياريت تقولي لاني بفكر جديا فيه

[anadrol]

اللينك اللى حضرتك كتبتو مش شغال

[ahmednabeel]

اللينك اللى حضرتك كتبتو مش شغال

بخصوص تيل الفرامل العربيه بتنزل بتيل فرامل صديق للبيئه

وده بيتأكل في حدود من 10000-15000 مش موضوع دسكات والكلام ده

وبعد ما يتاكل متغيروش في التوكيل اشنري تيل فرامل اسكودا A4 هو نفس التيل وانا مركبه وزي الفل ولا صوت ولا اي حاجه والفرامل ممتازة وسعره 425 جنيه الامامي والخلفي مغيرتوش لسه مع انهم في صيانه ال 20 الف قالوا لي عايز تغيير قالت له لا انا هغيره بره

المحل موجود جمب المستشفى الجوي في ميدان الجيش


وصدقني انسى موضوع التيل تماما بعد كده

بخصوص اسعار الصيانات

2000 كيلوا ب 350جنيه على ما اتذكر ( ذاكرتي صعبه ههههههه)
10000 كليوا ب 500 جنيه
20000 كيلوا ب 1100 جنيه ( تغيير زيوت وفلاتر و بوجيهات وفلتر تكيف ومصنعيات والزيت بيحطوا 10000 كيلوا )

انا العربيه عامله 20750 كيلو حاليا ومرتاح معاها تماما


بخصوص الكاست راجع ردودي عن الموضوع ده بالتفاصيل والاسعار

واي استفسار انا تحت امرك

http://www.nilemotors.net/Nile/413046-v5.html

[Father Fam]

فعلا الرابط تغير

اللينك اللى حضرتك كتبتو مش شغال

اللينك فعلا الموقع غيره وده الجديد اعتذر

Car Dvd Player And Gps For Brilliance V5/h530 - Buy Car Dvd Player And Gps Product on Alibaba.com

[smsm159753]

عاوز استفسر عن فرش العربية v5
في حد فرش الكراسي جلد . وفين ؟ وهل كويس؟ وايضا السعر ؟

شكررا

[ahmednabeel]

عاوز استفسر عن فرش العربية v5
في حد فرش الكراسي جلد . وفين ؟ وهل كويس؟ وايضا السعر ؟

شكررا

رديت على حاضرتك في الموضوع اللي كتبته بخصوص الفرش