مش عارف اقولكم تباركولي ولا تواسوني

[HAMZA RASWAN]

اشتريت عربيه برليناس جالينا موديل 2007 ونا جاي بيها من اسكندريه عملت حادثه في الطريق الحربي راحو فيها فردتين كاوتش وجنط بس انا الحمد لله سليم واللي معايا في العربيه واكتشفت انا الكاوتش كمان كان تعبان اساسا الحمد لله علي كل شي بس المشكله ان فيه فرده ماخره عن فرده في العجل اللي قدام محدش يعرف دي تتصلح ازاي والعربيه بعد 100 بتعوم مني يا ريت حد يفديني

[ahmedelrayan]

معلش يا باشا قدر الله وما شاء فعل حضرتك هتروح عند اى حد بتاع ظبط زوايا بس يكون كويس وشاطر وهو هيعملك الموضوع ده يأما يبعتك عند سمكرى لان ساعات ترحيل العجل ده بيكون محتاج زرجينة

[hamo81]

انت تروح عند حد كويس يبصلك على العفشة طالما في عجلة رحلت شوية عن مكانها يبقى لازم تكشف على العفشة
وبعد كده تظبط زوايا وترصص

[ضى القمر]

قدر الله ماشاء فعل

[HAMZA RASWAN]

شكرا علي ردودكم وياريت اللي يعرف احل المشكله دي ازاي يقولي

[Mostafa Hessen]

اولا الحمد لله على سلامتكم
ثانيا دى عاوز تروح لظبط زوايا وهو يبص على العربيه ويقولك هيا مرحله قديه وهو اللى بيعمل الزرجينه غالبا
اما العومان فده ترصيص للعجل ودى بيتعمل عند اى حد بتاع كاوتش
بس يقضل تحل مشكله ترحيل العجلة اولا

[M I D O]

ممكن تحتاج زرجينة للاسف وهتعمل ظبط زوايا وترصيص من جديد وان شاء الله خير وحمد الله علي سلامتك

[Father Fam]

اولا

حمدلله على سلامتك وكل اللى كانوا معاك اولا

ثانيا رأيي توديها التوكيل جسر السويس

[S O P H O S]

الحمد الله انك بخير