بفكر أشتري frv كروس و عايز نصيحة

[ashraf mansour]

السلام عليكم و رحمة الله و بركاته
و كل سنة و انتم طيبين
و بعد ازنكم كان عندي استفسار
انا معجب جدا بالعربية frv cross و بفكر جدا اني اشتريها عشان هغير كمان 3 شهور ،بس أهم حاجة عندي انها تكون اعتمادية و حمالة أسييه عشان طبيعة شغلي كلها سفر و تنطيط طول اليوم وانا من النوع اللي بدوس جدا علي العربية في السرعة و الحرق بس دايما بعمل صيانة في التوكيل زي مابيقول الكتاب و أكتر شوية عشان انا مهندس ميكانيكا و بحب اهتم بالعربية و للعلم انا معايا أفيو 2010 عامل بيها 250 ألف كيلو لحد دلوقت و بفضل الله عمرها معطلت مني ولا كسفتني علي الطريق عشان براعيها كويس و ربنا بيسترها عليا .. السؤال بقة لو جبت frv كروس وعاملتها زي الأفيو هتقدر توصل للمستوي ده من الاعتمادية و الاحتمال ولا العرق الصيني هيشتغل ... ياريت اللي عمل عدد كيلو مترات كبير يقولي وصل كام ألف بيها و حالتها عاملة ايه.. ولا اعيد حساباتي تاني ياريت الإفادة و النصيحة لوجه الله من السادة الاعضاء و اسف علي الإطالة و شكرا مقدما

[Omar2017]

عفشة اوكتافيا و موتور ميتسوبيشي 1600 يعني اعتمادية اعلى من الافيو بكتييييييير و قطع غيار مرطرطة في كل حتة و ثبات تام لغاية 160

[ashraf mansour]

اشكرك جدا علي ردك بس حابب اعرف اخبار ضفيرة الكهربا و الاجهزة الكهربية اللي فيها و التكييف
و هل في حد من الاعضاء عمل بيها 100 ألف كيلو فيما فوق

[islamfouda]

انا معايا كروس موديل 2015 عامل بيها 4000 كم وطبعا ده مش رقم كبير للحكم عليها بس دي ملاحظاتي و يارب تفيدك
الموتور 1500 متسوبيشي mivec 4a91s 16v و ده للاتوماتيك و انا شايف اداءه جيد جدا مع وزن العربيه اللي هو 1250 kg بس موتور المانويل برليانس و معنديش تفاصيل عنه
التكييف جيد جدا بس للامانه كان الافضل يكون زجاج العربيه ملون لان الشبابيك بتدخل شمس بشكل كبير جدا و لدرجه تدايق خصوصا لواحد بيتحر بسرعه زى

العفشه طبعا مقدرش احكم عليها دلوقتي بس هي ناشفه شويه
العربيه اقصي سرعه جبتها بيها كانت 150 و كان ممكن جدا تجيب اكتر وكانت ثابته جدا جدا
معنديش تفاصيل عن الضفيره
الكاسيت شغال تمام و فيه USB & aux
الفرامل جيده جدا

[ashraf mansour]

شكراا جدا يا باشا و ربنا يباركلك في عربيتك و يبعد عنك شرها يا رب

[tamirjacko]

انا نازل احجز واحدة ادعولى

[S O P H O S]

انا نازل احجز واحدة ادعولى

ربنا يوفقك للخير
وتطمنا

[Eng.M_Mousa]

هي فعلا يا جماعة قطع غيارها منتشرة؟

[hi_nmr]

انا نازل احجز واحدة ادعولى

ربنا يوفقك

[midooo_119]

مع صاحبى و بيشكر فيها و معدى ال30 الف بيها .. البريليانس ماركه محترمه و كمان توكيل محترم اتكل على الله و ربنا يباركلك فيها

[Shiemaa]

حضرتك اشترتها خلاص ؟

ولو اشترتها كان عندي كام سؤال رايك فيها ايه ؟ فيها ايرباجز و asb ؟

هل سير الكتينه جنزير ؟

وجبتها بكام ومنين ؟ وانا كنت بقارن بينها وبين السوزوكي سويفت هي اصغر منها بس ياباني فايه راي حضرتك

اسفة ع الاطالة

[ashraf mansour]

لا والله انا لسة مغيرتش بس خلال شعرين ان شاء الله هكون خلصت و إشترييت و للعلم انا بنسبة 95 %مستقر علي العربية دي بس هجيب فول أوبشن مانوال

[YahiaAshraf]

مجربتهاش قبل كده بس اقدر اقولك عن تجربة موديل برليانس اخر ان برليانس ماركه محترمه جدا

[a7medhelal]

هو ممكن اسال حضرتك هاتجيبها منين ؟ وهي مش زجاج ملون البورشور بتعها كان مكتوب انه فيها زجاج ملون انا ان شاء الله عاوز اجيب واحده بعد العيد وكنت بسال عليها كتير ..
وهو في منها الوان ايه . وهل ماتور الاتوماتيك يفرق كتير عن المانيوال

[Mostafa Hessen]

السيارة معايا والحمد لله
200000 كم

توكل على الله