عندي مشكلة في v5

[abouwesam]

اشتريت v5 جديدة و عندي مشكلة ان الموتور بيسقف عند النقل مع ان الفيتيس اوتوماتيك و لازم تعمل نقلة لتحت و كمان الموتور صوته عالي شويتين و في ميعاد صيانة ٢٠٠٠ كيلو المهندس رفض ان يسمع للشكوى و بيقول ده عيب بنزين مع أني باستخدم بنزين ٩٢ و بحط من نفس المحطة في عربيتي التانية و هي اعلي من البريليانس و بدون اي مشاكل.
القصة كلها تدل وجود عيب في الموتور او في عمل الفتيس مع الموتور.

[summer158851]

حضرتك عملت صيانه ال 2000 فين انا كان عندى تقريبا نفس المشكله بس الحمد لله اليوم بعد صيانة ال 2000 فى جسر السويس العربيه اختلفت خالص
حاول تروح جسر السويس و تخليهم يطلعوا يجربوا العربيه قبل ما تدخل و على فكره لو معاك ورقه الصيانه و موعدها قريب ممكن متدفعش اى حاجه و فى كمان خدمه العملاء هناك كلمهم و ان شاء الله المشكله حتتحل
و المفروض بعد صيانه ال 2000 تحس بتغير
و شكرا و اى سؤال انا فى الخدمه

[samakaerror]

يا جماعه المشكله دي كانت بتحصل معايا فالـ frv كمان...و فعلاً دي مشكلة بنزين بلدنا...و السبب ان في عربيات بتسقف و عربيات لأ ان دلوقتي التوكيلات بتعمل تحديث للبرنامج بتاع الكنترول عشان لما يلاقي نسبة الحرق مختلفه يظبط العربيه انها تشغل البوچيهات تاني و كلام فني شويه.... فا لما تروح التوكيل قولهم لازم يعدلو المشكله دي و حضرتك حط سائل تنضيف الرشاشات و شوية اوكتان بوستر على كل مره تمون و الموتور هايبقي زي الفل... و الكلام ده حتي لو العربيه تمام يتعمل عشان بيحافظ عالموتور و بيدي اداء احسن للعربيه و بيفوقها...تحياتي و مبؤوك العربيه و لو فيها مشاكل تانيه ساريت تشاركها معانا.