مزايا وعيوب v5

[tamer fayed]

الساده المحترمين مالكی بريليانس v5
رجاء التفضل توضيح عيوب السياره ومميزاتها لأنی انوي شراؤها

[manny3000]

انا زيك و الله محتار بفئة الهاى لاين بتاعتها و بين التيريوس glx و المفروض باذن الله الأسبوع اللى جاى اخد قرار و اشترى واحدة منهم عشان هسلم عربيتى القديمة و محدش بيفدنى بحاجة هنا لحد دلوقتى

[Mostafa Hessen]

فين ملاك v5

رجاء التفاعل

[shando]

العربية جميلة بصراحة وخاصة انها فيها امكانيات ومميزات ممكن تلاقيها فى عربيات تانية بأسعار عالية.بس المشكلة اللى بتواجه اى حد مقبل على شراءها هو انها عربية صينى وده عيبنا اننا بنحكم على الحاجة من اسمها بس دون تجربة مع العلم ان العربية دى لاقت نجاح كبير جدا فى بلدها واوروبا .بس احنا عندنا عقدة الصينى واتمنى انا مفهومنا يتغير بالنسبة للموضوع ده.

[abdohod]

متابع

[مهند السحتري]

انا لسه شاريها النهارده وهستلمها بكره ان شاء الله
v5 H.L. silver
ان شاء الله استلمها واقوللك على اللى انت عايزه

معلومه التوكيل وقف البيع بقاله اسبوع وحينزل اسعار جديده يوم الاحد القادم 15 فبراير 2015
الكلام من التوكيل

[manny3000]

كل التوكيلات بترفع السعر دلوقتى علشان لما يجى معرض السيارات 12 مارس و يخغضوا يبقى بعوها بنفس سعرها . حركات زبالة و استغلال و مفيش حاجة اسمها رقابة او حماية مستهلك

[akodous]

انا كان معايا العربيه دي موديل 2013 الهاي لاين جبتها ب 157 و بعد تلات شهور بعتها ب 137 اول ماجبتها طلع فيها رجرجه جامده بعد الستين طلع الجنط في عوجه التوكيل قالك روح للي انت جايبها منه واللي جايبها منه قالك روح التوكيل ودمتم اشتريت جنط طبعا...بعد كده التكييف وحش قوي ياجماعه جسر السويس عملوا كونسلتوا و قعدوا يفتوا بس قالك الفريون ناقص هنشحنه كل ده في اول 1000 كيلو اتشحن لسه وحش بردوا اقنعوني ان العربيه دي تكيفها كده المهم اللي اشتراها كلمني بعد كده طلعت المروحه بتاعت التكييف بايظه و صلحوهاله ....شويه الدريكسين لقيته بيطاطا قالك الصليبه بايظه......الخ الخ الخ.....تروح التوكيا تسمع العجب اللي فتح السقف و مرضيش يقفل معاه عوامه البنزين اللي بتقولك مليانه و التنك فاضي .......نصيحه من واحد ملسوع توكيل سىء جدا و عربيه ماتستاهلش فلوسها هاتلك شارك و لا النترا و لو غاوي عالي هاتلك رينو داستر برقبتها و استحمل المانيوال

[manny3000]

انا جبت سوزوكى sx4 موديل 2015 هاى ﻻين تحفة هو سعرها عالى 185 الف بس صدقنى تستاهل خصوصا انها يابانى و تقغيل المجر اتحاد اوربى و كمالبتها فى الهاى ﻻين حلوة جدا من اول فرش جلد اصلى و زنون و رموش و فوج ﻻيت و ستيب ترونيك و حساسات ركن قدام و ورا و روف راك و ستارت انجين هو الحاجان اللى مش فيها بسبب التوكيل اللى فى مصر مش منزلها فيها فتحة سقف و بلوتوث و الكاميرا الخلفية بس عن تجربة العربية حلوة جدا انا اخترتها بعد ما قارنتها بالتريوس و ال v5 و القشقاى و شكلها مميز و محترم

[akodous]

انا جبت سوزوكى sx4 موديل 2015 هاى ﻻين تحفة هو سعرها عالى 185 الف بس صدقنى تستاهل خصوصا انها يابانى و تقغيل المجر اتحاد اوربى و كمالبتها فى الهاى ﻻين حلوة جدا من اول فرش جلد اصلى و زنون و رموش و فوج ﻻيت و ستيب ترونيك و حساسات ركن قدام و ورا و روف راك و ستارت انجين هو الحاجان اللى مش فيها بسبب التوكيل اللى فى مصر مش منزلها فيها فتحة سقف و بلوتوث و الكاميرا الخلفية بس عن تجربة العربية حلوة جدا انا اخترتها بعد ما قارنتها بالتريوس و ال v5 و القشقاى و شكلها مميز و محترم

الف مبروك يافندم اهم حاجه ان انت بعدت عن ال V5 انا جبت بعدها نيسان جوك حسيت قد ايه انا ظلمت نفسي لما اتحدفت على ال v5 بس الحمد لله و دلوقت معايا سيراتو هاي لاين يا راجل دي كانت غلطه

[manny3000]

ربنا يباركلك فى عربيتك و شكرا لنصيحتك بس هو فعلا فى ال V5 حظوظ يعنى اللى خد احسن دفعة اللى جاب 2012 اول ما كانت ب 120 و بعدين وصلت ل 140 و الباقى انت وحظك علشان طمع التوكيل خلاه يبص على ممكن يزود ايه علشان يرفع السعر بدون النظر على تلافى العيوب و الشكاوى من الملاك السابقين انا كنت هجيبها لولا صديق ليا عنده و خدنى بيها التوكيل فرع جسر السويس و سمعت على شكاوى كتير و مختلفة من الناس و اللى مش لاقى قطع غيار من اللى مش عارف يصلح عيب او صوت فيها رغم انه راح التوكيل 3 مرات لنفس العيب و انا كان قدامى لاجيب كارينز او ال v5 او القشقاى و بعدين شفت السوزوكى sx4 بجد دخلت دماغى اول ما شفتها و استرحت نفسيا ليها و توكلت على الله و جبتها و الحمد الله العربية محترمة و امكانيتها حلوة و شيك جدا عن كل اللى فى فئتها و عالية على الارض و كمالياتها بسعرها مناسبة هو التوكيل طبعا اللى فى مصر شايل منها البلوتوث و الكاميرا الخلفية بالجى بى اس و فتحة السقف غير الحاجات دى هتلاقى كل حاجة فيها و انصحك لو عايز تغير عربيتك روح اركبها و شوفها على الطبيعة لانها فعلا محترمة و مش هتندم