كهربائي بريلينانس

[hearty]

السلام عليكم
حبيت انقل تجربيتي لحبايبي الي ياما استفدت منهم المحترمين ملاك البريليانس في المنتديات.
بعد ما خاصمت التوكيل بسبب ارتفاع الاسعار و قطع الغيار الغير معمرة و قله الاهتمام بالعميل و بعد ما شرخولي سن الطبه بتاعت غيار زيت الفتيس و لحموها ب ابوكسي, ابتديت اعمل الصيانات الدورية و كشف الاعطال في ورش خارج التوكيل, ربنا وصلني لكهربائي جنبي في 6اكتوبر اسمه احمد سيد في الحي العاشر قصاد لفة البشاير علي محور جمال عبد الناصر اسم محله سمارت كار, الراجل ده شغال في التوكيل و عنده جهاز البريليانس لكشف الاعطال بنفس ماركة الشركة المصنعة للموتور xce
و عالكشف تمنه 30 جنيه و الراجل فعلا حافظ العربية, و اسالكم الدعاء

[Darsh Shoman]

شكرا يا ريس .. انا فعلا قريت عنه مرة في جروب على الفايس .. و هجربه لان محتاج شوية صيانات كده .. تسلم
بس ممكن تقولنا صلحت عنده ايه بالظبط و كان بكام؟

[hearty]

شكرا يا ريس .. انا فعلا قريت عنه مرة في جروب على الفايس .. و هجربه لان محتاج شوية صيانات كده .. تسلم
بس ممكن تقولنا صلحت عنده ايه بالظبط و كان بكام؟

بص يا باشا
انا كان عندي حساس البنزين بيهيس و اخر ربع فيه ملغى تماما رحت لاحد العباقرة قالي محتاج تغير طرمبه بالحساس و كمان كان عندي لمبة التشيك الصفراء منورة,و لما رحت للاسطى احمد فكها و نضفها و اخد 40 جنية و اشتغل تمام,و وصل العربية بالجهاز قالى لمبة التشيك عشان حساس الشكمان العلوي و اخد 30 جنيه كشف, فكيت الحساس و رحت اشتريته من عند ابو العوف في التوفيقيه ب250
(كان ب 500 في التوكيل غير المصنعية)ركبته بنفسي ولسه هرجع للكهربائي عشان يلغى الخطئ من على الجهاز.

[Mostafa Hessen]

مشكور على المعلومة