كل من استلم البريليانس Frv

[M.Nabil]

طلب من الاعضاء اللي استلموا عربيتهم البريليانس ال Frv
قولنا جبتها بكام ......
ومنين .........
ولونها ايه ..........
وهاي لاين ولا لو لاين...........
وتعليقك عليها بعد تجربتها (مميرزات و عيوب) ..........

[Hacker5]

اعتقد لسة شوية على ما حد من الاعضاء يجيب العربية خصوصا ان الاستلام بعد 20 يوم تقريبا بس بينى و بينك العربية دة معششة فى دماغى من اول ماشوفتها :) و ربنا يسهل و تتطلع محترمة ساعتها اللى معاه 70000 الف هايركب عربية مالهاش مثيل فى فئتها و ربنا يكرم .

[M.Nabil]

هو في عضو اشتراها mostafa taher بس عارض الموضوع في المنتدي العام, بس كنت عايز الموضوع يتنقل هنا علشان كل المعجبين واللي بيفكروا في العربية وعايزين راي اللي اشتروها يشوفوه في القسم الخاص بها, علشان غالبا في كتير ماشافوش الموضوع.

[Hacker5]

هوا اشتراها فعلا؟؟؟
الموضوع اللى عمله على العام هو اختبار قيادة فقط و مذكرش انه اشتراها ولا انا مش واخد بالى

[M.Nabil]

هوا اشتراها فعلا؟؟؟
الموضوع اللى عمله على العام هو اختبار قيادة فقط و مذكرش انه اشتراها ولا انا مش واخد بالى

:K15:انا اختلط على الامر اسف يا جماعة , بس بجد العربية دي عملتلي خبلان في دماغي.

[M.Nabil]

مفيش اي حد من الاعضاء هنا استلم العربية؟ الدفعة الاولي اتسلمت والعربية ابتدت تنور الشوارع الشوارع, معقولة مفيش حد من اللي استلموا عضو هنا؟

[BaZzo0oKa]

يا جماعه انا روح معرض بافريا فى روكسى وشوفت العربيه
بجد العربيه توحفه فى كل حاجه
بس كنت عايز اقولكو ان فيها نوعين
الى ب 70 الف والتانيه ب 75 الف بتفرق فى الجنوت و الانزار و كشفات شبوره و التنبيه الخالفى
وانا خلاص هحجزها واجبها بس قالولى فالتوكيل ان اول تسليم بعد 3 شهور فانا عايز اعرف فى اقل من كدا ولا احجزها من التوكيل وخلاص ولا ايه الكرم
بس بامانه العربيه تستاهل

[Rafraf]

BaZzo0oKa
عضو جديد

اهلا بك

العربية جميلة فعلا و انا حاجز الـ ب 75 بس احجز من ابو غالى افضل

لان المقدم فيه او الحجز بـ الف جنية بس!! يعنى لو لاقدر الله حصلت مشكله مش هتخسر الا 250 جنية ! غير طبعا الـ توكيل اللى حجزه 5000 جنية و بالتالى نسبة الخسارة فى حالة استرداد الفلوس اكبر

كمان ابو غالى بيقسط بفايدة 6%!! يعنى كلو مميزات و انا حاجز من اسبوع و المفروض ان التسليم بعد اسبوعين من الان! بس طبعا المعاد قابل للتمديد

اسأل فى ابو غالى يمكن يسلموك بدرى

بس ياريت يا شباب لو حد شاف صديق له او قريب او اى شئ معاه العربية و استلمها يقول لنا ايه رأيه عشان نطمن بس

[M.Nabil]

انا بقالي اسبوع حاجز وكاني بقالي سنة:k4:, انا بقيت بحلم بيها ههههههههههههههههه:k38:.
بجد جننتني:k5:

[mezo2k]

انا استلمت العربيه

العربيه زي الفل والثبات جامد جدا والعفشه هكذا الماتور لسه في التليين وانا تحت امركم في اي اساله

[ahmed76]

الف مبروك يا استاذ ميزو
بجد انا معجب جدا بالعربية دى

[volcano12]

العربيه زي الفل والثبات جامد جدا والعفشه هكذا الماتور لسه في التليين وانا تحت امركم في اي اساله

ألف مبروك يا باشا ربنا يحفظهالك و يكرمك يا رب.....



من فضلك عايزين تقييم سريع كده كل فتره....
أخبار السحب ايه؟ عشان أنا حاسس العربيه تقيله
العفشه؟ ناعمه و لا نشفه
الثبات؟
بعد التليين... السرعه القسوى 160 بس زى ماتكتب فى الجرايد؟
أخبار الكاسيت؟ام بى ثرى ولا أوديو و السماعات
الفرامل؟

و يا ريت يبقى بمقارنه مع عربيه تانيه لو ينفع عشان نعرف نتخيل

أسئله كتيره .... معلش خنتعبك و أى واحد تانى استلم .... بس أنا ان شاء الله يفكر أجيبها.. بس على الصيف اللى جى لو ربنا كرم....

[M.Nabil]

العربيه زي الفل والثبات جامد جدا والعفشه هكذا الماتور لسه في التليين وانا تحت امركم في اي اساله

الف الف مبروك يا باشا العربية وبرنا يحفظ طريقك
انا كنت قربت ايئس ان يكون اللي كل استلموا العربية مش اعضاء في المنتدي.
قولنا ايه اخبارها وياريت لو تصورهالنا حتة حتة الكبوت والصالون والشنطة وكله.
وترخيص والاجراءات كلفت كام؟
امنت ولا لآ؟
التلين سرعة كام ولمسافة اد ايه؟

معلش احنا هنقرفك شوية علشان لما صدقنا نلاقي حد استلمها.

[amirhamed]

لسه بدري على موضوع المميزات والعيوب مش لمى تمشي في شوارع المحروسه

[castelo]

ana mota2akid men an el motor mitsubishi la2en a3raf wa7ed sha3'al fe 3bd el hadi howa eli 2akidli keda
bas fih nas bet2ol el cassette mesh mp3 bas ana eli a3rafo 3'er keda la2en ana sa2el fe el 7ekaya dih ya ret low 7ad ye3raf ye2ol