عايز ابيع ال v5

[مهند السحتري]

السلام عليكم
معايا عربيه v5 2015 الهاي لاين فضي
عايز ابيعها والسبب ان صوت الصالون الداخلي من تنميلات بسمعه وانا سايق وداني حساسه ليها
في ناس بتقولي انها مش مسموعه بس انا سامعه.

العربيه عامله 7500 كم عليها اقساط البيع حيتم مع التكيش والتنازل والتسجيل للمشتري
لو حد مهتم يراسلني وشكرا
ولو في نصيحة تفضلوا

[amr011111]

ان شاء الله موفق فى البيع وتشكر على صراحتك

[mth3000]

ياريت معلومات اكثر عليها اقساط اد ايه ولو فيه امكانية استكمال الاقساط وشكراً

[مهند السحتري]

معرفش ينفع تستكمل الاقساط ولا لأ
هل ينفع نقل التقسيط باسمك ؟ اظن لا. حسأل وأقولك

[مهند السحتري]

ياريت معلومات اكثر عليها اقساط اد ايه ولو فيه امكانية استكمال الاقساط وشكراً

هو مينفعش لازم القسط باسم المالك الاول او التكييش

ممكن نشوف حل آخر اذا مهتم وشكرا جزيلا

[maichelsd]

اعضاء المنتدي المحترمين انا الحمد لله استلمت v5 من يومين ولسه مرخصتش لانى متردد بعد اللي قرأته عن العربيه و التوكيل والصيانة من سلبيات اكثر من الايجابيات . افيدونى افادكم الله.

[مهند السحتري]

اعضاء المنتدي المحترمين انا الحمد لله استلمت v5 من يومين ولسه مرخصتش لانى متردد بعد اللي قرأته عن العربيه و التوكيل والصيانة من سلبيات اكثر من الايجابيات . افيدونى افادكم الله.

العربيه في الاجمال متوسطه الجوده
العفشه والثبات والوسع جيد جدا
الهيكل الخارجي والصاج ممتاز
الدهان جيد
الموتور والسحب جيد جدا لكن السحب متوسط بسبب وزن العربيه على الموتور.
التقفيل الداخلي مقبول لكن سيارات وسيارات لازم تتأكد من التقفيل الداخلي
(رف الشنطه الخلفي - الكراسي - الحزام - التابلوه - الكاسيت aux + usb + fm)

العيوب الشهيره : علبة الدريكسون - والشنطه الخلفيه لها حلول في التوكيل
اصوات تنميل للتقفبل التابلوه ليس لها حلول في التوكيل
الاصوات ممكن تكون مش مسموعه لبعض الناس

المميزات : الثبات في الطريق وعلى السرعات - الفرامل ونظام الامان ممتاز - العفشه مريحه على عربيه suv

ولكم جزيل الشكر

[maichelsd]

شكراعلي اهتمامك بالرد.انا توكلت علي الله ورخصت العربيه امبارح

[مهند السحتري]

شكراعلي اهتمامك بالرد.انا توكلت علي الله ورخصت العربيه امبارح

الف مبروك ربنا يعطيك خيرها ويقيك شرها

[mm_nader]

استاذ مهند حضرتك بعت ولا لسه ممكن تبلغني على الخاص وشكرا

[مهند السحتري]

استاذ مهند حضرتك بعت ولا لسه ممكن تبلغني على الخاص وشكرا

لسه مبعتش

[د.محمود صلاح]

الأصوات دي موجودة عندي في الهيونداي سنتافي تنتج من الملفات والمطبات والهزهزة .. اصوات طقطقات خفيفة تصدر من الربل في الأبواب والتابلوه ..

الحل وجدته في رشاش سيليكون ملمع التابلوه
رشه على الاماكن اللي فيها الطقطقة وبتختفي تماما .. جرب وشوف السبراي السيليكون ده تمنه حوالي 25 جنيه ... اهم حاجة يكون سيليكون

مثال

[mazoobhit]

العربيه كامله بصمه ولا لا واخر سعر للبيع كام