برليلنس v5 بدل السيراتو كوبيه

[khaledazizeg]

السلام عليكم ورحمه الله وبركاته
انا طبعا من عشاق البريليانس انا كان معايا frv 1300 وبعد كده جبت ال 1600 وبحترم جدا العربيه ديه بسبب الثبات من احسن العربيات الي ركبتها من ناحيه الثبات في الغرز المفاجأه والملفات وكانت من افضل العربيات في الفئه السعريه في الوقت دا
المهم كانت حصلت مشكله في رجلي وماعرفتش اسوق مانيوال وجبت كيا سيراتو كوبيه طبعا هيا ممتازه من حيث الكماليات لكن عفشتها ناسفه ومش حلوه في الغرز المفاجأه انا تقريبا بخاف اعمل بيها غرزه المهم طبعا اكبر مشكله فيها وطيها عن الارض المهم انا في واحد معرفه بيقولي عنده بريليانس v5 لون اسود هيا مدهون فيها باب شنطه واكصدام خلفي والعربيه ركبتها الباور بتاعها كهربا تقريبا فكان مايه تحت ايدي والعربيه ناعمه وحلوه وعجباني وهابيع الكيا واجيب البريليانس

السؤال
هل هيا فعلا تستحق الاقتناء
ايه مشاكلها الشائعه
وياريت لو حد قابله تجربه يقولي
وهل قطع الغيار متوفرة والا لا واسعارها ايه

[ENG.MaRk]

ال V5 من أحسن العربيات اللي عملتها brilliance و شكلها حلو و كمالياتها كويسة و غيرت فكرتي تماماً عن العربيات الصيني اللي تطورت بشكل سريع جداً من الصفر إلي ما قبل المئة بقليل... فرق السحب و الثبات لصالح الكوبيه و شوية كماليات كدة مش مهمة أما بالنسبة للوسع الداخلي و نعومة العفشة و الراحة أثناء القيادة ف الbrilliance تكسب و مادام حضرتك جربتها و عجبتك يبقي توكل علي الله فيها و ربنا يوفقك لما فيه الخير إن شاء الله و أتمني لرجل حضرتك الشفاء العاجل :) ... تحياتي

[hamo81]

بالنسبة ل v5 عربية ممتازة لكن لا أنصحك بعمل غرز على سرعات عالية بالرغم من إن ثباتها ممتاز إلا إنها عاليه عن الأرض وأداء السيارة يختلف عن السيارات السيدان في الثبات

[khaledazizeg]

شكرا لاهتمامكم وهيا فعلا ماينفعش يتعمل بيها غرز لانها فئه ال suv
بس سؤال لمالكيها هيا كام نقله للاوتوماتك
واسعار قطع الغيار والعفشه تابعه لايه

[Mostafa Hessen]

مبروك ان شاء الله يا خالود