إستفسار ضرورى بخصوص الحرارة فى fsv

[hfarouk76]

السلام عليكم..السادة أعضاء Nile Motors الكرام
أنا معايا FSV 2014 أوتوماتيك عاملة 13000 كم تقريبا.. من بداية الصيف ده و أمبير الحرارة دايما معدى النصف بشرطتين أوتلاتة بس طبعا مابيوصلش للون الأحمر و بعدين يرجع للنصف و بعدين يعلى مرة تانية وهكذا و الكلام ده صبح و ليل وأى كانت حرارة الجو مع العلم إنى إتطمنت على مستوى المياه فى القربة و مفيش مشكلة فهل ده طبيعى فى العربية دى ولا أنا كده عندى مشكلة و محتاج أروح التوكيل ؟؟ أفيدونى أفادكم الله..و لحضراتكم جزيل الشكر.

[punisher]

طبيعي مفيش مشكله

[prince9x]

هي دي طبيعة العربية .. هات عشة جنيه تمن الاستشارة

[Eng/M Saad]

انا عندى نفس المشكله ودخلتها عالكمبيوتر ويقولى مفيش حاجه وكله تمام.المشكله دى بتظهر عندى لما بقف فى زحمه اما فالسرعات العاليه الحراره بتكون على اول ربع واللى اكتشفته ان المروحه بتشتغل لما الحراره بتوصل فوق النص بشرطتين او اكتر بس اقصاها 3/4 مبتوصلش الاحمر وطبعا بمجرد ان المروحه تشتغل بتنزل الحراره ويتكرر الموقف طول مالعربيه واقفه.طبعا انا كشفت على دورة الميه وكله تمام.اخر حاجه من يومين كشفت عليها فى اسماعيليه والميكانيكى هناك قالى غير الطمبوره بتاعت المكنه سالته اكيد قالى اه ده عيب فى العربيه دى رحت سالت عليها عند واحد قطع غيار صينى فى اسماعيليه لقيتها ب 650 بصراحه استغلتها وقلت لما اتاكد الاول ان ده فعلا العيب وادور اذا كان ليها بديل من اى عربيه تانيه...لما بشغل التكييف الحراره مبتعديش النص.حاجه اخيره واسف عالاطاله لما العربيه دخلت عالكمبيوتر المروحه كانت بتشتغل والحراره فى النص وبمجرد انى مشيت من عند الميكانيكى رفعت فوق النص زى العاده...انا معايا fsv 2011

[Mostafa Hessen]

كل ده طبيعى
وان كان ان الحرارة توصل 3/4 كتير
ومعلش ايه هيا الطمبورة لو تقصد طرمبة الميه دى متعديش 250 جنيه وهيا هيا بتاعه لانسر بوما لو عربيتك 1600cc

[Eng/M Saad]

معلش هو الميكانيكى قالى اسمها كده.هى زى مروحة الغساله العاديه القديمه الجزء الحديد بيركب عليها السير...انا اسف لان مليش فى العربيات قوى

[Mostafa Hessen]

يبقى بيقصد طرمبة المية

[sunrise bond]

حط زيت زادو xado وإنسى المشكله بعد 2000 كم وإدعيلى