اى استفسار او سؤال بخصوص بريليانس انا فى الخدمه

[zekoass33]

فى صوت عند السير عندما اشغل التكيف

اخى الكريم والاصدقاء الكرام السلام عليكم ورحمه الله وبركاته
معى سياره
Brilliance FSV 2013
عامله 65000 كليومتر مرحتش التوكيل الا مره واحده فى صيانه الاف كليو متر ولم اذهب اليه ثانيه
فى صوت عند السير عندما اشغل التكيف ولما اطفى التكيف يختفى الصوت هل من الكمبويسر ولا من بليه التكيف ال راكبه على السير علما بان البليه بتلف مع تشغيل التكيف او عدم تشغيله
هل يوجد نصيحه لااستمال هذه السياره او اى ملوحظه نتسفد بها من حضرتك وايه رايك بالسياره وشكرا جدا لحضرتك

[avantador]

استاذ zekoass33

عربيه حضرتك محتاجه كمبريسور جديد لان صوت الكمبريسور من عيوب العربيه اشترى واحد جديد وبلاش استيراد

[zekoass33]

شكرالحضرتك على الرد
اشترى كمبويسر جديد نفس نوع العربيه ولا اى كمبويسر ارجو الافاده ومن اين وكام سعره
وفى عيب تانى على سرعه 120 فى الملفات العربيه بتلعب من الخلف مش مظبوطه هل لها حل وشكرا لحضرتك

[mm_nader]

السلام عليكم
انا مقبل علي شراء سياره fsv ومحتار بينها وبين byd حضرتك تنصحني بايه

[avantador]

استاذ zekoass33 ممكن تعدل بكمبريسور لانسر بس هتلحم المواسير لانها مختلفه فى الانسر الافضل الكمبريسور بتاعها ممكن حضرتك تسال عليه فى ابو عوف فى التوفيقيه واتاكد وانت بتشتريه انه بيلف تقيل والكاوتش اللى راكب مكان المواسر مسدود وبالنسبه للعومان بتاع العربيه ده الطبيعى بتاعها وممكن تتحل عند اى حد بتاع زوايا يفتحلك العجل شويه بس العربيه هتوطى

[avantador]

استاذ mm_nader البريليانس وال بى واى دى تقريبا نفس الموتور مع تغيير حاجات بسيطه ممكن حضرتك تفكر فى الشكل بس متنساش ان البريليانس مفيش منها تاكسى غير 3 او 4 بعكس البى واى دى والبى واى واطيه اوى من ورا بعكس ال fsv

[zekoass33]

أستاذ avantador شكرا جزيلا وجزاك الله خيرا

[prince9x]

سؤال بالنسبة لتكييف عربية بريليانس اوتوماتيك fsv 2013

أحيانا لما تكون العربية لسه باردة سواء الصبح او الظهر او لو حتى الجو حار جدا بره لما بكرب العربية و ادورها و افتح التكييف مباشرة عن طريق زرار ال AC اللى بينور أورانج بيشتغل التكييف و الكمبريسور يقوم بس خلال أقل من دقيقة بيفصل لوحده و اللمبة الاورانج بتطفى و باضطر اضغط على الزرار تانى عشان الكمبريسور يقوم و عمره ما بيفصل تانى لوحده خلاص يفضل مكمل و شغال كويس و التبريد طبيعى نفس التبريد بتاع العربية من وقت ما اشتريتها زيرو .... ملاحظة : فى اول 1000 كم التوكيل ركبلى حاجة اسمها Expansion valve للتكييف عشان كان بيعمل صوت كده لما ييجى يقوم ..... عايز اعرف كده التكييف فيه عيب و الا لاء لانى قلتلهم عليه فى التوكيل كتير جدا و كل مرة على حظى لما ييجوا يجربوا التكييف و يشغلوه اول ما العربية تدور مش بيفصل معاهم و مش بيبان العيب قدامهم ! ممكن حضرتك توضحلى ايه ده ؟

[sail]

ممكن تقولي حضرتك عيوب البريليانس كروس والمميزات ؟؟؟؟؟
وايه رايك فيها شخصيا والعيوب اللي عدك عليك منها؟؟؟

[avantador]

استاذ prince9x

ال fsv بعضها فيها مشاكل فى الكمبريسور حتى وهى زيرو ومعروف فى التوكيل انهم بيغيروه اللى بيحصل ان البلوف اللى جوه الكمبريسور بلاستك فبتكسر وبتيجى لحد الاكسبانشن وتسده حتى الاكسبانشن هتلاقيه بيعمل صوت تزييق والتوكيل معندوش جهاز لتنضيف دوره التبريد بالنيتروجين والكلام ده اخره يعمل فاكيوم بس ويقول للعميل نضفنا الدوره بس هما بيحبو يخلو العميل يستوى يشتكى 100 مره من العطل وبعد كده يعملوه علشان اغلب الوقت مفيس كمبريسور فى المخزن
ليه العطل ده مبيظهرش هناك علشان يا اما حضرتك مشغل التكييف طول الطريق لحد التوكيل فالمشكله مش هتظهلر او بتظهر معاه ويقول ايه يعنى او مش عايز يغير دوره التبريد كلها علشان عطل بسيط من وجهه نظره لان انت متعرفش السدد فين ومفيش تنضيف دوره تبريد هيبقى مضطر انه يغير الدوره كلها
ليه اول مره بس وبعد كده خلاص لان العربيه اول مره وجوه العربيه سخن الكمبريسور بيشتغل لمده دقيقه او 2 بدون فصل

[avantador]

استاذ sail
الكروس عربيه شبابيه موتورها مظبوط على البودى قطع غيارها رخيصه وواسعه
اما للعيوب العفشه ناشفه جدا ونصيحه متشتريش منها الوتوماتك لان فتيس الاوتوماتك بتاعها فى مشاكل وملوش قطع غيار يعنى لو لاقدر الله حصل حاجه فتيس على طول وتمنه 50 الف فى التوكيل ويا ويلك لو مفتاح ضاع منك مفيش مفاتيح فى التوكيل ولا هيبقى الا بعد سنه مثلا

[prince9x]

انا فهمت من كلامك حاجة من اتنين : الكمبريسور فيه عيب و يحتاج للتغيير ... طيب ازاى معيوب و هو بيبرد عادى ؟

الحاجة التانية ان فيه سدد بسيط و انهم مش عندهم طريقة للتنظيف و الحل عندهم تغيير دورة التبريد بالكامل فى حال انى اثبت لهم وجود العيب .

أرجو الغجابة على السؤال الأول و هل فعلا الكمبريسور يحتاج لتغيير و الا انا فهمت خطأ

و بالنسبة للسدد هل هحتاج اعمله عند حد متخصص تكييفات و اقوله ايه عشان يحللى المشكلة ؟؟

السؤال الثالث : ايه الحل من وجهة نظر حضرتك انا محتاج حل مع العلم انى لسه فى الضمان العربية 40 الف كيلومتر بس انا عندى ضمان الكهرباء 60 الف كيلومتر مش 40

و ارجو ارسال رقم موبايلك للتواصل اذا تسمح سواء هنا او على الخاص فانا محتاج للاستفسار بالتفصيل و بدقة و متشكر على تعبك

[usamayounes]

أخي الكريم لمبه electric power steering بتنور عندي بعد سرعة 60 ومركز صيانة الدراسه معرفش يعمل حاجه .مع العلم أنه مفيش تأثير على أداء السيارة

[avantador]

استاذ prince9x

الكمبريسور بيبرد عادى لانه اللى بايظ فيه ملوش علاقه بالتبريد والكمبريسور طبعا محتاج يتغير وضمان الكهربا 40 الف مش 60 اتاكد تانى وبلاش تعمل شغل بره علشان ميقولوش انه بسببك

[avantador]

استاذ usamayounes لمبه ال EPS بتنور علشان حضرتك اكيد عملت شغل فى العفشه او علبه الدركسيون وحد فتح كونتاكت والدركسيون مش فى النص كل اللى محتاجه انه يعمل CALIBRATION يعنى معايره