Tweet
وجهة نظر...
السلام عليكم ورحمة الله وبركاته
أعضاء نايل موتورز الكرام
بصراحه انا شايف اننا بنغالط بعض فى موضوع العربية FRV
العربيه ليه بنظلمها بسبب شئ احنا عارفينه من قبل...
معنى كلامى حوضحه فى نقاط..
1- السيارة نعم جديده وأول مره حد يجربها وأنا عاوز اعرف فين العربية اللى مكنتش فى يوم جديده ومتجربتش أكيد فى مرة أولى , ولازم نكون واقعيين مفيش شئ مسلم بيه ولا منتج كامل بنسبة 100% وده أجزم بيه بحكم عملى كمهندس مشتريات.
2- شراء سيارة لم تجرب وكونها صينى هل يعيبها فى شئ بالعكس السيارة لها اختان فى السوق المصر جالينا واسبلندر وقد اثبتوا كفاءه واسئلوا ملاك السيارة فعلا ممتازين ومسألة اختبار التصادم اللى بنتكلم عنه قولولى فين العربية اللى لما بتعمل حادثه فى الفئة دى مبتتعجنش,الحادثة حادثة انت سوق بعقل وتوكل على الله.
3- فى فلسفة اسمها قرار الشراء اللى محدش بيفهم فيه حاجه انت من الأول حاجز سيارة صينى ومتجربتش يعنى انتى شاريها بس علشان سعرها ولا علشان شكلها ولا امكانيتها الخ يعنى السعر يمثل كام فى تقيمك لو السعر هو كل التقييم يبقى انت بتحكم بصورة هزليه ، يعنى لازم تقيم العرض اللى قدامك علشان تعرف اولوياتك.
4- الشئ الهام هو مسألة زياده السعر اللى حصلت ودى بقه الكل عارف بيها مسبقا وجميعنا قرأ العرض ومكتوب فيه السعر ترويجى لفترة محدودة واللى سأل فى أى معرض حجز منه حيعرف انهم متوقعين الزياده وعارفين انها حتنزل على الحاجز طالما لم يستلم وفيه مشاركات فى المنتدى كانت تسأل هل لو فيه زياده حتنزل على اللى حاجز والكل عارف الكلام ده فليه بقه التهليل ده.
5- الغريب بقه طالما انت غيرت رأيك لأنك من الأول لم تأخذ قرارك عن اقتناع وقررت تلغى حجزك لزيادة السعر ليه بقه التهليل وليه نجد واحد يقول فين الرجالة الللى حتلغى وليه تشكك فى العربيه وتقول مش كفايه هى صينى وكمان متور صينى ,ليه ما انت عارف الكلام ده من الأول محدش ضربك على ايك علشان تحجز ومحدش غماك وانتى بتشوف الموتور ,يعنى على عينك يا تاجر ليه بقه تهلل خلاص طالما حتلغى الغى ولا انت عاوز قرار مساعد وتبقى لمه الكل يلغى .
نتعلم بقه نواجه الأمور بحكمه ونتعلم كيف نأخذ قراراتنا ومتى نأخذها .
6- عندى سؤال للجميع مين فينا معندوش جهاز فى بيته صينى ويقولى ايه فاضل فى السوق يابانى قليل جدا دى حتى تويوتا كورولا 2009 جنوب افريقى وفيها عيوب , ده انا لما حبيت اشترى لاب توب دورت فى الماركات لقيتها كلها صناعة صينيه مفيش غير DELLبس اوروبى .
واشتريت HP مواصفات عاليه وسعر اقل منDELL والحمد لله صفقة ممتازة الجهاز بيشتغل باليومين بلا مشاكل
رغم انه صينى ناهيك عن التليفزيون والكاسيت ماركات ايوه بس صينى الناس دى شغاله بجد ويعتمد عليها بس انت عاملها كويس حتعيش معاك بلاش الحكم بظلم .
7- فى كلامى ده مبنكرش وجود منتجات صينية سيئه جدا وده ليه اسباب ,وده برده بحكم عملى نستورد منتجات من الصين وعن حقيقه المنتج عندهم له درجات فى الجوده وانت تختار, معنى كلامى ممكن تقوله يعمل ساعه ب 1\2 دولار حيعملهالك وممكن تقوله ب 10 دولار حيعمل نفس الساعه بجوده أعلى بكتير ودى شطاره منهم وعيب فينا اختيار الأسوأ , وأقصد أن المستورد المصرى الغير حريص على سمعته يذهب لمعارضهم قى الصين ويشترى أسوأ المنتجات وينزلها هنا أما من يهتم بسمعته فيشترى الأجود , والميزه عندهم أن حكومتهم تدعم الصناعة بجانب رخص الأيدى العامله .
8- عايزين نشوف بقه مكونات الكمبيوتر من معالجات ولوحات رئيسية وذاكره وكروت صوت وشاشه وخطوط انتاج اللاب توب والسيرفرات والشبكات السلكية واللاسلكية وكل الميكروتكنولوجى ايه رايكم مش كلها صينى حد عنده فكره ان الصين صممت معالج بسرعة 3 جيجاهرتز ده من سنتين وبقول صممت وصنعته عندها ودى تكنولوجيا عاليه جدا وصعبه ومش متاحه غير لدول على أصابع اليد , حد يعرف انهم بيصنعوا أقمار صناعيه ومتقدمين فى علوم الذرة وعلوم الهندسة العكسيه ومجالات كتير جدا منسمعش عنها احنا كل ده بنتكلم عن الصين بنتكلم هنا عن شعب منتج بجميع فئاته .
9- ختاما بلاش نظلم العربيه دى وخلى حكمنا متعقل وعن تجربه وأسباب واضحه وليست أهواء شخصيه.
اعذرونى على الإطاله ولكن أردت أن أنصف تلك الصناعة واوضح وجهة نظرى
ولكم خالص تحياتى...
أعضاء نايل موتورز الكرام
بصراحه انا شايف اننا بنغالط بعض فى موضوع العربية FRV
العربيه ليه بنظلمها بسبب شئ احنا عارفينه من قبل...
معنى كلامى حوضحه فى نقاط..
1- السيارة نعم جديده وأول مره حد يجربها وأنا عاوز اعرف فين العربية اللى مكنتش فى يوم جديده ومتجربتش أكيد فى مرة أولى , ولازم نكون واقعيين مفيش شئ مسلم بيه ولا منتج كامل بنسبة 100% وده أجزم بيه بحكم عملى كمهندس مشتريات.
2- شراء سيارة لم تجرب وكونها صينى هل يعيبها فى شئ بالعكس السيارة لها اختان فى السوق المصر جالينا واسبلندر وقد اثبتوا كفاءه واسئلوا ملاك السيارة فعلا ممتازين ومسألة اختبار التصادم اللى بنتكلم عنه قولولى فين العربية اللى لما بتعمل حادثه فى الفئة دى مبتتعجنش,الحادثة حادثة انت سوق بعقل وتوكل على الله.
3- فى فلسفة اسمها قرار الشراء اللى محدش بيفهم فيه حاجه انت من الأول حاجز سيارة صينى ومتجربتش يعنى انتى شاريها بس علشان سعرها ولا علشان شكلها ولا امكانيتها الخ يعنى السعر يمثل كام فى تقيمك لو السعر هو كل التقييم يبقى انت بتحكم بصورة هزليه ، يعنى لازم تقيم العرض اللى قدامك علشان تعرف اولوياتك.
4- الشئ الهام هو مسألة زياده السعر اللى حصلت ودى بقه الكل عارف بيها مسبقا وجميعنا قرأ العرض ومكتوب فيه السعر ترويجى لفترة محدودة واللى سأل فى أى معرض حجز منه حيعرف انهم متوقعين الزياده وعارفين انها حتنزل على الحاجز طالما لم يستلم وفيه مشاركات فى المنتدى كانت تسأل هل لو فيه زياده حتنزل على اللى حاجز والكل عارف الكلام ده فليه بقه التهليل ده.
5- الغريب بقه طالما انت غيرت رأيك لأنك من الأول لم تأخذ قرارك عن اقتناع وقررت تلغى حجزك لزيادة السعر ليه بقه التهليل وليه نجد واحد يقول فين الرجالة الللى حتلغى وليه تشكك فى العربيه وتقول مش كفايه هى صينى وكمان متور صينى ,ليه ما انت عارف الكلام ده من الأول محدش ضربك على ايك علشان تحجز ومحدش غماك وانتى بتشوف الموتور ,يعنى على عينك يا تاجر ليه بقه تهلل خلاص طالما حتلغى الغى ولا انت عاوز قرار مساعد وتبقى لمه الكل يلغى .
نتعلم بقه نواجه الأمور بحكمه ونتعلم كيف نأخذ قراراتنا ومتى نأخذها .
6- عندى سؤال للجميع مين فينا معندوش جهاز فى بيته صينى ويقولى ايه فاضل فى السوق يابانى قليل جدا دى حتى تويوتا كورولا 2009 جنوب افريقى وفيها عيوب , ده انا لما حبيت اشترى لاب توب دورت فى الماركات لقيتها كلها صناعة صينيه مفيش غير DELLبس اوروبى .
واشتريت HP مواصفات عاليه وسعر اقل منDELL والحمد لله صفقة ممتازة الجهاز بيشتغل باليومين بلا مشاكل
رغم انه صينى ناهيك عن التليفزيون والكاسيت ماركات ايوه بس صينى الناس دى شغاله بجد ويعتمد عليها بس انت عاملها كويس حتعيش معاك بلاش الحكم بظلم .
7- فى كلامى ده مبنكرش وجود منتجات صينية سيئه جدا وده ليه اسباب ,وده برده بحكم عملى نستورد منتجات من الصين وعن حقيقه المنتج عندهم له درجات فى الجوده وانت تختار, معنى كلامى ممكن تقوله يعمل ساعه ب 1\2 دولار حيعملهالك وممكن تقوله ب 10 دولار حيعمل نفس الساعه بجوده أعلى بكتير ودى شطاره منهم وعيب فينا اختيار الأسوأ , وأقصد أن المستورد المصرى الغير حريص على سمعته يذهب لمعارضهم قى الصين ويشترى أسوأ المنتجات وينزلها هنا أما من يهتم بسمعته فيشترى الأجود , والميزه عندهم أن حكومتهم تدعم الصناعة بجانب رخص الأيدى العامله .
8- عايزين نشوف بقه مكونات الكمبيوتر من معالجات ولوحات رئيسية وذاكره وكروت صوت وشاشه وخطوط انتاج اللاب توب والسيرفرات والشبكات السلكية واللاسلكية وكل الميكروتكنولوجى ايه رايكم مش كلها صينى حد عنده فكره ان الصين صممت معالج بسرعة 3 جيجاهرتز ده من سنتين وبقول صممت وصنعته عندها ودى تكنولوجيا عاليه جدا وصعبه ومش متاحه غير لدول على أصابع اليد , حد يعرف انهم بيصنعوا أقمار صناعيه ومتقدمين فى علوم الذرة وعلوم الهندسة العكسيه ومجالات كتير جدا منسمعش عنها احنا كل ده بنتكلم عن الصين بنتكلم هنا عن شعب منتج بجميع فئاته .
9- ختاما بلاش نظلم العربيه دى وخلى حكمنا متعقل وعن تجربه وأسباب واضحه وليست أهواء شخصيه.
اعذرونى على الإطاله ولكن أردت أن أنصف تلك الصناعة واوضح وجهة نظرى
ولكم خالص تحياتى...
علشان مفيش مواصفات قياسيه لدخول العربيات فى مصر وحتى لو موجوده هتتكوس
بالتالى ملناش الا اختبارات الناس المحترمين اللى البنى ادم له تمن عندهم زى اوروبا طبعا
Comment