الجالينا والدخان الاسود

[mahmoud elamry]

العربيه عندي كان الايرماث الي فوق قربه الهواء بايظ وكانت العربيه بدأت تطلع دخان اسود من الشكمان المهم غيرت السنسور والمبه طفت بس لسه العربيه بتطلع دخان اسود وبتاكل بنزين يعني الصفيحه بالكتير 100 كيلو لو على طريق سريع لو في زحمه ممكن ٧٠ كيلو والي اتاكدت منه ان جوان الفزن بيسرب والشكمان مخروم وطبعا العربيه بتفتف من الشكمان على السلانسيه لما بزود بتروح والعادم الاسود بيطلع بعد تشغيل العربيه بخمس دقائق والار بي ام بيكون عند 600 مبيوصلش ل 1000 في السلانسيه ممكن يكون العيب في ايه وشكرا

[tasaka]

التسريب من جوان الفرن .. و كمان خرم الشكمان ( لو قبل علبه البيئه ) .. ده بيعمل Vacuum .. بعنى دخول اكسجين غير محسوب الى علبه البيئه.. ( الكمبيوتر ما يعرفشى عنه حاجه .. لان الكمبيوتر بيقيس الهوا عن طريق ال اير ماس و بناء علىه يحدد نسبه البنزين )

حساس الهوا فى علبه البيئه بيبلغ الكمبيوتر ان نسبه الاكسجين اعلى من اللازم ( Lean ) بمعنى ان الحريق فقبر .. الكمبيوتر يعطى امر بتزويد ضخ البنزين لتعويض الحريق الفقير

النتيجه العربيه تأكل بنزين بدون سبب

الحل .. منع حدوث Vacuum .. يعنى اى تسريب او خرم فى الشكمان تصلحه .. اى خراطيم Vacuum بايظه او بتسرب تظبطها ..

يعنى تمنع دخول اى هوا للموتور من اى مكان الا من عند فلتر الهوا اللى راكب عليه الاير ماس .. علشان كميه الهوا المقاسه اللى بتروح الكمبيوتر تبقى سليمه

و بعدين جرب .. لو المشكله لسه موجوده فدى ليها اسباب كتير

[mahmoud elamry]

تسلم على التوضيح وانا هروح اغير الجوان بتاع الفرن وهو فعلا مخروم قبل الحساس والغريبه ان في العلبه الاخيره في الشكمان برضو بس موش مخروم بينفس من مكان اللحام بس سؤال هو لو سينسور o2 بايظ اللمبه بتنور ولا لا لان قالولي ممكن السينسور يكون بايظ وشكرا على اهتمام حضرتك

[tasaka]

ان شاء الله ساضع لك رد تفصيلى لاحقا

[mahmoud elamry]

الف شكر على اهتمام حضرتك

[tasaka]

تسلم على التوضيح وانا هروح اغير الجوان بتاع الفرن وهو فعلا مخروم قبل الحساس والغريبه ان في العلبه الاخيره في الشكمان برضو بس موش مخروم بينفس من مكان اللحام بس سؤال هو لو سينسور o2 بايظ اللمبه بتنور ولا لا لان قالولي ممكن السينسور يكون بايظ وشكرا على اهتمام حضرتك

اسف .. حاولت امبارح اكثر من 5 مرات انى اكتب رد تفصيلى لكن موش قادر لانى مرهق زياده

رد مختصر

تسريب فاكيوم
الشكمان يتراجع عليه كله .. يعنى الفلانشات اللى على امتداد الشكمان يراجع على جواناتها و التنفيس منها

اى تسريب فاكيوم من اى خرطوم لازم يوقف .. راجع على القفيز و عدم وجود قطع صغير او ما شابه فى الخراطيم

خلى بالك لو الكربون كان كتير بيقى البوجيهات و علب الشكمان حتكون فيها كربون .. يعنى محتاج تمشى مشور مثلا علشان البوجيهات تسخن و تنظف نفسها ذاتى .. عموما امنع التسريب و جرب يوم و شوف


لمبه التشيك
لمبه التشيك موش لازم تنور لو العربيه استهلاكها من البنزين زاد .. موش شرط
فيه نسبه استهلاك بنزين معينه هى اللى بعدها اللمبه تنور .. فى اليابانى على حد علمى لما الاستهلاك يزيد عن الطبيعى 25% .. قبل كده الكمبيوتر بيسجل عطل و لكن لا يضيئ اللمبه .. و فى احد الزملاء قال فى الاوبل استرا النسبه هى 12% و بعدها اللمبه تنور


حساس الاكسجين
فيه حساس قبل علبه البيئه من ناحيه الموتور .. ده اسمه OS 1 و ده هو المسئول عن نسبه الخلط بنزين \ هواء

ده اختباره على الجهاز .. المفروض قرأته تكون من فوق الصفر بشويه الى اقل من 1 بشويه .. و تكون القراءه بتتغير بين القيمتين بسرعه كبيره .. لو كان بيعمل كده يبقى سليم و نسبه الخلط سليمه

فيه حساس تانى بعد علبه البيئه OS 2 .. ده بيكون علشان يقيس كفاءه عمل علبه البيئه ده المفروض قراته تكون شبه ثابته اة بتذبذب بسيط .. كده يبقى شغال كويس


اختبار وجود تسريب فاكيوم

- ده ليه طريقه بالجهاز .. بس اشك جدا ان الراجل يكون يعرفها
- فيه قراءه على الجهاز اسمها Long Trim Fuel Trim و اختصارها على الجهاز هو LTFT
- القيمه دى المفروض تكون فى حدود 1 ( يزيد او ينقص 2% ) .. لما العربيه بيكون فيها استهلاك زياده ( بسبب امر من الكمبيوتر ) .. القيمه دى ممكن تكون ازيد من الواحد 10 او 15 او حتى 20% ( لمبه التشيك موش حتنور قبل ال 25% مثلا )

- لو كان الاستهلاك لزياده ده بسبب تسريب فاكيوم .. يبقى لو زودت بنزين ثابت مثلا 3000 دوره ثابت لمده دقيقتين او 3 مثلا .. حتلاقى القيمه دى بتنزل الى 1 ( يزيد او ينقص 2% ) .. و لو سيبت العربيه تنزل للسلانسيه ( الدورن العادى ) حتلاقى القيمه دى رفعت تانى الى ازيد من الواحد 10 او 15 او حتى 20%

لو حصل ده .. كده ده مؤكد ن فيه تسريب فاكيوم

السبب العلمى
هو ان العربيه على السلانسيه بتسحب من من مدخل الهوا كميه قليله و لنفرض انها تساوى 1 .. و فيه تسريب فاكيوم مثلا يساوى 1 .. يبقى حساس الاكسجين حيحس ان بضعف كميه الاكسجين اللى المفروض تكون موجوده لو الخلط مظبوط .. يبقى الكبيوتر حيضاعف ضخ البنزين .. ده ينتج عنه LTFT عالى 20% زياده مثلا

لما انت بتزود بنزبن ثابت على 3000 دوره مثلا .. نسبه الهوا اللى داخل من فلتر الهوا اصبحت 3 اضعاف قيمتها عند سرعه السلانسيه .. يعنى الهوا اصبح 3 و التسريب الفاكيوم زى ما هو 1 .. حساس الاكسجين حيحس بوجود هوا زياده الربع مثلا و لكن ليس الضعف كما كان فى الحاله الاولى .. حيحس ان فيه هوا زياده 15 او 10% .. يبقى الكمبيوتر بدل ما يضخ الضعف زياده حيضخ 10 % زياده مثلا .. النتيجه ان LTFT يبدأ يهبط و تقل قيمته و يصبح 5% زياده مثلا ( بدلا من 20% على السلانسيه ) .. يعنى LTFT حينزل مع دوسه البنزين قرب القيمه الطبيعيه

- احتمال من غير جهاز انك تعرف تسريب الفاكيوم بالطريقه الاتيه ( غير مؤكده بس ممكن تجربها يمكن تبين لك ) .. العربيه على السلانسيه بتطلع كربون من الشكمان .. زود بنزين ثابت 3000 دوره لمده 2 او 3 دقيقه و شوف العربيه بطلت تطلع كربون ام لا ( لو بطلت كربون يبقى الحريق اصبح مظبوط ) .. و بعدين شيل رجلك و سيبها سلانسيه و شوفها رجعت تانى تطلع كربون .. طبعا الجهاز هو الفيصل فى موضوع الفاكيوم ده


حساس الاير ماس
حساس الاير ماس MAF ده قطعه معمره ( يعنى ممكن يشتغل 100 الف كم مثلا ) .. ده ما بيتنظفش ..و لا يلمس باليد عن مكان السلك اللى جواه

و لو بيتنظف فله منظف خاص موش منظف كاربراتير او انجكشن

السبب ان فيه سلك بيسخن و مطلى بطبقه خاصه .. و لما الهوا يمر عليه يبرد نسبيا .. ده بيعكس كميه الهوا على هيئه فولت يرسل للكمبيوتر علشان بحدد نسبه الخلط

سؤال
- هل ظهر الكربون بعد عطل الاير ماس ام بعد موضوع الشكمان ..
- هل قل بعد تغيير الاير ماس .. هل الايرماس جديد ام استعمال
- العربيه كان استهلاكها كام قبل موضوع الكربون ده



لو مفيش تسريب فاكيوم و العربيه لسه بتستهلك بنزين زياده
- يبقى تكشف على البوجيهات و الرشاشات فلنر بنزين فلتر هوا
- و تتأكد من ان الاير ماس كويس


اعذرنى لو كان الشرح موش واضح او موش وافى .. لانى بصراحه دماغى حتنفجر من الصداع

[mahmoud elamry]

في الاول فعلا معرفش اشكر حضرتك ازاي على الشرح ده وتعبك والف سلامه عليك .....
هي مشكله العربيه زي محضرتك بتقول وهي على السلانسيه بتاكل بنزين بغباء ولو مشيت على سرعة 100 - 120 الاستهلاك بيكون نسبيا كويس وجربت الطريقه الي حضرتك قلت عليها للتأكيد العادم الاسود قل بنسبه 80% مثلا يعتبر مبقاش ملحوظ بس جربت اقرص واوصل 4000 - 5000 دوره بيطلع كميه كربون غير ادميه بس الي هو ازود واسيب .....
والاير ماس استيراد ملقتش جديد وكانت العربيه جابت اخرها مكنتش بتتحرك اول متاخد غيار تبطل وللاسف جبته ب 1300 جنيه وبعد مجبته عرفت ان سعره موش كدا خاااااالص بس نصيب ..
مشكله العادم ظهرت بعد الايرماس لما بداء يخرف بفتره قليله وموش عايز اقول لحضرتك الموضوع ده بقاله شهر او شهر ونص كدا لدرجه اني غيرت البوجيهات من اسبوع وكانت من كمية الكربون كان عامل زي رمل اسود عليها...
نسيت اقول لحضرتك ان العربيه وانا ماشي على سرعه عاليه مبشمش ريحة العادم جوه العربيه اول مهدي السرعه وتوصل 40 مثلا اشمها جوه العربيه ....
لا موضوع الاستهلاك قبل كانت ممتازه قبل مشكله العادم ده فعلا كانت الصفيحه ممكن تعمل160 مثلا وبالذات انا مبسافرش كثير فكله داخلي او الاغلبيه والعربيه دلوقتي بتاكل بنزين وهي واقفه اكثر من وهي ماشيه....

ذافندم الشرح بجد تسلم واضح جدااا ومفصل وبأسلوب سهل وكفايه اهتمام حضرتك

[tasaka]

طريقه اختبار حساس الاكسجين

و بيوضح القراءات لما يكون الحساس شغال كويس

https://www.youtube.com/watch?v=9VZ5K8n5jj0

[tasaka]

لا موضوع الاستهلاك قبل كانت ممتازه قبل مشكله العادم ده فعلا كانت الصفيحه ممكن تعمل160 مثلا وبالذات انا مبسافرش كثير فكله داخلي او الاغلبيه والعربيه دلوقتي بتاكل بنزين وهي واقفه اكثر من وهي ماشيه....

هل ال 160 دى جوه البلد ؟؟ ام طريق سفر ؟ ام خليط بين الاثنين ؟
لان عربيتى عليها نفس الموتور ميتسوبيشى جالانت 2000 سى سى .. فيهمنى اعرف النقطه دى لنفسى


الفكره العامه
- العيب ممكن يكون قطعه ميكانيكيه .. رشاش بيسيل .. اير ماس ملخبط .. بوجيهات .. فلاتر

- و العيب ممكن يكون ضخ زياده من الكمبيوتر نتيجه بيانات بتيجى له غلط .. و كل شيئ سليم فى العربيه

- لما انت ذكرت الاير ماس و جوان و خرم الشكمان .. دول ممكن يوصلوا بيانات غلط للكمبيوتر .. افأول خطوه اننا عايزين نتأكد ان ده موش عيب امر ضخ زياده من الكمبيوتر نتيجه بيانات غلط

- من الاسباب الاخرى التى قد تتسبب فى ان الكمبيوتر يعطى امر زياده او انقاص ضخ .. طلمبه بنزين ضعيفه .. فلاتر مسدوده .. بوجيهات سيئه

- لو اتأكدنا ان الكمبيوتر بيضخ النسبه المظبوطه .. يبقى ندور على القطع الميكانيكيه اللى ممكن تعمل كده


الخطوات
1- قياس على كمبيوتر لقيمه LTFT لو طلعت عاليه يعنى زياده مثلا 15% ( 1.15 ) .. يبقى كده عرفنا ان الكمبيوتر بيضخ زياده
2- تحديد سبب الضخ الزياده .. او حاجه فكررت فيها وجود تسريب فاكيوم لانك وضحت خرم الشكمان و الجوان

طريقه اختبار الفاكيوم هى بالجهاز ( الراجل ممكن ما يفهمشى ) بس انت تخليه يزود الى 3000 مثلا ( ثابته ) دقيقيتين او ثلاثه .. و يشوف LTFT ..
لو نزل LTFT يبقى قى تسريب .. تبدأ تدور التسريب منين
لو ما نزلش و فضل على نفس القيمه مثلا 15% ( 1.15 ) .. يبقى مفيش تسريب و تبدأ فى البحث عن سبب تانى .. و حيكون سبب ميكانيكى قطعه غيار فى الاغلب

هي مشكله العربيه زي محضرتك بتقول وهي على السلانسيه بتاكل بنزين بغباء ولو مشيت على سرعة 100 - 120 الاستهلاك بيكون نسبيا كويس وجربت الطريقه الي حضرتك قلت عليها للتأكيد العادم الاسود قل بنسبه 80% مثلا يعتبر مبقاش ملحوظ بس جربت اقرص واوصل 4000 - 5000 دوره بيطلع كميه كربون غير ادميه بس الي هو ازود واسيب .....

ده اختبار تقريبى .. الفيصل هو قراءه الجهاز
بس اللى حصل يبين ان ممكن يكون فيه تسريب فاكيوم ( قلت 80% ) .. يعنى ده موشر

راجع وصلات الشكمان كلها .. لو فلانشه من اللى بتوصل اجزاء الشكمان جوانها بيسرب برضه تعمل كده


لما دوست دوسه ثابته ( دى هى الفيصل .. تكون ثابته ) قلت نسبه العادم
اما تدوس و تسيب دى غلط .. لانك بتخلى نسبه الهوا بنزين 1:1 سلانسيه .. و 3:1 سرعه ثابته مثلا
يعنى ده موش اختبار لاى حاجه .. مجرد انك بتطرد الكربون اللى راكن فى الشكمان

والاير ماس استيراد ملقتش جديد وكانت العربيه جابت اخرها مكنتش بتتحرك اول متاخد غيار تبطل وللاسف جبته ب 1300 جنيه وبعد مجبته عرفت ان سعره موش كدا خاااااالص بس نصيب ..
مشكله العادم ظهرت بعد الايرماس لما بداء يخرف بفتره قليله وموش عايز اقول لحضرتك الموضوع ده بقاله شهر او شهر ونص كدا لدرجه اني غيرت البوجيهات من اسبوع وكانت من كمية الكربون كان عامل زي رمل اسود عليها...

تفسير ليه الاير ماس لما باظ العربيه طلعت كربون
ظهور الكربون معناه ان الاير ماس بيقرأ كميه هوا اكبر من اللى داخله فعلا .. مثلا اللى داخل فعلى 10 و هو بيقرأه 20 .. الكمبيوتر يضخ بنزين يناسب كميه ال 20 يعنى ضخ ضعف كميه البنزين .. ده يسبب ظهور الكربون


لو الكربون ده كان بسبب الاير ماس و انت متأكد انه بسببه .. و الحاجتين تزامنوا مع بعض !!

1- بفرض الاير ماس الجديد سليم .. يبقى المفروض بعد ما غيرت الاير ماس ان كل شيئ يتظبط لوحده .. ( الا اذا كميه كربون كتير اثرت على البوجيهات و حساس الاكسجين ) .. يبقى لو اتأكدنا انهم نظيفين او احنا نظفناهم .. يبقى المفروض كله يشتغل كويس

2- لو الاير ماس الجديد موش سليم ( زيه زى القديم ) .. يبقى ظهور الكربون معناه ان الاير ماس بيقرأ كميه هوا اكبر من اللى داخله فعلا .. مثلا اللى داخل فعلى 10 و هو بيقرأه 20 .. الكمبيوتر يضخ بنزين يناسب كميه ال 20 يعنى ضخ ضعف كميه البنزين .. ده يسبب ظهور الكربون

3- اللى اعرفه ان قياس كميه الهواء الداخل للموتور بيتم التأكد منها عن طريق حاجتين مع بعض ( زياده تأكيد ) .. الاير ماس + ال MAP او اى شيئ مشابه على مدخل البوابه بتاعه Intake .. علشان كده ممكن الابرماس المستعمل يكون شغال معقول !!

4- عموما قبل ما نفكر فى موضوع الاير ماس .. ازاى يتم اختباره .. اكيد له طريقه ( قياس بالفولت ) .. حل موضوع الشكمان .. نظف بوجيهات و فلاتر .. نظف حساس الاكسجين ( لو لقيت قرأته غلط على الجهاز ) .. بصراحه ما اعرفشى ان كان بيتنظف ام لا


- انا سألت عن امتى باظ الشكمان ؟؟ قبل الايرماس ام بعده ؟؟
- و هل كانت بتأكل بنزين معاك بعد ما باظ الشكمان ام لا ( موش شرط انها كانت بتوصل لمرحله تطلع هباب )
- بعد تغير الاير ماس هل قل الهباب ام لا

[mahmoud elamry]

الشكمان باظ بعد الاير ماس وبالنسبه للعادم قل كثير بعد تغيير الايرماس وبالنسبه للبنزين زاد من بعد الايرماس لما بداء يخرف لانه فضل فتره كبيره مخرف لحد مفصل خالص....... انا سالت على حساسات الشكمان قالو لو فيها مشكله كانت اللمبه نورت ....
بالنسبه لاستهلاك البنزين قبل المشكله كان في مره حسبتها للعربيه في سفركان 230 ك على سرعه 110 -130 استهلكت حوالي 23 لتر....
موضوع انها بتستهلك بنزين كثير كدا لا بعد الايرماس والشكمان ...

[tasaka]

كده يبقى ايرماس شغال

يبقى حل موضوع الشكمان و كله ان شاء الله يبقى كويس .. بس بعد الشكمان ابقى نظف بوجيهات

و مع المشى كام يوم كل الكربون المتخزن يطلع او مع مشوار طويل

160 كم فى الصفيحه دى كانت استهلاك جوه البلد ؟؟

[mahmoud elamry]

اه جوه البلد ده في المتوسط ممكن تزيد عشره او تقل عشره بالكثير تزيدهم او تقلهم .... بس دلوقتي لو قلتلك حاطط فيها صفيحه ممشيتش بيهم 80 ك .هظبط الشكمان وابلغ حضرتك هو حضرتك معاك جالينا

[tasaka]

اه جوه البلد ده في المتوسط ممكن تزيد عشره او تقل عشره بالكثير تزيدهم او تقلهم .... بس دلوقتي لو قلتلك حاطط فيها صفيحه ممشيتش بيهم 80 ك .هظبط الشكمان وابلغ حضرتك هو حضرتك معاك جالينا

معى اسبرانزا 620 .. نفس موتور الجالينا على ما اظن

موتور ميتسوبيشى جالانت 2000 سى سى .. كل العربيات الصينى الكبيره كانت بتستخدمه .. و العربيه السامسونج برضه كانت بتستخدمه

الموتور اسمه 4g63 كامه واحده sohc

انا كنت مصر انى اجيب جالينا ( ابيض فى ازرق ) .. و بعدين ناس اصحاب معارض مرسيدس قالوا لى ان فى الحجم ده الاسبرانزا 620 افضل

و اعتقد هى فعلا افضل بس الاوبشن اقل من الجالينا ( اقل حاجات بسيطه موش كتير )

[tasaka]

خلى بالك الامان فى الصينى ضعيف ( وقتها ) ..

الجالينا و الاسبرانزا 620 .. 3 نجوم فقط فى اختبارات السلامه الاوروبيه برغم حجمهم الكبير

[tasaka]

الجالينا 2000 سى سى عليها نفس موتور عربيتى

https://en.wikipedia.org/wiki/Brilliance_BS6