مشكله فى الجالينا

[juust_for_you]

السلام عليكم
كل عام وانتم بخير جميعا ان شاء الله
ارجو منكم افادتى عندى مشكله فى الكبالن بتاعت الجالينا كل شويه بغير الكبالن ومش عارف سبب
وكمان فرامل abs بتشتغل بدرى وبتخلى العربيه بتزحف
العربيه بريليانس جالينا موديل 2009
ارجو حد يفيدنى فى الموضوع ده عشان انا لفيت وغيرت حجات كتير والعيب لسه موجود زى ما هوه

[رامي مصطفى]

ربنا يعينك
لو اعرف افيدك ومش هتأخر

[م/أحمد عبد الفتاح]

إظبط زوايا الاول وخلى بتاع الزوايا يتأكد إن المقصات كويسه وتخليه يسجلك القرايات فى ورقة واحتفظ بيها معاك وبعد ماتظبط الزوايا بكام يوم بعد ماتعمل شوية مشاوير بالعربية ارجع لنفس بتاع الزوايا وشوف هل حصل تغيير فى القرايات اللى مكتوبة فى الورقة ولا زى ماهى .
كمان عاوزك تجرب نصف قطر دوران العربية فى الشمال زى اليمين ولا لأ لما بتكسر العجل كله لأن ساعات لما بيركب الإسكاترا بيلعب فى اطوال التياش بتاعتها قبل التركيب ويبوظ الدنيا وتلاقى العربية بتلف فى ناحية اوسع من الناحية التانية.
وحاول تغير ماركة الكبالن بنوع تانى يمكن تكون مضروبة .
بالنسبة للـ abs مش فاهم بتشتغل بدرى إزاى ؟؟؟ عموماً هل لمبة الـ abs منورة عندك ولا لأ - الاحسن تروح تعمل سكان كمبيوتر وتشوف هل متسجل عطل للـ abs ولا لأ لأن لو حتى اللمبة مش منورة حايبقى متسجل أى عطل للـ abs على كمبيوتر العربية تاخد الرقم ده وتنشره هنا وإن شاء الله نعرف السبب .
وحاقولك على حاجه تجربها الأول ممكن تجيب نتيجة معاك :
كل عجلة عليها حساس ABS وله فيشه - حاترفع العربية فى اى بنزينة وتفك فيشة فيشه وتنضفها هى والحساس بالهوا وبعدين ترش اسبراى منظف إسمه أكاى لونه ازرق على الفيش ولازم يكون اكاى الازرق مش النبيتى لأن الازرق مافيهوش زيوت ومناسب لفيش الكهربا بتاعة العربية وتركب الفيش وتشوف النتيجة.

[Mostafa Hessen]

رجاء الذهاب للأسطى سامى فى السابع كان شغال فى التوكيل وحيقدر يشخص المشكله كويس

[juust_for_you]

متشكر جدا يا جماعه بس انا عملت كل ده وكل واحد بيفتى لان معندهمش اى فكره عن الجالينا وحتى فى ظبط الزوايا مش عندهم برنامج العربيه اصلا خلونى اغير الشمعدان فى الجنبين وبعدين واحد قالى ده المقص وبعدين واحد تانى قالى لا ده العيب فى الشمعدان قافل شويه من فوق بجد زهقونى لدرجه انى قررت اروح التوكيل بقه وامرى لله بس عاوز حد يفيدنى احسن توكيل فين

[Ahmed Refaaat]

السلام عليكم ورحمه الله . كل عام وحضرتك بخير . بس حضرتك المشكله ان ممكن تكون الكبالن مش اصليه علشان كدا شكل الترس بيختلف من الكوبلن الاصلى والكوبلن التقليد . وده بيخلى حساس الاى بى اس مش بيظبط مع الترس . علشان كدا مش بيشتغل الاى بى اس وده بيخلى العربيه تزحف حتى لو اللمبه مش منوره . والله اعلى واعلم