إلى ملاك الBrilliance FRV

[M.Nabil]

أولا انا احب اهنيء كل من استلم البريليانس الfrv وربنا يديكم خيرها ويكفيكم شرها.
بطلب من كل ملاك الfrv انهم يعطونا دقائق من وقتهم في الرد عن بعض الاستفسارات اللي تهم اغلب الاعضاء.

1-تاريخ الشراء
2-سعر الشراء
3-اسم المعرض او التوكيل اللي حضرتك جبت منه.
4-عملت بيها كام كيلو حتى الان.
5-استهلاك البنزين
6-هل قابلت اي نوع من المشاكل سواء في العربية او من التوكيل او المعرض.
7-طريقة الدفع (كاش \ تقسيط) ولو تقسيط ياريت تقولنا نظام التقسيط ايه علشان الاخوة اللي بيفكروا يقسطوا.
8-هل عملت تأمين عالعربية ولا لا, والتامين تم مع مين.
9-تقييم عام للعربية وياريت بعض الصور ليها ان امكن.

الموضوع ده عملتوا علشان كل شوية في ناس بتسمع كلام ومحدش عارف ده حقيقي ولا إشاعة والناس بتبقى محتارة.
هدف المنتدي طبعا انه يقدم معلومة مفيدة حقيقية ميبقاش فيها شك, المعلومة دي محدش هيفيدنا فيها غير السادة اصحاب الfrv.

[masterzmind]

يا جماعة بجد الموضع دةجامد اوى واتمنى حد يعطف علينا فى المنتدى ويرد

[khaledazizeg]

أولا انا احب اهنيء كل من استلم البريليانس الfrv وربنا يديكم خيرها ويكفيكم شرها.
بطلب من كل ملاك الfrv انهم يعطونا دقائق من وقتهم في الرد عن بعض الاستفسارات اللي تهم اغلب الاعضاء.

1-تاريخ الشراءبص حضرتك انا لسه جايبها امبارح 6\1\2009
2-سعر الشراء79000
3-اسم المعرض او التوكيل اللي حضرتك جبت منه.المتحدون العرب بشارع الطيران
4-عملت بيها كام كيلو حتى الان.حتى الان 60 كيلو
5-استهلاك البنزين حتى الان لا اعرف
6-هل قابلت اي نوع من المشاكل سواء في العربية او من التوكيل او المعرض. بصراحة لا انا اتفقت اصبح استلمتها بالليل
7-طريقة الدفع (كاش \ تقسيط) ولو تقسيط ياريت تقولنا نظام التقسيط ايه علشان الاخوة اللي بيفكروا يقسطوا . لا قسط وبدون مقدم تبع البنك الاهلى والقسط 1700 لمدة 60 شهر
8-هل عملت تأمين عالعربية ولا لا, والتامين تم مع مين انا دفعتلهم فلوس التأمين وهما هيجيبولى البوليسة يوم السبت مع الترخيص مع شركة مصر للتأمين.
9-تقييم عام للعربية وياريت بعض الصور ليها ان امكن بصراحة انا كنت جاى بيها على الاتوستراد وكنت ماشى على 110 ومش حاسس بالسرعة والا بصوت الموتور والثبات ماشاء الله علية ممتاز والباور كويس بس فيه تكة خفيفة عند الضغط على الدبرياج لنقل السرعة داه مع العلم ان معايا لانوس يعنى احسن من اللانوس كتير والفرامل ممتازة بصراحة والاضائة بتاعت الفوانيس كويسة .

.

على العموم تقيمى ليها بردوا بدائى لانى لسة ما هلكتهاش زى اللانوس لانى يوميا بعمل 130 كم فأن شاء الله ابتدأ من يوم الاحد الى جاى بعد اما ارخص هبتدى امشى بيها لانة مديهانى بدون نمر تجارية

[khaledazizeg]

واى سؤال انا بأذن الله تحت امركو

[Mostafa Hessen]

فعلا الموضوع ده هام ورااائع

كده الناس حتعرف كل حاجه عن العربية

ومبروووووووووك للاستلم

[basemagour]

ضرورى عاوزين تجربة الاعضاء الى معاهم العربية علشان نكون على معرفة بكل التفاصيل حتى الصغيرة

[algaleed]

1-تاريخ الشراء انا دافع يوم 28/10/2008 ومستلم 3/12/2008
2-سعر الشراء 70000 كانو عايزين يغلو عليا بس انا مرضيتش وسلموني بالسعر الأولاني
3-اسم المعرض او التوكيل اللي حضرتك جبت منه.توكيل البافرية في روكسي
4-عملت بيها كام كيلو حتى الان.حتى الان 600 كيلو
5-استهلاك البنزين من 600 الي 700 للفول تانك (التانك 60 لتر تقريبا)
6-هل قابلت اي نوع من المشاكل : في العربية في بعض الحاجات متعتبرش مشاكل جوهرية وبيظبطوها في التوكيل وكان قال عليها mezo2k في تقييم ال 70000 في الموضوع ده http://www.nilemotors.net/Nile/showthread.php?t=51558 وهي صحيحه 100% وممكن ناس تلاقي الحاجات دي وناس لأ بس كله بيتظبط في صيانه ال2000
اما عن التوكيل فهما قرفوني عشان الأستلام بس لكن اسمع بعد كدا المعامله ممتازة والصيانه عندهم ممتازة من كل اللي راحوا عملوا الصيانه هناك
7-طريقة الدفع كاش من يوم الحجز بس هي مبتفرقش في اولويه التسليم
8-بخصوص التأمين انا معملتش تأمين لسه بس بفكر جديا اعمل وبدور علي شركه تأمين كويسة ولو حد يعرف يفيدني يبقي جزاكم الله خيرا انا مش عايزة غالي قوي وميقرفنيش في التعويض لو حصل حاجه لا قدر الله
9-تقييم العربية : دي اول عربية ليا بس هي ممتازة جدا واصحابي اللي ساقوها شكروا فيها قوي والفرامل قوية جدا وثباتها ممتاز علي حساب النعومه علي المطبات بس مش قوي وهي بتجيب 120 علي الخامس وrpm بيبقي علي 3 وزي ما mezo2k قال هو جاب بيها 205 بس انا مش بزيد عن ال 100 عشان التليين والتكييف ممتاز

الموضوع دا ممتاز وهايفيد الي استلموا واللي لسه ماستلموش الف شكر يا M.Nabil

[sharmer]

أولا انا احب اهنيء كل من استلم البريليانس الfrv وربنا يديكم خيرها ويكفيكم شرها.
بطلب من كل ملاك الfrv انهم يعطونا دقائق من وقتهم في الرد عن بعض الاستفسارات اللي تهم اغلب الاعضاء.

1-تاريخ الشراء
2-سعر الشراء
3-اسم المعرض او التوكيل اللي حضرتك جبت منه.
4-عملت بيها كام كيلو حتى الان.
5-استهلاك البنزين
6-هل قابلت اي نوع من المشاكل سواء في العربية او من التوكيل او المعرض.
7-طريقة الدفع (كاش \ تقسيط) ولو تقسيط ياريت تقولنا نظام التقسيط ايه علشان الاخوة اللي بيفكروا يقسطوا.
8-هل عملت تأمين عالعربية ولا لا, والتامين تم مع مين.
9-تقييم عام للعربية وياريت بعض الصور ليها ان امكن.

الموضوع ده عملتوا علشان كل شوية في ناس بتسمع كلام ومحدش عارف ده حقيقي ولا إشاعة والناس بتبقى محتارة.
هدف المنتدي طبعا انه يقدم معلومة مفيدة حقيقية ميبقاش فيها شك, المعلومة دي محدش هيفيدنا فيها غير السادة اصحاب الfrv.

شكرا محمد نبيل على بدايه التوبيك و ان شاء الله يكون مفيد للجميع و اجاباتي على اسئلتك ,كالتالي:
1. تاريخ الشراء 28/12
2.سعر الشراء كاش/فوري 780000 جنيه
3. المعرض ..راما موتورز - محافظه الاسماعيليه
4. عملت بيها 1100 كم..لسه بشوكها
5.كويس جدا بالنسبه ل 1600 سي سي و التنك حاجه وستين لتر مش عارف كام بالضبط بس هو كبير جدا لفئتها السعريه اللي كلهم حاجه و أربعين لتر ...أنا جيت من الاسماعيليه لشرم الشيخ و فولت قبل ما أتحرك و وصلت ولسه في تقريبا تلت التانك - حوالي 480 كم- اللهم لا حسد :)
5. مشاكل كتيير

http://www.nilemotors.net/Nile/showthread.php?t=48332&page=18

ولسه لغايت دلوقتي ما رخصتش عشان ورق الجمارك اللي بيتوجه للمرور لسه ما خلصش و بيقولولي ان البافاريا بتغير مكان الاداره في القاهره وهم اللي معطلين الورق...ومش عارف أصدق مين ولا أعمل ايه ؟؟؟؟ ولغايه دلوقتي مركب نمر تجاري وهنا المرور لطخ جدا ومش سايبيني في:k40: :k40:حالي:k40:

6. لسه التأمين... بس ناوي على شركه (وثاق) ب 2150 في السنه - بس يا رب استمل الورق الاول
7.الحمد لله - ممتازه

ربنا يوفقكم جميعا

[M.Nabil]

اشكرك استاذ algaleed على تقييمك الثمين , وان شاء الله تفضل راضي عنها ونباركلك على صيانة ال60000 كيلو وربنا يحفظ طريقك ويكفيك شرها.

نرجوا من الاعضاء اللي عندهم خلفية عن التامين يفيدونا.

أشكرك استاذ sharmer على تقييمك, وربنا يباركلك فيها ويكفيك شرها, وبإذن تخلص الاوراق قريب بدون اي مشاكل وترخص, وتقولنا ايه اخبار صيانة ال2000 كيلو.
اخوك مايكل نبيل

نورتوا الموضوع جميعا بردودكم الجميلة:k10:.

ياريت كل اللي استلموها يفيدونا باسرع وقت, وخصوصا في موضوع التامين وانظمة التقسيط علشان في تساؤلات كتير عنها.

[sharmer]

اخوك مايكل نبيل

عقبالك يا أخ مايكل :k10:

[Mostafa Hessen]

مبروووووك للجميع

مقلتلناش يا Sharmer

العربية أخبارها ايه دلوقتى

طمنا

وعقبال منستلم احنا كمان

[sharmer]

و الله يا مشمش العربيه الحمد لله زي الفل و عقبال ما أخلص الورق على خير يا رب ............

[M.Nabil]

عقبالك يا أخ مايكل :k10:

ربنا يخليك يا جميل بس انا خلاص جبت جين تو, علشان بصراحة معجبنيش عدم احترام التوكيل للناس اللي حاجزة من بدري وغلا الاسعار, بس انا لازلت معجب بالعربية دي ومهتم باخبارها, وحبيت اساعد الاعضاء اللي ناويين يجيبوا في جمع بيانات تخص العربية.

[smax]

1-تاريخ الشراء25-11-2008 تقريبا
2-سعر الشراء 74900
3-اسم المعرض او التوكيل اللي جبت منه بافاريا روكسي.
4-عملت بيها كام كيلو حتى الان: 2900كم.
5-استهلاك البنزين13.62 كم للتر
6-هل قابلت اي نوع من المشاكل سواء في العربية او من التوكيل او المعرض.فنيون التوكيل غير مضرب1- بيحطوا 4 لتر زيت محرك و هيا بتاخد 2.75 لتر بالفلتر ( انظر الكتالوج او شوف المقياس) 2- قلت لهم غيروا المساحات علشان بتحك في الكابوت غيروها بس ركبوا اليمين مكان الشمال 3-روحت علي صيانة ال2000 الساعة 10 ص خلصت الساعة 6:40 م مش عارف لية.
7-طريقة الدفع (كاش ) .
8-هل عملت تأمين عالعربية .لا
9-تقييم عام للعربية وياريت بعض الصور ليها ان امكن.
1- ثبات غير طبيعي جبت 175 كم حسيت العداد بايظ علشان مش حاسس بالسرعة .
2- المحرك ظريف و قوي بس فية ونة خفيفة اوي علي السرعات الواطية.
3- استهلاك بنزين ممتاز.
4- واسعة جدا و شكلها و خاماتها حلوا من الخارج و الداخل.
5- فرامل قوية بس الدواسة ثقيلة.
6- عفشة ناشفة (ذي الاوكتافيا)
7-مش بتتأثر كثير بوزن الركاب.
8- وزن العربية فارغة 1270كج و دة ميزة ( صاج جامد و ثبات) و عيبة تأثير علي ( التجميع و السرعة , الفرامل, استهلاك بنزين اكثر و العافشة)

[M.Nabil]

استاذ smax اشكرك لتقييمك الجميل, وربنا يوفقك وتعمل بيها 290000 كيلو.