دخان أبيض من فتحة تكييف ال Frv

[sharmer]

السلام عليكم يا أحلى شباب...في الاول أحب أقول اني بأحب العربيه دي جدا و مش بأزم فيها

أنا جبت العربيه من 31/12 و لأن الجو مكانش محتاج تكييف فشغلته مرات قليله جدا ..بس النهارده و أنا راجع من الشغل شغلته على 2 - التكييف كبروده ممتاز - بس لاحظت ان في دخان أبيض خفيف جدا بيطلع من فتحتين التكييف اللي في النص , بس مش على طول ثانيتين تلاته و ميطلعش و بعدين القصه تكرر تاني و ما أظنيش اني لاحظت حاجه زي دي في المرات اللي فاتت.
يا ريت لو حد فاهم ايه ده يا ريت يفهمني
وشكرا

[K.LOTFY]

هو كان له ريحه؟
أنا مش عايز أفتي بس ممكن يكون مثلا بخار طلع نتيجة الهواء البارد بتاعه والهوا السخن في العربية.
حاجة كده زي البخار اللي بيطلع من بقنا واحنا بنتكلم في الشتا

نظرية فيزيائية هايلة
شكلي بقول أي كلام :k48:

مش عارف بصراحة بس الأفضل تكلم التوكيل تسأله

[sharmer]

ما لوش ريحه .. و لو كلمت التوكيل هيقوللي تعالى و أنا في شرم و لسه راجع من صيانة ال 2000 و مش هقدر أنزل تاني ... وعلي فكره أنا جت في دماغي حكاية بخار الميه دي لانه فعلا كان شبهها بس لان دي أول عربيه أمتلكها فمش قادر أفصل فياريت لو حد حصلت معاه في أي عربيه تانيه يشاركني قصته , و أتمنى الفايده تعم

[egyptianmafia]

مخالفة القاعدة 6ب
إدارة المنتدى - 3

[khaledazizeg]

بص حضرتك هوا ان شاء الله خير بس ممكن تقولى انتا مخلى التكيف يجيب الهواء من برا والا يجدد نفسة من جوه

[Mostafa Hessen]

ممكن تتصل بالتوكيل فى التليفون وتسأل وممكن يقولولك رد

[sharmer]

بص حضرتك هوا ان شاء الله خير بس ممكن تقولى انتا مخلى التكيف يجيب الهواء من برا والا يجدد نفسة من جوه

من برا يا أ/خالد

[sharmer]

ممكن تتصل بالتوكيل فى التليفون وتسأل وممكن يقولولك رد

لو معاك رقم تليفون لصيانة بريليانس يا ريت تدهولي.شكرا

[volcano12]

من برا يا أ/خالد

كده يبقى بخار ميه أكيد ان شاء الله....

لما تشغل التكييف, شغل الريسيكليك حتلاقى قوة المروحه و درجه التبريد زادت و كمان مفيش بخار ميه....

[a_tantawy7]

السلام عليكم يا أحلى شباب...في الاول أحب أقول اني بأحب العربيه دي جدا و مش بأزم فيها

أنا جبت العربيه من 31/12 و لأن الجو مكانش محتاج تكييف فشغلته مرات قليله جدا ..بس النهارده و أنا راجع من الشغل شغلته على 2 - التكييف كبروده ممتاز - بس لاحظت ان في دخان أبيض خفيف جدا بيطلع من فتحتين التكييف اللي في النص , بس مش على طول ثانيتين تلاته و ميطلعش و بعدين القصه تكرر تاني و ما أظنيش اني لاحظت حاجه زي دي في المرات اللي فاتت.
يا ريت لو حد فاهم ايه ده يا ريت يفهمني
وشكرا

بخار ميه يا باشا, بتحصلي كتير.

[karimkamar]

انا يا جماعة حصل معايا حاجة ----اكلمكم بصراحة
انا اشتريت العربية واستمتها بعدها بفترة بدأت اشك في اختياري لان الفرامل كانت بتصفر المهم كلمت 0121100110 اللي مكتوب على العربية بجد ناااااااااس محترمة جداااااااا المهم قالي روح التوكيل ولما رحت ظبطوها وكل حاجة ((طبعا الصوت لان العربية متخزنة من فترة))) شوية والصوت رجع رحت مكلم نفس الرقم وحكيتله القصة من الاول وقلت له كده مينفعش قال لي هات بياناتك وشوية وحنكلمك(انا افتكرت انه حيطنش زي بقية التوكيلات)) شوية ولقيت نمرة مميزة بتكلمني الو مين؟؟؟ لقيت مدير عام صيانة البريليانس بيكلمني من القاهرة وبيقول احنا ميرضيناش كده وراح مكلم مدير الفرع في الاسكندرية ورحت التوكيل لقيت الناس الاكثراحتراما وبجد بعد ما حصل معايا الموقف ده مش حيهمني اللي اللي يحصل في العربية بعد كده لان كل العربيات بيعطل بس مش كل التوكيلات بالاحترام ده وبجد انا دلوقتي مقتنع 100% بالعربية

[thegreatnileman]

و أنا في شرم

ده طبعا بخار مياه وخصوصا انك فى شارم

وفعلا انت افضل انك تقفل داءرة الهواء علشان قوة التكييف وعدم اتساخ الفلتر ان وجد

[Mostafa Hessen]

هو بصراحة التوكيل محترمين وده من زمان

وده شئ مطمئن

[sharmer]

شكرا ليكم كلكم على زوقكم و معلوماتكم ...ألف شكر:k10::k10::k10:

[khaledazizeg]

كده يبقى بخار ميه أكيد ان شاء الله....

لما تشغل التكييف, شغل الريسيكليك حتلاقى قوة المروحه و درجه التبريد زادت و كمان مفيش بخار ميه....

كلام مظبوط 100%
وابقى قولنا اية الاخبار