الحمد لله

[Mostafa Hessen]

الحمد لله

استلمت الجميله FRV اليوووووم

عقبال الجميييييييييييع

وبصراحة مشيت بيها 40 كم العربية ما شاء الله ممتازة

متحسش بيها وهى ماشية ثبات ممتاز فرامل قوية

صوت الكاسيت رائع وعالى العزل ممتاز

وان شاء الله ليكم تقيم لما امشى بيها كويس

وعقبال كل اللى مستلموش

[momenhamdy]

الف مبرووووووووووووك عليك العربية
وربنا يديك خيرها و يكفيك شرها بأمر الله
و عايز تقيم جاااااااااااااااااامد

[mahmoud_magdy]

مبرووووووووووووك
وربنا يديك خيرها و يكفيك شرها

[Mostafa Hessen]

آمييين

ومشكووووووووووور

[Hacker5]

الف مبروك يا باشا
على فكرة انا كنت ملاحظ ردودك الكتير فى المواضيع الخاصة بالاستلام و الحجز و اقول لنفسى هوا الراجل دة مش ناوين يسلموه ولا ايه؟
ياريت تقولنا استلمت ايه مع العربية و استلمتها ماشية كام كيلو و استلمتها من التوكيل ولا من موزع و اللون اللى اخترته هوا اللى خته؟
و عقبال كل اللى حاجز

[sharmer]

ألف ألف مبروك يا مشمش ربنا يديك خيرها و يكفيك شرها...لونها ايه؟

[castelo]

الف مبروك يا مشمش انت على فكرة الوحيد الى استلم من ابو غالى النهاردة
انا كنت مفروض استلم بس قالولى الموفقة خلصت
فلسا حجددها و يا رب استلم عشان انا اتخنئت
يا ريت تؤلى ادوهالك بكام و اية الى حصل بظبط و ادعيلى

[khaledazizeg]

لولولوى الف مبروك وعقبال يا رب اما تتم بيها 100000000كم
وربنا يعطيك خيرها ويكفيك شرها

[khaledazizeg]

لونها اية؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mostafa Hessen]

الف مبروك يا باشا
على فكرة انا كنت ملاحظ ردودك الكتير فى المواضيع الخاصة بالاستلام و الحجز و اقول لنفسى هوا الراجل دة مش ناوين يسلموه ولا ايه؟
ياريت تقولنا استلمت ايه مع العربية و استلمتها ماشية كام كيلو و استلمتها من التوكيل ولا من موزع و اللون اللى اخترته هوا اللى خته؟
و عقبال كل اللى حاجز

الله يبارك فيك
ربنا يبارك فيك على ذوقك
مش عاوز اقولك بصراحة البلد دى لازم تفضل وراء حقك ويكون نفسك طوووووويل علشان تاخد اللى انت عاوزه عموما الحمد لله على كل حال
استلمت يا سيدى مع العربية
1- الكوريك
2- مثلث هدية
3- كاتلوجات العربية
4- استبن
5- المفروض فى ولاعة حستلمها بعد كده

العربية كانت عاملة 23 كم بس وده ممتاز جدا
واستلمتها من الموزع أبو غالى
واللون فضى وبصراحة لون رااائع
بصراحة انا معرفش العربية دى معاك ولا لأ بس بصراحة العربية دى تختلف كتير عن العربيات اللى فى نفس الفئة(ما شاء الله) واذا مكنتش معاك عقبالك وجبها وانتى مطمن انا حاجز من أول نوفمبر 2008 ودرست الموضوع كويس قبل ماحجز والحمد لله استلمت

العربية بشكل عام ممتازة من الوهلة الأولى وانت واقف جنبها تعشقها مظهرها قوى وشبابى جدا
أول ماتركب تحس بفخامة الصالون من جوة ووسعه اقفل الباب حتحس بهدوء عزل ممتاز بصراحة
المهم اتوكل على الله ودور العربية بصراحة بدون مجاملة كنت محتار جدا العربية دارت ولا لأ مفيش صوت ملحوظ .
قعدت للحظات جوة العربية وهيا دايرة اتفرج على الخامات تانى وده بالرغم انى اتفرجت عليها كتيييير
بصراحة كنت حظلم نفسى اذا اشتريت مثلا فيرنا أو لانوس او حتى بونتو أو كيليو العربييات اللى فى نفس السعر طبعا كلهم عربيات محترمة جدا بس الفرق ملحوظ جدا لصالح ال FRV
المرايات الخارجية جايبة العربية كويس طبعا ظبطها من جوه هى طبعا مش كهرباء بس التحكم فيها من الداخل سهل جدا
مراية الصالون جميلة بس بصراحة الزجاج الخلفى مساحته صغيرة فمحتاجه حرص شوية وانت بترجع للخلف.
طبعا وانا لسه بستلم جربت الكاسيت والأنوار وجميع الأبواب ونظرة شامله على العربية وكله الحمد لله كان تمام.
قولت بقه اشغل الكاسيت وكان ليه ملاحظة الدفعة الجديده دى الكاسيت MP3 وليس AUDIO وده مكتوب على الكاسيت طبعا كويس صوت الكاسيت بقه حكاية راااائع وقوى مش محتاج السمعتين اللى وراء.
اتوكلت على الله واديتها الأول الدبرياج ناعم وخفيف النقلة ناعمه ويدوب تذوق الفتيس هو عارف طريقه مجرد متخف رجلك من الدبرياج بدون بنزين العربية تتطلع لوحدها اديتها بنزين وطلعت الموتور ناعم وهادى مفيش اصوات غير الكاسيت.
طلعت الطريق وكنت بستلم من العبور والطريق مووووووت قلت ربنا يستر عربيات نقل واتوبيسات ومولد
واديتها التانى العربية قوة الموتور ابتدت تظهر بيعلن عن نفسه تجميعها كويس وتسارعها جميل وبصراحة مكنتش بقرص عليها علشان لسه بتلين .
اتفرج بقه على الزحمة وده بتمشى براحة وفرامل لاحظ ان الفرامل قوية جدا يعنى مجرد لمسة الفرامل العربية تستجيب بسرعة ( ماشاء الله) يعنى لو دست جامد العربية بتقف بسهولة المهم بقة الطريق واقف لاحظت ان الناس بتاخد طريق ترابى جانبى قولت كويس اهو نشوف ادائها على الطرق المكسرة دخلت وأول ما العربية جابت ال 20 كم سرعة السنتر قفل الأبواب ممتاز والطريق كله زلط وتكسير قفلت الزجاج مستمتع بالكاسيت ومس سامع حاة ولا حاسس بظلط ولا حاجة ما شاء الله طبعا بقه الوقت كان الساعة 7 مساءا نور العربية 3 درجات نهار ما شاء الله ونور التابلو رااائع والوصول لأى شئ سهل جدا اخدت رحلتى يدوب العربية الطريق فتح شوية ببص على السرعة كانت وصلت 100 كم بدون احساس منى خاااالص هديت مبحبش السرعة بجانب انها بتلين
المهم كنت جعان لأنهم جابونى من شغلى علشان استلم فمكلتش روحت عباس العقاد ضربت فطير أول ما وقفت السنتر فتح .
وبعد الأكل كملت طريقى وروحت عملت تقريبا 40 كم بصراحة عربية ممتازة وعقبال كل اللى ما ستلمش
وعقبالك واعذرنى على الإطالة حبيت اوصلكوا احساسى وانطباعى الأولى

وتحت أمرك فى اى شئ

[Mostafa Hessen]

Sharmer

الله يبارك فيك يا حبيبى وربنا يباركلك فى عربيتك

اللون فضى زى ما كنت عاوز الحمد لله

[Mostafa Hessen]

Castelo
الله يبارك فيك وعقبالك معلش العربية تستاهل
فعلا العربية دى عليها ضغط كبير فى أبو غالى
لو فاكر اول الإسبوع قلتلك الموافقة لازم يكون فيها 10 أيام بعد الإستلام علشان الترخيص ورغم ان موافقتى كانت حتخلص 31/1 اخدت الموافقة وقابلت مدير فرع أبو غالى احاول معاه قلى لازم تتجدد روحت قبلت مدير فرع البنك اللى قدمت فيه وعملتله حكاية لآن الموافقة كان قدمها اسبوع ولازم تتجدد لما تنتهى عملت عبيط وعصلجت وغلست ووافقو يمدوها والحمد لله سلمتها الأحد وكل يوم ازن فى التليفون على البنك لغاية مخدها الخميس واستلمت والحمد لله
استلمت ب 78500 رغم الحجز بس بصراحة حسبتها لقيت ال 6% تستاهل أى فايده بره أقل حاجة 9 % والعربية بتخلص بسرعة فتوكلت على الله وبصراحة الظروف خدمتنى لأنى متابع العربية من ساعت مدخلت مصر ولغاية موصلت أبوغالى والموافقة من يوم مستلمت فيها لغاية 28/2 النصيب والحمد لله

وربنا يكرمك ويوفقك وتستلم بإذن الله

[Mostafa Hessen]

الله يبارك فيك

يا خالد باشا صاحب الجميلة السودااء

اللون الفضى والحمد لله

مبروووك علينا وعقبال كل واحد مستلمش

[mazagngi2010]

الف مبروك ياباشا وتكون وش السعد عليك
خلوها تصدى!!!!!!!!

[khaledazizeg]

ثانية واحدة انا ما استلمتش الكتالوج