العربية دية هتموتنى!!!!!!!!!

[khaledazizeg]

اولا نبدأ بالسلام عليكم ورحمة الله وبركاتة
انا امبارح اول مرة اخرج بالعربية لوحدى من بعد ما عملت الصيانة طبعا العربية فرقت كتير عن قبل الصيانة
وانا بقى فى السرعة ما برحمش والله كنت ماشى فى طريق السندباد على 120كم\س والطريق زحمة وطول النهار اخد فى غرز العربية بقى تجميعها كويس جدا وثباتها ممتاز
انا نفسى بجد ارجع للتليين تانى علشان متكونش سبب موتى
وداه تحذير
لأى واحد متهور فى السواقة وبتاع سرعات عالية ما تجيبش العربية ديةfrv

لا بس والله العربية ديه اديها امتياز :k49:
انا بدور على عربية فكنت بشوف عربيات كتيرة زى (السيريون - الجيتز)
ملاحظاتى :الfrv ما شاء الله عليها اوسع منهم هما الاتنين وكمان شنطة الfrv اوسع
بصراحة والله بفكر اجيب واحدة تانية بس الكاملة منها

[NaviGator_13]

صراحة مش فاهم حاجة !!!

[masterzmind]

على مهلك يا معلم احسن تزعل بعد إن شاء الله ربنا ميجبش زعل خالص وربنا يبركلك فيها هية فعلا عربية كويسة واصحابى بشكرو فيها اوى بس الحاجة الى نفسى اعرفها التكيف عامل اة مع السحب انا معايا ابترا ومع التكيف بيقل شوية لدرجة ان انا لما اشد مع حد اجيب التكيف على 1 عشان تسحب حلوووووووووووووو................. الاخ نفيجاتور اة الى مش فهمة فى الموضوع هو صعب اوى لدرجة دية

[khaledazizeg]

على مهلك يا معلم احسن تزعل بعد إن شاء الله ربنا ميجبش زعل خالص وربنا يبركلك فيها هية فعلا عربية كويسة واصحابى بشكرو فيها اوى بس الحاجة الى نفسى اعرفها التكيف عامل اة مع السحب انا معايا ابترا ومع التكيف بيقل شوية لدرجة ان انا لما اشد مع حد اجيب التكيف على 1 عشان تسحب حلوووووووووووووو................. الاخ نفيجاتور اة الى مش فهمة فى الموضوع هو صعب اوى لدرجة دية

اكيد بيأثر بس مش بنسبة كبيرة
انا كان معايا لانوس وبعتها من اسبوعين كنت اول اما اشغل التكيف تلاقى الموتور تقل كأنك مركب 8 افراد

[masterzmind]

والمشكلة يا خالد ان زى منتا شايف الجو ثلج مش زى الصيف فا الواحد مش هايقدر يشوف ازا كان التكيف اصلا ثلاجة ولة ضعيف فاهمنى الابترا عشان يبقى كويس تجيب على 3 وبعد كدة تنزل على 2 والسحب ظعييييييييييييييف جداا .......... بس انا لسة صابر على العربية البرليانس دى لغايت ما الصيف يجى ونشوف راى الاعضاء

[kahamid]

العربية دي ممتازة

[khaledazizeg]

والمشكلة يا خالد ان زى منتا شايف الجو ثلج مش زى الصيف فا الواحد مش هايقدر يشوف ازا كان التكيف اصلا ثلاجة ولة ضعيف فاهمنى الابترا عشان يبقى كويس تجيب على 3 وبعد كدة تنزل على 2 والسحب ظعييييييييييييييف جداا .......... بس انا لسة صابر على العربية البرليانس دى لغايت ما الصيف يجى ونشوف راى الاعضاء

هقول لحضرتك حاجة انهاردة انا كنت عند رمسيس الساعة 3
الظهر والجو كان حر وكنت مشغل التكيف وما شاء الله كان ممتاز وكنت مشغلة على 2 بس وحسيت بتقل خفيف تقريبا لا يذكر

[khaledazizeg]

العربية دي ممتازة

مش ممتازة بس ديه عربية مجنونة ما شاء الله بشد بيها العربية ممتازة واهم حاجة الفرامل الي بتسعفنى

[masterzmind]

بجد شكرا جداااا يا خالد بجد ربنا يبركلك فيها ويسترها معااااااااااااك وبطل جنان وامشى على مهلك

[Mostafa Hessen]

ربنا يباركلك فيها يا خالد

هى فعلا ممتازة

وعلى مهلك شوية يا مان

[khaledazizeg]

انهاردة جبت بيها 160كم\س
بس معرفتش ازود لأن الطريق زحمة

[khaledazizeg]

عربيتى اتجرحت تانى
واحد الله ينتقم منة كنا فى شارع مزنوق وطبعا لازم يعمل نفسه فهلوى فقام مجرحلى الاكصدام فى الجنب الشمال ورا
:K_crying[1]:

[masterzmind]

اتحسد يا خالد معلش قدر الله ما شاء فعل ودة امر عادى فى بلدك .... rPm كان على كام وانت جايب ال 160 يا خالد

[zeyad1810]

عربيتى اتجرحت تانى
واحد الله ينتقم منة كنا فى شارع مزنوق وطبعا لازم يعمل نفسه فهلوى فقام مجرحلى الاكصدام فى الجنب الشمال ورا
:K_crying[1]:

دة الطبيعى فى البلد
تعيش وتتجرح

[khaledazizeg]

بصراحة ما ركزتش بس بيتهيألى ما زادش عن 4300
بس والله ما كنت حاسس انى ماشى على 160 خالص