frv owners

[creative]

انا كنت عاوز اعرف حاجة من مالكى الاف ار فى
انا روحت امبارح عند ابو غالى فى مصر الجديدة واتفرجت على العربية من بعيد تحس انها فعلا عربية جميلة جدا
بس لما قعدت ادقق فيها جامد من قريب لقيت باب السواق مش مظبوط فى القفل بتاعه تحس انه طالع سنة يره ولازم تقفله جامد عشان يقفل معاك كويس
كمان فى حاجة تانية خدت بالى منها وهى قفلة الكبوت حسيت انها مش مظبوطة بالظبط حسيت ان فى فراغ بين قفلة الكبوت وجسم العربية
فهل ده الطبيعى فى العربية ولا يمكن الستوك دى كده فيها عيب والباقى متظبط
ارجو الافادة من اصحاب السيارة ومستخدميها !!!

[Mostafa Hessen]

أخى الكريم
هو الباب بيبقى تقيل شوية بس مع الوقت المسائل بتنعم كتير ومبتحسش بيه خالص ..
وبخصوص الكبوت فالفرق مش باين قوى زى ما بتقول
وممكن تبص كده على كبوت اليارس وقولى ايه رايك

[khaledazizeg]

والله انا شايف ان الباب عندى ناعم ومش تقيل
والفراغ داه طبيعى
وانا الحمد لله معجب بيها

[creative]

على فكرة انا مش بهاجم ياجماعة السيارة انا بقول اللى شفته امبارح
وانا اساسا كنت بشوفها امبارح وبجرب القعدة جواها عاملة ازاى
عشان انا بفاضل بينها وبين الجين 2
بصراحة العربيتين عجبنى جدا طبعا من حيث الشكل والامكانيات
بس قلت لازم اجرب القعدة جوه العربيتين عشان اقدر احكم كويس
فقلت هاروح اشوف البرليانس عند ابو غالى وبعد كده اشوف الجين 2 عند عز العرب
وروحت فعلا عند ابو غالى والعربية عجبتنى بس كان فى نقاط ملحوظة ليا وهى اللى ذكرتها فى راس الموضوع
كمان فى حاجة مهمة جدااااااا انا حاسس انى مش لامم ابعاد العربية وانا قاعد جواها
فهل ده الطبيعى لانى اول مرة اركبها ولما هاسوقها الموضوع هايتغير ولا الواحد هيلاقى صعوبة فى الاول شوية عشان يتعود عليها
على فكرة انا بسال جديا اصحاب العربية لانى بفاضل بينها وبين الجين 2
ويارب ربنا يكرمنى واكون زميل ليكوا هنا فى البريليانس او الجين 2
فياريت اصحاب البريليانس يجاوبونى على موضوع ابعاد السيارة ؟؟؟

[Mostafa Hessen]

شوف ياسيدى بخصوص الأبعاد فده احساس وقتى وحتتعود عليها
لما استلمت استلمتها من العبور وكان يوم خميس والطريق كان زحمة موت والحمد لله سوقتها بالراحة شوية وعلى موصلت كنت أخدت عليها والحمد لله دلوقتى كله تمام ...
وعموما السواقة الهدية كويسة وبالأخص فى بلدنا
وعموما العربية ممتازة جدا وتستحق الفلوس اللى حتدفعها وده ميقللش من الجين 2
بس اتوكل على الله واستخير واشتريها مش حتندم العربية راائعة كل مبسوقها بحبها اكتر.

[castelo]

عندى بس تعليق عن الفرق شوف الجولف الجديدة و الباسات و الجيتا حتلاقى نفس الفرق دة موجود و الفوانيس دخلة تحت الكبوت
دة ال design يتاعها مش عب فيها

[khaledazizeg]

عندى بس تعليق عن الفرق شوف الجولف الجديدة و الباسات و الجيتا حتلاقى نفس الفرق دة موجود و الفوانيس دخلة تحت الكبوت
دة ال design يتاعها مش عب فيها

انا كنت لسه هقول كدة
فعلا انا شفت فى الباسات نفس الموضوع

[castelo]

هو انا عايز اسال بس هى الصيانة فى ابو غالى ولا اية انا اصلان شاريها من ابو غالى
و معلش يا مشمش هو انت خادت الضمان ولا لسا

[creative]

انا طبعا هاشتريها من ابو غالى إن شاء الله لو ربنا كرمنى واختارتها
بس عاوز اعرف هو اختيار اللون بيطول ولا لا
لان المعروض عنده هو اللون الفضى وهو حلو طبعا بس انا ميال للاسود شوية
فهل ده بياخد وقت؟؟ كمان اسعار الصيانات فى التوكيل عاملة ازاى هى وقطع الغيار
وشكرا لكل من ساهم فى ابداء رايه وارجو ان تعم الفائدة للكل

[Mostafa Hessen]

هو انا عايز اسال بس هى الصيانة فى ابو غالى ولا اية انا اصلان شاريها من ابو غالى
و معلش يا مشمش هو انت خادت الضمان ولا لسا

شوف يا سيدى بخصوص الصيانة فإن شاء الله ححجز عند البفارية علشان صيانة 2000 كم دلوقتى عامل 1950 كم وأما بخصوص الضمان فلسه بس سمعت انك بتستلمو من البفارية عند النادى الأهلى...
وحشوف وأقولك الأخبار.

[Mostafa Hessen]

انا طبعا هاشتريها من ابو غالى إن شاء الله لو ربنا كرمنى واختارتها
بس عاوز اعرف هو اختيار اللون بيطول ولا لا
لان المعروض عنده هو اللون الفضى وهو حلو طبعا بس انا ميال للاسود شوية
فهل ده بياخد وقت؟؟ كمان اسعار الصيانات فى التوكيل عاملة ازاى هى وقطع الغيار
وشكرا لكل من ساهم فى ابداء رايه وارجو ان تعم الفائدة للكل

هو مش بيطول بس بيعتمدعلى الدفعة اللى داخلة حتكون امتى

وبالتوفيق

[creative]

طيب لو سمحت فين اسعار قطع غيار الاف ار فى ؟
واسعار الصيانات ؟

[khaledazizeg]

انا طبعا هاشتريها من ابو غالى إن شاء الله لو ربنا كرمنى واختارتها
بس عاوز اعرف هو اختيار اللون بيطول ولا لا
لان المعروض عنده هو اللون الفضى وهو حلو طبعا بس انا ميال للاسود شوية
فهل ده بياخد وقت؟؟ كمان اسعار الصيانات فى التوكيل عاملة ازاى هى وقطع الغيار
وشكرا لكل من ساهم فى ابداء رايه وارجو ان تعم الفائدة للكل

نصيحة من واحد مجرب
انا جبت اللون الاسود
بصراحة شيك جدا
بس مشكلتة تغسل العربية تروح مشوار صغير تلاقى لون العربية بقى رمادى

[khaledazizeg]

شوف يا سيدى بخصوص الصيانة فإن شاء الله ححجز عند البفارية علشان صيانة 2000 كم دلوقتى عامل 1950 كم وأما بخصوص الضمان فلسه بس سمعت انك بتستلمو من البفارية عند النادى الأهلى...
وحشوف وأقولك الأخبار.

هوا فعلا المفروض تروح برخصة العربية وصاحب العربية هناك عند البفارية الى فى النادى الاهلى عند نزلة كبرى 4.5
بس انا لغاية دلوقتى ما جبتش الشهادة
وانا عامل بالعربية 3800كم

[creative]

انت قصدك ياستاذ خالد ان اللون الفضى عملى اكتر عن اللون الاسود
ارجو الماشورة من الاستاذ خالد والاستاذ مشمش كمان عشان هو مختار الفضى؟