عمى عمل حادثة بس الحمد لله ربنا ستر

[EGMIDO]

السلام عليكم الاول
انا جاركم فى قسم الاوبل
وكنت عاوز اعرف هل السيارة فى منها قطع غيار استيراد ولا لأ
العربية مخبوطة من ورا ومن قدام ومن الجنب الشمال
يعنى هتحتاج صاج كتير اوى دة مبدايا
ولو فى فين واية احسنهم وارخصهم
وياريت الرد بسرعة لان عمى عاوز يوديها التوكيل وانتوا عارفين الاسعار طبعا
وشكرا ليكم كلكم

[khaledazizeg]

ياريت حضرتك تقولنا نوعها ايه العربية

[khaledazizeg]

انا عارف واحد فى الحرفيين بس جديد مش استيراد
وحضرتك ممكن تقولى ايه الحاجة وانا ان شاء الله اسئلك عليها
وحمدالله على سلامة عمك

[EGMIDO]

اسف جداجداجداجدا
السيارة
الجميلة برليانس جالينا 2006

[khaledazizeg]

حضرتك ليه بتتأسف
ما فيش مشكلة خالص المهم حضرتك عايزنى أسئلك على ايه
ايه الاضرار الى حصلت فى العربية

[EGMIDO]

عاوز اعرف فين بتوع الاستيراد
لان انا لسة مودتهاش للسمكرى بحجة ان انا كنت فاكر ان لسة مفيش منها استيراد
يا ريت انت بس تدلنى وانا هاسال عشان متعبكش معايا بس طالما فى انا باذن الله هاخدها بكرة اوديها للسمكرى

[khaledazizeg]

انا بصراحة مش هعرف أوصفهولك أوى بس ممكن اشرحلك
انتا هتروح الحرفيين من شارع جمال عبد الناصر وتمشى من الحرفيين وكأنك رايح مدينة السلام لغاية اما تلاقى محل زجاج مشهور أسمة الثلاثى للزجاج على الشمال هتلاقى فى وشة بالظبط محل كبير جدا بتاع قطع غيار السيارات وهتلاقية حاطط علامة البريليانس انا كنت سئلتة قبل كدة قالى انه جاب قطع غيار الجالينا والسبلندر
بس خلى بالك الثلاثى الى جوا الحرفيين مش الى فى شارع جمال عبد الناصر
وأن شاء الله تلاقى الحاجة الى انتا عايزها
يارب أكون عرفت أوصفلك