تقييم ملاك Frv لمركز خدمه القطاميه

[mezo2k]

عضو جديد تاريخ الانضمام: 08Apr2008
شكرا: 0
شكرت مرة واحدة في مشاركة واحدة

شكرا يا اصدقاني بس انا عاوز اشرحلكم موضوع الحادثه --

--------------------------------------------------------------------------------

معلش يا جماعه انا اسف انا كتب الموضوع باختصار انا اسف انا عاوز اوضح لكم الحادثه اكثر

انا لما استلمت العربيه غير الكاوتش بتعها من 15 ال 16 من عند اشرفكو الي في مدينه نصر
وغيرت الكاوتش الي205 /55/r 16 وللاسف غيرت نوع الكاوتش لنوع اسمه الاكسلارا اندونيسي من نفس المحل كان سرعات حتي 240 كم
المهم كانت العربيه كويسه و الحمد لله كانت تمام
بعد حوالي 5000 كم فاجاه وانا مسافر علي طريق السخنه ودون اي مقدمات
انفجر الاطار الامامي شمال والعربيه لفت لفه كامله ورجعت عكس الاتجاه بس للاسف موقفتش غير في السور الجانبي المسلح للطريق والحمد لله ان الصور من تحت ليه قعده اصتدم بيها الجانب الايسر من العفشه اماميه وخلفيه بشده ووقفت السياره
والحمد لله انا كنت في وعي تام بما حدث
ولما نزلت من السياره لقيت في فرده منفجره مقطوعه داير ميدور الكاوتش
وبقيت الثلاثه فرد ملصين من الجنوط مش عارف ازاي !!!!!
الحمد لله اني خرجت من السياره بسلام
وربنا يسترها معانا كلنا

عارفين يا جماعه كله بتاع ربنا والواحد مومن بالله وبالقضاء والقدر

بس ارجوكم محدش يحاول يقلل من التكلفه بانه يحط كاوتش مجهول او مش معرف

انا طول عمري من اول ما كنت بسوق كنتت بركب بردجيستون ياباني وعمري ما غيرته
بس المره ديه البائع اقنعني ان الفرده الاكسلارا ديه كويسه ومفيش منها قلك وانها فعلا سرعات
وشوفتها راكبه عنده في عربيات مرسيدس وبي ام والفرده علي فكره نقشتها حلوه وسعرها 440 ج
انا إن شاء الله رايح بكره مركز تابع لبردجيستون بيحدد سبب انفجار الاطارات من ايه نوع ان كانت عيب صناعه وله عيب استخدام والمركز ده ممكن تاخدله اي فرده من اي نوع بس لازم يكون معها الجنط الي كانت راكبه فيه وهما بيقلولك سبب انفجار الاطار اي كان نوعه
انا هاخد يوم السبت إن شاء الله الكاوتش والجنوط وهروح اعرف سبب انفجار الكاوتش الاكسلارا ده ايه

انا بس عاوز اوكد عليكم متفكروش تغيروا كاوتش العربيه غير بنوع معروف
والكاوتش الاساسي الي راكب فيها مستواه حلو

وانا إن شاء الله
هعمل موضوع علي المنتدي لملاك السياره Frv باسم ( تقييم ملاك Frv لمركز خدمه القطاميه )
وعاوزكم كل واحد فيكم راح مركز خدمه القطاميه وكان عندمه مشكله

يكتبلي المشكله الي راح بسببها التوكيل وتاريخ الزياره وكان حاجز معاد وله لا

ووقت دخول السياره المركز
والوقت المستغرق لوصلها للورشه
والمعاد الي تم تحديده من قبل مهندس الاستقبال لتسليمك السياره بعد اجراء الصيانه المطلوبه

والوقت الفعلي لستلام السياره من المهندس

ومهندس الاستقبال معامله ازاي

واي مشاكل قابلته
برده يا جماعه لو حد راح المركز و كان بيعمل صيانه او كان عنده مشكله والمهندسين كانوا كويسين معاه وحلو المشكله وكان راضي عن الاداء يكتبلي

بس ارجوكم بيا يرضي الله مش عاوزين افتري او كلام غير مسول

ياريت المشاكل الي اتحلت خلاص نخرجها من موضعنا بس نركز عن المشاكل الحاليه

وانا بوعدكم اني هحاول باقصي ما املك اني اساعدكم واننا نوصل بالتوكيل الي المستوي المطلوب


وربنا يوفقنا الي ما فيه الخير

[M.Alshafie]

انا اول ما جبت العربيه كان فى صوت فى الشنطه و انا ماشى براحه فى طريق مكسر بسمع صوت زى تكتكه او تزييق و رحتلهم بس ما عملهوش اوى و قلتلهم على صوت تخبيط الحديد اللى تحت اللى انت كنت قلت عليه قبل كده قالو ما نعرفش عنه حاجه و سالتك هما عملولك ايه عشان اقولهم عليه و انت ما ردتش ياريت تقوللى باه
و عندى نفس الصوت اللى فى الشنطه ده فى الباب اللى جنبى دلوقتى
و بعدين لما باجى ارجع لورا بسمع صوت غريب كده مش عارف ده طبيعى ولا ايه

[essam15]

موضوع هام جدا

جزاك الله خبرا

[mezo2k]

بالنسبه لصوت الخبطه الي امام شمال

انا اول ما جبت العربيه كان فى صوت فى الشنطه و انا ماشى براحه فى طريق مكسر بسمع صوت زى تكتكه او تزييق و رحتلهم بس ما عملهوش اوى و قلتلهم على صوت تخبيط الحديد اللى تحت اللى انت كنت قلت عليه قبل كده قالو ما نعرفش عنه حاجه و سالتك هما عملولك ايه عشان اقولهم عليه و انت ما ردتش ياريت تقوللى باه
و عندى نفس الصوت اللى فى الشنطه ده فى الباب اللى جنبى دلوقتى
و بعدين لما باجى ارجع لورا بسمع صوت غريب كده مش عارف ده طبيعى ولا ايه

يا باشا انا كنت بوضحلكم ان في مشكله فقط في العفشه الاماميه شمال فقط نتيجه النقر الصغيره وانت كاسر الفرده شمال شويه
وقلتلكم ان الصوت ده واضح في عربيات الدفعه الاولي فقط
وانهم عندهم ارقام شاسيهات العربيات ديه والبافاريه اتصلت بالناس كلها من 3 اشهر وغيرت جزء في علبه الدلكسيون والصوت برده متنعش بس قل شويه

وعلي فكره الموضوع ده مفيش حد من مهندسين الاستقبال يعرفه
ده مع مهندسين الجوده والصيانه
ولسه مفيش حل ينهي مشكله هذا الصوت

بالنسبه للصوت الي في الشنطه ده موجود في عربيات كتير بس بيظبط عندهم

حاول في الصيانه الي جايه تروح وانت فاكر كل الملحوظات عندك
وفي مهندس استقبال هناك اسمه سالم ده متفاهم وياريت تجرب العربيه بعد الصيانه وتتاكد ان الصوت انتهي فعلا

[smax]

يا باشا انا كنت بوضحلكم ان في مشكله فقط في العفشه الاماميه شمال فقط نتيجه النقر الصغيره وانت كاسر الفرده شمال شويه
وقلتلكم ان الصوت ده واضح في عربيات الدفعه الاولي فقط
وانهم عندهم ارقام شاسيهات العربيات ديه والبافاريه اتصلت بالناس كلها من 3 اشهر وغيرت جزء في علبه الدلكسيون والصوت برده متنعش بس قل شويه

وعلي فكره الموضوع ده مفيش حد من مهندسين الاستقبال يعرفه
ده مع مهندسين الجوده والصيانه
ولسه مفيش حل ينهي مشكله هذا الصوت

بالنسبه للصوت الي في الشنطه ده موجود في عربيات كتير بس بيظبط عندهم

حاول في الصيانه الي جايه تروح وانت فاكر كل الملحوظات عندك
وفي مهندس استقبال هناك اسمه سالم ده متفاهم وياريت تجرب العربيه بعد الصيانه وتتاكد ان الصوت انتهي فعلا

عربيتي دفعة 2 و سمعت صوت الحديد دة فعلا كذا مرة و انا بحود , ياريت لاو تعرف اية هوا الجزء اللي بيتغير في علبة الدركسيون تقولنا مثلا (بارات, جلب, عامود الدريكسون..) علشان انا رايح التوكيل صيانة ال10000 كم و مش عايزهم يستهبلوا و ميغيروش حاجة.

[khaledazizeg]

عربيتي دفعة 2 و سمعت صوت الحديد دة فعلا كذا مرة و انا بحود , ياريت لاو تعرف اية هوا الجزء اللي بيتغير في علبة الدركسيون تقولنا مثلا (بارات, جلب, عامود الدريكسون..) علشان انا رايح التوكيل صيانة ال10000 كم و مش عايزهم يستهبلوا و ميغيروش حاجة.

انا بردوا ان شاء الله هروحلهم صيانة ال10000كم
ومش ناوى اسيبهم الا اما يعملوهالى انا بردوا من الدفعة التانية

[M.Alshafie]

ياريت يا ميزو تقولنا فعلا ايه الجزء اللى بيتغير و هما غيروهالك و لا لا انا مافيش حد كلمنى زى ما انت بتقول و لو غيروه عندك الصوت را ح و لا لا
و بعدين اروح لمين اذا ماكانش فيه و لا واحد من مهندسين الاستقبال زى ما انت بتقول عارف الموضوع ده يبقى اروح لمين و ياترى سالم ده فى ابو رواش و لا فى القطاميه و شكرا

[M.Alshafie]

ياريت يا ميزو ترد عليا بسرعه لانى رايح التوكيل بكره الثلاثاء

[mezo2k]

يا جماعه

ياريت يا ميزو ترد عليا بسرعه لانى رايح التوكيل بكره الثلاثاء

بصوا يا جماعه الصوت الي في علبة الدركسيون ده لم يتم علاجه حتي الان لسه الصنيين شغلين في عمل تعديل لمنع الصوت نهائيا

الصوت ده موجود في كل العربيات

بس كان زياده اوي في الدفعه الاولي فقط
الدفعات الي بعد كده نازله بالتعديل الي يقلل الصوت بس ميلغهوش لسه برده الصوت موجود بس اقل لسه مفيش حل قطعي الصنيين شغلين
بالنسبه باه للسيارات الدفعه الاولي الناس في البافاريه معهام ارقام الشسيهات الي متركبش فيها التعديل في الصين
وبالفعل تم تركيب التعديل الي برده بيققل الصوت بس في كل الشسهات ديه

يا جماعه الناس شغاله ابحاث علي الموضوع واول ما هيتحل
هما هبلغونا
او انا اول ما اعرف ان في حل قطعي للمشكله هكتبلكم عليه

كل العربيات فيها الصوت

[Mostafa Hessen]

بس الحمد لله الصوت ده مش موجود عندى

واضح انه كان فى الدفعة الأولى والثانية

والناس أكيد حيلقولو حل قريب

وبالتوفيق