اولا السلام عليكم ورحمة الله وبركاته
ثانيا احب اعتزر عن تأخيرى فى كتابة الموضوع بعد عمل صيانة ال10000كم
احب اتكلم عن العربية
العربية استلمتها فى 12\1\2009
طبعا لما جبت العربية كنت خايف من كلام الناس الى بتقول ان ديه عربية صينى ومش حلوة بس انا بصراحة ما بحبش امشى ورا كلام الناس الا اما اجرب بنفسى وفعلا جربتها لاقيتها كويسة جدا مقارنة باللانوس الى كانت معايا والحمد لله استلمتها
نتكلم شوية عن مميزاتها:
1-ثبات العربية فوق الممتاز العربية ما شاء الله بدخل ملفات جامدة وعلى سرعات عالية جدا والعربية ثابتة لأنى من هواه السرعات العالية فالحمد لله اخترت العربية الصح
2-الفرامل الحمد لله ممتازه يعنى العربية بفرمل بيها جامد ما بلاحظش العربية تلف او تعوم او تتزحلق الحمد لله بتقف فى مكانها وطبعا كلكوا تابعتوا الى كان بيحصلى
3-العربية ماشاء الله عليها واسعة جدا من جوا وأجمد حاجة انك ممكن تشيل قاعدة السماعات الى ورا وتفرد الكنبة وتبقة كل العربية من ورا شنطة
4-العربية عالية على الارض يعنى تدخل المطبات ومعاك حمولة وماتخافش من حاجة
5-موتور العربية انا شايف انه جيد جدا بس لو كان يبقى اسرع شوية كان يبقى اجمد يعنى كان عايز موتور عالى فى ال hp بس الموتور جيد وبشد بيها مع اللانسر والفيرنا
وخلى بالكوا موتور الfrvهوا بتاع اللانسر البومة 2007 بس الفارق انه بيتجمع فى الصين
6-العفشة جيدة بس هيا ناشفة شوية علشان يديلك ثبات ممتاز بس عيبة ان لو فية مطب صغير على الارض بيحسسك بيه لكن ما بتسمعش صوت خبط ورزع
7-اكتر حاجة عجبتنى هيا زاوية ميل العجل لما تيجى تلف الدركسيون على الاخر يمين او للاخر شمال تلاقى العجل مديلك زاوية ميل زى المرسيدس والبى ام علشان يديلك اكبر زاوية وانتا بتلف داه بيثبتلى ان الشاسية فعلا سيستم بورش
وكمان حصلى موقف عجبتنى فية العربية قوى وهوا انى كنت ماشى بالعربية والكاوتشة كانت اتقطعت بسبب طوبة فى الصحراء دخلت فيها وكمان العجبة ديه كانت الشمال قدام وكنت ماشى بيها حوالى 70 كم على سرعة 80كم\س ومكنتش حاسس بحاجة خالص الا اما قفلت الكاسيت
8- التكييف بتاعها ممتاز بس عيبة لو العربية سخنة بياخد مدة شوية على ما يسقع
لكن لو صاج العربية مش سخن التكييف بيسقع بسرعة جدا ومن مميزاته انه بيفصل اول اما يوصل لدرجة البرودة المطلوبة وكمان لو مشغل التكييف لمدة بنظام تجديد الهوا فى الداخل هوا اتوماتيك بيغير نظام دخول الهواء الى نظام دخول الهواء من الخارج علشان الاكسجين وكمان فيه فلتر تكييف
ومهما قلت مش هقدر اقول جميع مميزاتها لأنها الحمد لله عربية ممتازة
نتكلم شوية عن العيوب
1-عيب المساحات الى بتخبط فى الكابوت (وداه اتحل فى صيانة ال2000كم بدون ما اكون عارفها يعنى هما عملوها لوحدهم وكمان سابولى المساحات القديمة)
2-عيب فى علبة الدركسيون لو انتا داخل فى مطب مفاجئ وانتا كاسر شمال على الاخر تسمع صوت خبط حديد فى بعضة (الحمدلله اتحلت فى صيانة ال10000كم)
3-عيوب التقفيل (بس انا بقلهم عليها وهما بيعملوها ومبيتأخروش ابدا)
والحمد لله انا حاسس انى مارمتش فلوسى فى الارض على عربية صينى زى ما بعض الناس بتقول والحمد لله انى ما خترتش عربية غير الfrv لأنها احسن عربية فى فئتها السعرية
بالنسبة لصيانة ال10000كم
1- العربية دخلت الساعة 9 وخرجت الساعة 2 بعد الظهر
التكلفة 400جنية
شاملة تغيير الزيت والفلتر وتربيط العفشة ومراجعة الزيوت والمياه والتيل وظبط الزوايا بس انا قالولى ان جهاز الظبط عطلان وتعالالنا بعد اسبوع يكون اتصلح وكمان ترصيص العجل
معلش طوات عليكوا بس انا حبيت انى اوضحلكم العربية بمميزاتها وعيوبها
ثانيا احب اعتزر عن تأخيرى فى كتابة الموضوع بعد عمل صيانة ال10000كم
احب اتكلم عن العربية
العربية استلمتها فى 12\1\2009
طبعا لما جبت العربية كنت خايف من كلام الناس الى بتقول ان ديه عربية صينى ومش حلوة بس انا بصراحة ما بحبش امشى ورا كلام الناس الا اما اجرب بنفسى وفعلا جربتها لاقيتها كويسة جدا مقارنة باللانوس الى كانت معايا والحمد لله استلمتها
نتكلم شوية عن مميزاتها:
1-ثبات العربية فوق الممتاز العربية ما شاء الله بدخل ملفات جامدة وعلى سرعات عالية جدا والعربية ثابتة لأنى من هواه السرعات العالية فالحمد لله اخترت العربية الصح
2-الفرامل الحمد لله ممتازه يعنى العربية بفرمل بيها جامد ما بلاحظش العربية تلف او تعوم او تتزحلق الحمد لله بتقف فى مكانها وطبعا كلكوا تابعتوا الى كان بيحصلى
3-العربية ماشاء الله عليها واسعة جدا من جوا وأجمد حاجة انك ممكن تشيل قاعدة السماعات الى ورا وتفرد الكنبة وتبقة كل العربية من ورا شنطة
4-العربية عالية على الارض يعنى تدخل المطبات ومعاك حمولة وماتخافش من حاجة
5-موتور العربية انا شايف انه جيد جدا بس لو كان يبقى اسرع شوية كان يبقى اجمد يعنى كان عايز موتور عالى فى ال hp بس الموتور جيد وبشد بيها مع اللانسر والفيرنا
وخلى بالكوا موتور الfrvهوا بتاع اللانسر البومة 2007 بس الفارق انه بيتجمع فى الصين
6-العفشة جيدة بس هيا ناشفة شوية علشان يديلك ثبات ممتاز بس عيبة ان لو فية مطب صغير على الارض بيحسسك بيه لكن ما بتسمعش صوت خبط ورزع
7-اكتر حاجة عجبتنى هيا زاوية ميل العجل لما تيجى تلف الدركسيون على الاخر يمين او للاخر شمال تلاقى العجل مديلك زاوية ميل زى المرسيدس والبى ام علشان يديلك اكبر زاوية وانتا بتلف داه بيثبتلى ان الشاسية فعلا سيستم بورش
وكمان حصلى موقف عجبتنى فية العربية قوى وهوا انى كنت ماشى بالعربية والكاوتشة كانت اتقطعت بسبب طوبة فى الصحراء دخلت فيها وكمان العجبة ديه كانت الشمال قدام وكنت ماشى بيها حوالى 70 كم على سرعة 80كم\س ومكنتش حاسس بحاجة خالص الا اما قفلت الكاسيت
8- التكييف بتاعها ممتاز بس عيبة لو العربية سخنة بياخد مدة شوية على ما يسقع
لكن لو صاج العربية مش سخن التكييف بيسقع بسرعة جدا ومن مميزاته انه بيفصل اول اما يوصل لدرجة البرودة المطلوبة وكمان لو مشغل التكييف لمدة بنظام تجديد الهوا فى الداخل هوا اتوماتيك بيغير نظام دخول الهواء الى نظام دخول الهواء من الخارج علشان الاكسجين وكمان فيه فلتر تكييف
ومهما قلت مش هقدر اقول جميع مميزاتها لأنها الحمد لله عربية ممتازة
نتكلم شوية عن العيوب
1-عيب المساحات الى بتخبط فى الكابوت (وداه اتحل فى صيانة ال2000كم بدون ما اكون عارفها يعنى هما عملوها لوحدهم وكمان سابولى المساحات القديمة)
2-عيب فى علبة الدركسيون لو انتا داخل فى مطب مفاجئ وانتا كاسر شمال على الاخر تسمع صوت خبط حديد فى بعضة (الحمدلله اتحلت فى صيانة ال10000كم)
3-عيوب التقفيل (بس انا بقلهم عليها وهما بيعملوها ومبيتأخروش ابدا)
والحمد لله انا حاسس انى مارمتش فلوسى فى الارض على عربية صينى زى ما بعض الناس بتقول والحمد لله انى ما خترتش عربية غير الfrv لأنها احسن عربية فى فئتها السعرية
بالنسبة لصيانة ال10000كم
1- العربية دخلت الساعة 9 وخرجت الساعة 2 بعد الظهر
التكلفة 400جنية
شاملة تغيير الزيت والفلتر وتربيط العفشة ومراجعة الزيوت والمياه والتيل وظبط الزوايا بس انا قالولى ان جهاز الظبط عطلان وتعالالنا بعد اسبوع يكون اتصلح وكمان ترصيص العجل
معلش طوات عليكوا بس انا حبيت انى اوضحلكم العربية بمميزاتها وعيوبها


Comment