لو عندك اي استفسار بخصوص الجيلي باندا

[elmkaneeki]

السلام عليكم موضوع ممتاز, ان شاء الله هاشترى عربية فى خلال شهر و محتار حيرة شديدة (باندا جيلى) ام (جريت وول بيرى)
ومش لاقى مواضيع كتير عن البيرى ولما قرأت فى موضوعكم الممتاز مايل (للباندا), فهل يوجد حد عارف معلومة كويسة عن البيرى يقولنا عليها, حد ساقها مثلا , بمعنى اكثر ايهما افضل ؟ افيدونى وجزاكم الله خيرا

مفيش اصلا بيرى زيرو...اخرها 2009

[Dr_ElSioufy]

السلام عليكم
دى اول مشاركة ليه الموقع بجد رااائع جدا ويارب ابقى من الاعضاء المشاركين
انا كنت عايزة استفسر عن حاجة انا ناوية اشترى العربية دى شكلها تحفة وعاجبنى اوى بس عايزة اعرف الكماليات ايه يعنى لقيت فى مواقع كاتبة ان فيها انذار وكمان MP3 و airbag ياترى دول موجودين فى العربية اللى نزلة مصر ولا بالطلب ولا ايه؟؟؟؟؟؟

آسف مخدتش بالي من المشاركه دي...

بالنسبة لكماليات العربيه اللي بتنزل مصر انا كنت رديت عليها في الموضوع ده :

http://www.nilemotors.net/Nile/227330-a.html

[reco]

شكرا على الرد وفعــــــــــــــــــلا انا اشتريتها للاســــــــــــــــــــــف :)
طلعت واطية جداااااااااااااااااااااااااا وفى المطبات حك وخبط وخلاص كرهنها مع انى بمشى على المطبات هاديه جدا
ومش عارفالها حل ؟؟؟؟؟؟؟؟؟

[Dr_ElSioufy]

شكرا على الرد وفعــــــــــــــــــلا انا اشتريتها للاســــــــــــــــــــــف :)
طلعت واطية جداااااااااااااااااااااااااا وفى المطبات حك وخبط وخلاص كرهنها مع انى بمشى على المطبات هاديه جدا
ومش عارفالها حل ؟؟؟؟؟؟؟؟؟

بصي هي واطيه لكن مش بالدرجه دي يعني وهقولك الحل اللي انا عملته عندي ومعدتش بتحك نهائيا الحمدلله

لكن خليني اقولك الاول الف مبروك على العربيه و ربنا يديكي خيرها ويبعد عنك شرها

العربيه والله جميله مش يعيبها الا انها واطيه شويه وهقولك على الحل :

انا ركبت حاجه اسمها صدادات الواحده ب30 جنيه بتتحط فوق المساعد عشان تقلل مشوار المساعد في الطلوع والنزول متهيألي انا اتكلمت عن النقطه دي في الموضوع ولكن هقولك تاني

4 صدادات كثافه عاليه تحطيهم على الاربع مساعدين ولو هتحطي 2 بس يبقى 2 ورا افضل

انا حطيت الاول 2 ورا والحكه خفت خااالص ولما حطيت 4 اختفت الحكه نهائيا مع اتخنها مطب

وزي ماقلتلك 30 جنيه الواحده وتركيبهم مش هياخد اكتر من 50 جنيه

هتحسي ان العربيه مش بتطلع وتنزل مع المطب وبكده مش هتحك خالص

واهلا بيكي في عيلة الجيلي باندا

[m_badr]

محدش يعرف نظام تقسيطها ايه؟

[amrrashed]

Waiting for the report doc

[vooo]

كل ده عشان التقرير ): -------- مستنيـــــــن .. يا مسهل يا رب

[eagle19800]

انا عندى صعوبة فى الغيار من الثانى للثالث والعكس دة طبيعى ولا اية ؟ واية الحل ؟

[aftr]

موضوع جميل ومستنين التقرير ولا انته نسيت بجد عربيه تحفه وبقت احلى مع الجنوط ربنا يحفظهالك ويكفيك شر طريقها انا كنت ناوى على ابيزا 2002 بس الباندا دخلت دماغى بس مقلق شويه لان جربت الصينى قبل كده وكان اختيار خاطىء وخايف اجرب الصينى تانى لان خسرت كتير فى اول مره انته عارف اعاده البيع فى الصينى عامل ازاى --وبصراحه عجبنى موضوعك لانك بتتكلم بكل صراحه بدون تحيز مشكوررررررررررررررر

[Ahmed.Fahmy]

متابع

[Dr_ElSioufy]

أسف لكل الناس اللي انتظرت التقرير ولكن انا فعلا مشغول جدا الايام دي وعندي جيش فبطلب من المشرف غلق الموضوع و اي حد ليه سؤال ممكن يبقى يكلمني على الموبايل : 01095181113

[moustafapeace]

استاذة ريكو ممكن اعرف انطباعك وتقيمك للسيارة لانى مقبل على شرائها ان شاء الله وهل فعلا العربية بتحك فى المطبات جامد اوى كده حتى لو خدت المطب على الهادى اوى .... طيب لو سايق لوحدى برضة هتحك جامد اوى كده وشكرا