حكايتى مع byd f3 و emgrand ec7

[hugan]

انت يا باشا بتقول

حقيقي الايمجراند تصميمها سابق عربيات كتير جدا
وسعرها اضعاف اضعافها

انا عاوز توضيح لنقطة سعرها اضعاف اضعافها دي

اهههههه
قصدي سعرها ضعف سعر الايمجراند
والتوضيح كان باين في نوعيه االعربيات اللي ذكرتها

[M I D O]

اهههههه
قصدي سعرها ضعف سعر الايمجراند
والتوضيح كان باين في نوعيه االعربيات اللي ذكرتها

تصدق ماخدتش بالي وفكرتك تقصد ان الامجراند تستاهل اضعاف تمنها عشان كدة كنت مستغرب وعاوزك توضح

[hugan]

تصدق ماخدتش بالي :copy of new: وفكرتك تقصد ان الامجراند تستاهل اضعاف تمنها عشان كدة كنت مستغرب وعاوزك توضح :copy of new:

مش قوي كده
لكن بالنسبه لي كل العربيات زي بعضها مادام الاوبشن واحد
والاداء واحد
المهم بالنسبه لي في اي عربيه ايا كان نوعها
انها بتؤدي الغرض المطلوب منها

[genius essam]

بسم الله الرحمن الرحيم
الاخوة الافاضل اعضاء بى واى دى انا حابب احكى وافضفض معاكم عن رخله البخث عن سيارة
اول عربية اشتريتها كانت فيات 132 اشتريتها ب 17 الف وفضلت عندى 4 سنين وبعتها ب 19 الف فى الاربع سنين دول كانت شغاله زى الفل بنزين 90 شغاله بنزين 80 شغاله حتى لو مونتها مياه شغالة وكنت بسافر بيها كل اسبوع وطول الاربع سنين مصرفتش عليها 100 جنية عند الميكانيكى افتريت عليها وقلت ابيع واجيب عربية حديثة
تانى عربية هيونداى اللنترا 93 جبتها 38 الف من 4 سنين صرفت عليها 40 الف فى اربع سنين برضة ومفيش فايدة فيها وقررت انى ابيعها باى ثمن والمرة دى حرمت اشترى مستعمل تانى لو حتى ح اشترى عجلة او موتوسيكل احسن من مرسيدس مستعمل
وقررت ادور على عربية زيرو فى حدود الامكانيات وكانت المقارنة بين فيرنا ولانوس ولوجان
من سنة ونصف واحد زميلى كان فى القاهرة رجع قال لى شفت لك عربية خكاية فيها كل حاجة انت عايزها و ب 60 الف بس معقولة ؟؟ عربية اية قال اسمها بى واى دى دى شكلها اية قال شبه التيوتا
دورت على النت لقيتها واشتركت فى المنتدى دة مخصوص علشانها وقرات كل المشاركات عنها
واحد يقول دى احسن عربية فى مصر نعومه اليابانى وثبات الالمانى وفخامه الامريكانى وواحد يقول دى عربية زباله وكتيرها سنة وترميها
واحد يطلعها السماء وواحد يخسف بيها الارض
المشكله الاساسية بالنسبة لى انى ما شفتهاش على الطبيعة خالص ومن سنة ونص من ساعة ما صاحبى قال عليها وانا ماشى فى الشارع زى الى ضايعة منه حاجة اتلفت يمين وشمال ادور على بى واى دى مفيش فايدة
معقولة عربية بقالها 10 سنين فى مصر مفيش منها عربية واحدة فى الغردقة رغم ان الغردقة الدنيا كلها بتزورها مفيش واحد نزل يصيف يومين حتى بالعربية
اسال عليها فى المعارض منهم الى ما سمعش عنها خالص ومنهم الى بيقول اه دى عربية حلوة وشغاله كويس فى القاهرة بس لو عايزها ادفع مقدم وابعت اجيبها لك طيب ادفع عميانى اشترى حاجة ما اعرفش شكلها اية
المهم علشان ما اطولش على حضراتكم ومن خلال مشاركات حضراتكم اقتنعت بالعربية وقلت اشتريها ومهما يكون احسن من العربية الى عندى الى خربت بيتى مصاريف ولما استخرت ربنا وقررت اشترى كان سعرها 72 الف فى الوكيل وبرة بزيادة الفين
ارسلت ايميل لشركة الامل اسال على الصيانة ومراكز الخدمه انا عارف انها فى القاهرة واسكندرية وطلبت منهم انهم يعفونى من الصيانة او يخلوها كل 10000 بدل من كل 5000 لانى المشوار بعيد الف كيلو رايح جى ردت الاستاذة داليا قالت ما ينفعش
قلت مفيش مشكله انا اشتريها واعمل الصيانة بمعرفتى ومش عايز ضمان الضامن ربنا وفى نفس الوقت قرات ان العربية فيها مشاكل فى الفتيس وان السست ضعيفة ولازم تتغير والعربية بتسخن كلام يقلق بصراحه وخصوصا لواحد بعيد عن التوكيل
فى 24 فبراير جات فرصة من عند ربنا مامورية فى القاهرة على خساب الشغل لمدة اسبوع قلت فرصة اشوف العربية على الطبيعة لاول مرة فى حياتى وادرسها واسال سواقين التاكسى عليها ورحت توكيل الصيانة فى الشرابية وشفت العربية بجميع الوانها ملاكى وتاكسى مانيوال واوتوماتك واقتنعت بيها جدا بنسبة 100 % قلت على بركة الله وقررت اشتريها من القاهرة واوفر 3000 فرق سعر عن الغردقة وارجع بيها جبت عنوان الموزعين المعتمدين من المنتدى هنا واقرب واحد كان فى ميدان الفلكى ركبت تاكسى بى واى دى برضة ودردشت مع السواق يا اسطى انا ناوى اشترى العربية دى اشهد شهادة حق لوجه الله قال اتكل على الله مفيش احسن منها والفتيس قال ممتاز وخلانى جربتة بايدى قال حاجة واحدة بس تعملها تستلم العربية وتانى يوم تروح الصيانة تقول لهم يغيروا السست لانها وحشة وهم عارفين انها وخشة وبيغيروها على طول طيب اذا كانوا عارفين انها وحشة بيركبوها لية من الاول غاويين يتعبونا ويتعبوا نفسهم
نزلت عن المعرض ما شاء الله كل الالوان موجودة وكلهم احلى من بعض كان فية اتنين بهوات واخد قاعد على المكتب وواحد قاعد على الكرسى قدامه وحاطط رجل على رجل
قلت السلاما عليكم ردوا السلام واحد منهم من غير ما ينزل رجله اتفرجت على العربيات بنظرة سريعة ما فيش حد فكر يقوم يفتح العربية ويفرجنى عليها او حتى يقول بتعمل اية
رحت عندهم وقلت لهم عايز عربية f3 هى سعرها كام دلوقتى قال 80 الف
قلت له انت بتقول اية انا سائل عليها ومتابع سعرها كان 72 وبقت 73 قال دلوقتى 80 والاتوماتك 96
بصراحة اتضايقت من اسلوبة وتناكه اهله وقلت ادخل فية شمال واعرفه حجمه
قلت له لية 80 فى عربية صينى زباله عربية تاخدها وتانى يوم تغير سوست ومساعدين وتغير فتيس وطقم دبرياش وطنابير دى الامجراند برقبتها قال الامجراند ب 90 قلت له الامجراند كانت ب 85 وسعرها نزل 2500 يعنى رخصت وانتوا غليتوا قال لو تعرف تجيب الامجراند ب 90 هات 10 عربيات وانا اخدهم منك
قلت باين كدة ربنا مش كاتب لنا نركب عربية زيرو
رجعت الغردقة قلت اسال تانى يمكن ما وصلش عندهم السعر الجديد لقيت سعرها فعلا 80 الف سالت على الامجراند لقيتها 82 ونصف طيب العربية دى ظروفها اية لقيتة ادانى تليفونات 10 اشخاص اشتروها فى الغردقة اعرف منهم 2 معرفة شخصية كلمتهم قالوا العربية ممتازة وصيانتها مع صيانه هيونداى يعنى فية مركز صيانة فى الغردقة على بعد 5 دقائق من بيتى ودى اهم حاجة بالنسبة لى
توكلت على الله ودفعت 500 جنية بعدها بيومين العربية وصلت استلمتها الورق بتاعها وصل بعدها ب 3 ايام ورخصت الخمد لله والعربية ممتازة فعلا شكل وكماليات وامكانيات وصيانة جنب البيت
انا مش عايز اقول هى افضل ولا بى واى دى افضل الله اعلم الخير فين
بس بالنسبة لى وظروفى امجراند افضل
حاجة تانية امجراند باعت فى الغردقة 10 عربيات فى اقل من شهر بى واى دى لم تبع اى عربية فى الغردقة طوال 10 سنين يمكن تكون بى واى دى افضل ولكن التوكيل فعلا فاشل فاشل فاشل فى التسويق وفاشل فى البيع وفاشل فى الصيانة العربية دى لو مع توكيل تانى كانت ملت البلد
اقسم بالله العظيم انا حزين على ال بى واى دى لانى عشمت نفسى انى اشتريها و اتعلقت بيها وقرات كل كلمه اتكتبت عنها فى المنتديات بس فعلا اسلوب الراجل فى المعرض كرهنى فى العربية
المهم الخيرة فيما اختار الله ويا رب اكون احسنت الاختيار وكل شئ نصيب
لو حضراتكم كنتوا مكانى وفى نفس الظروف كنتوا ح تختاروا اية ؟؟

انا كنت زيك و عملت زيك ولسه مستلم ايمجراند من يومين 2014 وربنا يسهلها علينا كلنا

[M I D O]

مش قوي كده
لكن بالنسبه لي كل العربيات زي بعضها مادام الاوبشن واحد
والاداء واحد
المهم بالنسبه لي في اي عربيه ايا كان نوعها
انها بتؤدي الغرض المطلوب منها

منا عشان كدة كنت مستغرب حضرتك عارف الي فيها يعني ازاي تقصد سعرها اضعاف اضعافها

[M I D O]

انا كنت زيك و عملت زيك ولسه مستلم ايمجراند من يومين 2014 وربنا يسهلها علينا كلنا

طب و العربية عاملة معا حضرتك اية ؟؟ و التكييف بالزات اخبارة اية

[رمضان شوقى]

أنا كمان منتظر التقرير........................

[raedegypt]

افضل عربيه صينيه فى الخليج ومنتشره وال يجى جده يلاقيها الاميجراند والسبب لانها سيارة من تحالف اروبى صينى وليس صينى فقط لان جيلى اشترت فولفو السويديه وهى ال صممت العربيه دة

[M I D O]

افضل عربيه صينيه فى الخليج ومنتشره وال يجى جده يلاقيها الاميجراند والسبب لانها سيارة من تحالف اروبى صينى وليس صينى فقط لان جيلى اشترت فولفو السويديه وهى ال صممت العربيه دة

بالله عليك كفاية خليج هتكرهني في الاشقاء العرب

[raedegypt]

بالله عليك كفاية خليج هتكرهني في الاشقاء العرب

خليك على اد الشاهين وسيبك من موضوع العربيات الجديده .. ... لو ركبتها كنت ها تفهم يعنى ايه سيارة تحالف اروبى صينى . تفرق كثير عن اى سيارة سيارةصينى بخبرات صينيه فقط . شوف الاسبرنزا التاكسى الابيض جنب الفيرنا واللانوس معظمها عفشات اتفككت وعربيات وانت ماشى بيها تسمع اصوات انوار اماميه وتابلوة ضعفت . مافيش من الاخر خبرات شركات عالميه زى فولفو مع الاميجراند

[M I D O]

خليك على اد الشاهين وسيبك من موضوع العربيات الجديده .. ... لو ركبتها كنت ها تفهم يعنى ايه سيارة تحالف اروبى صينى . تفرق كثير عن اى سيارة سيارةصينى بخبرات صينيه فقط . شوف الاسبرنزا التاكسى الابيض جنب الفيرنا واللانوس معظمها عفشات اتفككت وعربيات وانت ماشى بيها تسمع اصوات انوار اماميه وتابلوة ضعفت . مافيش من الاخر خبرات شركات عالميه زى فولفو مع الاميجراند

هية لا مؤاخذة الشاهين مضيقاك في اية وبعدين يا سيدي اشتري جديد اشتري مستعمل اخليني في الشاهين انا حر ولا يكون حضرتك بتصرف عليا وانا مش واخد بالي ؟؟
وبالنسبة لسيارة صينية تحالف اوروبي الكلام دة مش داخل ولا هيخش دماغي علي الي في مصر الي برة اقلك اة ممكن في مصر لا و ياريت الله يكرمك يعني لما تيجي تتكلم ناقشني انا وبموضوعية عن الامجراند النسخة المصرية مالناش دعوة بحاجة مش مصرية وياريت ملاكش دعوة بقي بالشاهين اصلها عجباني

[د.عماد صلاح]

والله .....امش عايز احلف بس اقسم بالله ....العربيه اللي في مصر غير اللي في الخليخ من حيث ...الموتور ..التقفيل ...الكماليات ...تقفيل الصالون ..و كل شئ ...اي والله

[M I D O]

والله .....امش عايز احلف بس اقسم بالله ....العربيه اللي في مصر غير اللي في الخليخ من حيث ...الموتور ..التقفيل ...الكماليات ...تقفيل الصالون ..و كل شئ ...اي والله

هيخش دلوقتي يقلك خلو بالكم الي بيتكلم معاة اوبترا وخليك في الاوبترا احسن

[abou-yahia]

هيخش دلوقتي يقلك خلو بالكم الي بيتكلم معاة اوبترا وخليك في الاوبترا احسن

والله منا مرجعاك كلمه

الاوبترا احلي :)

[M I D O]

والله منا مرجعاك كلمه

الاوبترا احلي :)

يا باشا احلي طبعا كفاية رجالة شيفورلية الي منورنا هنا في قسم جيلي