Envy vs Emgrand

[hanycapoo]

السلام عليكم ورحه الله وبركاته
النهارده روحت اتفرجت على الاسبيرانزا الجديده انفى
العربيه تحفه بصراحه وفيها كل حاجه وخلو الضمان زى غبور خمس سنين او 100 الف كم المهم سألت عن تمنها الراجل قالى الكامله 84 والفاضيه 79 الف المهم الفرق بين الاتنين فى الحساسات والسماعتا والدريكسيون
وبعدين برضه اتفرجت على الامجراند عربيه شياكه وكبيره بس بصراحه انا ارتحت للاسبيرانزا التابلوه بتاعها احلى وفخمه وتحس اها دبه بالرغم من ان الموتور 1500 بس بيدى عزم 109 حصان فأيه راييكم نقيم الاتنين وبما ان الفرق مش كبير بينهم فاحنا ممكن نقيم العربيتنين الاسبيرانزا والجيلى .. ها مين مواافق وهيفيدنا ؟؟

[bahaa sadek]

الامجراند احلي واقوي وجلي باللك ان شركه شيري من اسوا الشركات في الصين وعايز تتاكد ادخل علي يوتيوب وشوف اختبار التصادم بتاع امجراند وبتاع شيري وهتعرف الفرق

[shere74]

انا معايا جيلي بصراحه تحفة مشاء الله عليها وشكلها زي المرسيدس انا أرشحلك الجيلي

[bassem.naguib]

طب يا ريت يا جماعة اللي معاه امجراند ميبخلش علينا بانطباعته وتجربته معاها في مواضيع منفصلة .

عاوزين نصحصح القسم شوية .

[MinaEskander]

تتم المقارنه بين السياراتين علي اساس وسائل الامانه واختبارات القياده والاسم عالمياً
مراكز الخدمة وقطع الغيار لانه اساس الشراء ( خدمة ما بعد البيع ) هام جدا
اسم التوكيل وسمعته بالسوق لان بذلك يترتب عليه سعر السيارة بالسوق المستعمل
مينا إسكندر

[midooo_119]

اول فرق مهم ان الانفى بالفئتين الى نازله بيهم مفيهاش ايموبلايزر عكس الاميجراند موجود فيها
الانفى ماهى الا 516 الشكل الجديد حتى نفس الابواب والمرايات الجانبية
الامجراند نفس موتور مابل ال 1500
الامجراند اوسع بكتير من الانفى

[midooo_119]

امبارح عديت عالمعرض عنده الانفى والاميجراند نزلت ادردش معاه و قلتله اشترى انهى قالى الاتنين عندى اهم يعنى مش هتفرق معايا لكن نصيحه خد الاميجراند (مع ان الانفى اغلى) قالى انا ركبت الاتنين الانفى صوتها عالى و سحبها مش حلو و شكل التابلوه مش اد كده (اذواق) و حتى لمبة الاستوب عاملينها فالاكصادم من تحت لكن الاميجراند نظام شغل مرسيدس و جاب الريموت وفتحها لاقيتها نورت الشبورة و من ورا زى المرسيدس و دورتها عشان اسمع صوت الموتور جوه العربية العزل كويس و سالته على سحبها قالى انا سقتها و السحب حلو عليها (يعنى مش سحب تشد مع حد) انا جديا بفكر اغير و اشتري الامجراند لانها عجبانى اوى لكن حاسس انى هفتقد سحب النوبيرا بتاعتى و الشد مع خلق الله

[dedi]

بصراحة شفتها انا و اخى اليوم اول مرة اشوفها تحفة بجد و منتهى الفخامة فعلا
لا توجد سيارة بلا عيوب و لكن اعتقد انها صفقة ناجحة يعنى من غبور و ضمان 5 سنوات و 4 نجوم فى السلامة و عفشة من بوش و كهرباء من فولفو بالاضافة الى كل الكماليات ماذا تريد اكتر من كدة

[msm180]

دلونى افادكم الله

ايه رايكم انا عاوز نصيحة من الاخر
اشتريها ولا اشترى لوجان او هيونداى فيرنا
بسرعة الله يخليكوا

[midooo_119]

ايه رايكم انا عاوز نصيحة من الاخر
اشتريها ولا اشترى لوجان او هيونداى فيرنا
بسرعة الله يخليكوا

انصح حضرتك انك تتدور و تقرا و تشوف عشان تختار عن اقتناع اكيد الى هيدخل عالقسم هنا هيقلك هات الامجراند و لو عملت موضوع فقسم رينو او هيونداى هيقلولك هات عربية القسم الى فيه الموضوع نصيحتى حضرتك ماتمشيش ورا كلام حد و ادخل على منتدى عربيات تاني قسم جيلى هتلاقى مواضيع بالهبل عن العربية و كمان عالفيس صفحه نادى سيارات امجراند مصر هتلاقى ملاك العربية و بيقولوا تجربتهم بامانه و كمان رافعين الكتالوج بتاعها عالصفحة .. من الاخر حضرتك الى هتقول تشترى ايه

[mkaly]

نصيحه من مشترى سابق للرينو اوعى تفكر ام تنظر الى الرينو حتى النظرة فيها خسارة ابعد عنها

[M I D O]

الانفي و الامجراند هما الي هياكلو السوق وهيسحبو المبيعات من الفيرنا و اللانوس

[midooo_119]

ان شاء الله انا ناويت اشترى الاميجراند و ربنا ييسر الحال

[dedi]

ان شاء الله انا ناويت اشترى الاميجراند و ربنا ييسر الحال

مبروك مقدما بس ياريت تفيدنا بتقارير عنها وماتنساناش

[midooo_119]

مبروك مقدما بس ياريت تفيدنا بتقارير عنها وماتنساناش

ان شاء الله حاضر