تقييمي للامجراند

[M I D O]

بسم الله الرحمن الرحيم

النهاردة كنت في المصرية للسيارات وركبت الامجراند و شفتها العربية بجد تحفة بس في شوية ملاحظات عليها ان الكراسي قعدتها ناشفة شوية و تتعب في القيادة لمسافات طويلة وكمان الزراير الي جوة بتاعة الازاز و المرايات حسيت انها من بلاستيكيات جودتها مش عالية وكمان كنت قاعد جواها مش شايف وش العربية ولا شنطة العربية معا العلم ان طولي 181 سنتي بس مكنتش جايبهم خالص غير كدة العربية ما شاء الله تحفة و للاسف مكانش في تست درايف فمش هعرف احكم عليها و مندوب المبيعات الي هناك قالي انها عربية ممتازة و ان بيعها عالي اوي ووقفت حال عربيات كتير في الفئة السعرية دي و انها احسن من الاسبرانزا ولما سالتة عن الانفي قالي انها هتجيلهم قريب بس الامجراند احسن منها قلتلة ازاي وانت مشفتهاش قالي كفاية ان دي من غبور دي لوحدها تطمنك وانا صورت العربية كام صورة كدة بس طبعا المنتدي مليان صور عن العربية فمش هرفعهم وان شاء الله لما تنزل الانفي هروح اصورها و اركبها و اعمل تقرير بسيط كدة عنها

[midooo_119]

انا امبارح روحت شفتها عند سمير ريان عنده ابيض و تانية اسود ركبتها الانطباعات السلبية .. العدادات صينى صينى يعنى مفيش اى لمسه جمالية و كمان مش موضحه كل حاجه يعنى لما جيت فتحت الشنطه لاقيته نور علامه الشنطه ناحية الساعه الى فنص التابلوه بعيد عن العدادات مش عارف ليه و كذلك الابواب تيجى تفتح زى ابواب الاسبيرانزا بالضبط الاكرة ناشفة و شكل الفتيس معجبنيش اوى (رأى شخصى) , شكل الجنوط مش اد كده و لازم مقاس اكبر
الانطباعات الايجابية :طبعا شكلها و خاصه من الخلف و الفوانيس الليدات , واسعه ماشاء الله اكبر من نوبيرتى , الشنطه برضه واسعه جدا , العربية عالية عن الارض ,المراية الخلفية موضحه كويس
فالحقيقه بفكر اغير و اجيبها لانها صفقه رابحه جدا

[M I D O]

انا امبارح روحت شفتها عند سمير ريان عنده ابيض و تانية اسود ركبتها الانطباعات السلبية .. العدادات صينى صينى يعنى مفيش اى لمسه جمالية و كمان مش موضحه كل حاجه يعنى لما جيت فتحت الشنطه لاقيته نور علامه الشنطه ناحية الساعه الى فنص التابلوه بعيد عن العدادات مش عارف ليه و كذلك الابواب تيجى تفتح زى ابواب الاسبيرانزا بالضبط الاكرة ناشفة و شكل الفتيس معجبنيش اوى (رأى شخصى) , شكل الجنوط مش اد كده و لازم مقاس اكبر
الانطباعات الايجابية :طبعا شكلها و خاصه من الخلف و الفوانيس الليدات , واسعه ماشاء الله اكبر من نوبيرتى , الشنطه برضه واسعه جدا , العربية عالية عن الارض ,المراية الخلفية موضحه كويس
فالحقيقه بفكر اغير و اجيبها لانها صفقه رابحه جدا

لا يا باشا انا الي ركبتها امبارح كانت الاوكرة جميلة جدا و التقفيل بصراحة تحفة بلمس الباب بس بيقفل و الشنطة برضو يعني مفيش رزع خالص زي باقي الصيني و الفتيس فعلا شكلة غبي بس دي بتداري يعني لو حطيت فوقية عراقة ولا اي حاجة وهية عربية بصراحة جميلة ويعيبها برضو علامة جيلي شكلها غبي اوي وحجمها كبير وبالنسبة للعدادات هية احسن بكتير من عدادات الاسبرانزا و البي واي دي واهم حاجة في العربية دي ان فيها امبولايزر

[midooo_119]

لا يا باشا انا الي ركبتها امبارح كانت الاوكرة جميلة جدا و التقفيل بصراحة تحفة بلمس الباب بس بيقفل و الشنطة برضو يعني مفيش رزع خالص زي باقي الصيني و الفتيس فعلا شكلة غبي بس دي بتداري يعني لو حطيت فوقية عراقة ولا اي حاجة وهية عربية بصراحة جميلة ويعيبها برضو علامة جيلي شكلها غبي اوي وحجمها كبير وبالنسبة للعدادات هية احسن بكتير من عدادات الاسبرانزا و البي واي دي واهم حاجة في العربية دي ان فيها امبولايزر

اتفق معاك جدا فنقطة الايموبلايزر و انها عربيه كويسه جدا ففئتها لكن انا كنت اقصد الاكر لما تيجى تفتح هتلاقيها ناشفه مش زى مثلا الانسر او السيراتو او الالنترا تلاقى الفتح ناعم عن كده لكن كمجمل العربية جميلة ماشاء الله

[M I D O]

اتفق معاك جدا فنقطة الايموبلايزر و انها عربيه كويسه جدا ففئتها لكن انا كنت اقصد الاكر لما تيجى تفتح هتلاقيها ناشفه مش زى مثلا الانسر او السيراتو او الالنترا تلاقى الفتح ناعم عن كده لكن كمجمل العربية جميلة ماشاء الله

ايوة فهمت وجهة نظرك وهية صحيحة فعلا انا حسيت برضو بكدة بس العربية في المجمل كقيمة مقابل السعر هية ممتازة و كمان بصراحة انا كان مفائجة ليا التقفيل بتاعها لانة جيد جدا انا توقعت يبقي اقل من كدة ودة طبعا يحسب لغبور

[lamada]

فى الخليج العربيه دى اتوماتيك و شكلها خرافه . اعتقد انها تقفيل مختلف عن اللى فى مصر

[M I D O]

فى الخليج العربيه دى اتوماتيك و شكلها خرافه . اعتقد انها تقفيل مختلف عن اللى فى مصر

برة مصر 1800 سي سي اوتوماتيك وتقفيل بلدها انما في مصر 1500 سي سي وتقفيل مصري

[midooo_119]

عديت على غبور احمد عرابى و قالى التست درايف ب 500 جنيه جمعه و سبت من 9 ل12 و بتسترد الفلوس بعد اسبوع تقريبا و السعر الحالى 79.900 و ده لغايه نفاذ الكمية و ممكن تقسط عن طريق غبور نفسه بفايده 9.5 % لو فيه استعلام عن طريق الشغل ولو مفيش بيبقى 10.5 % او ممكن عن طريق اى بنك تختاره بس بتجيبلهم اوراق معينة من البنك (طبعا انا شايف الفايدة كبيرة اوى) .. بالنسبه للاستلام قالى فالنص التانى من شهر 5 و لو السعر زاد و انت حاجز هتتدفع الفرق و لو السعر قل و ما استلمتش هيدوك الفرق (طبعا عمره ماهينزل)

[M I D O]

عديت على غبور احمد عرابى و قالى التست درايف ب 500 جنيه جمعه و سبت من 9 ل12 و بتسترد الفلوس بعد اسبوع تقريبا و السعر الحالى 79.900 و ده لغايه نفاذ الكمية و ممكن تقسط عن طريق غبور نفسه بفايده 9.5 % لو فيه استعلام عن طريق الشغل ولو مفيش بيبقى 10.5 % او ممكن عن طريق اى بنك تختاره بس بتجيبلهم اوراق معينة من البنك (طبعا انا شايف الفايدة كبيرة اوى) .. بالنسبه للاستلام قالى فالنص التانى من شهر 5 و لو السعر زاد و انت حاجز هتتدفع الفرق و لو السعر قل و ما استلمتش هيدوك الفرق (طبعا عمره ماهينزل)

لا كتير اوي الفايدة دي وبعدين 500 جنية تامين وتاخدهم بعد اسبوع لييييييية

[yasseryahia]

اعتقد ان السعر يثبت عليك 79900جم لو حتقسط عن طريقهم فى غبور حتى لو تاخر التسليم بشرط استيفاء اوراق التقسيط وسداد مقدم تعاقد مناسب - دة الى فهمتة منهم هناك

[yasseryahia]

أه فى ملاحظة كمان - معلومة مد فترة العرض على السعر حتي منتصف مايو دة كلام مظبوط واكدتة مندوبة المعرض

[M I D O]

أه فى ملاحظة كمان - معلومة مد فترة العرض على السعر حتي منتصف مايو دة كلام مظبوط واكدتة مندوبة المعرض

كويس جدا غبور شكلة عاوز يخلي العربية دي تكتسح

[gamal saad]

بصراحة أنا شايف أن العربية دى هتكتسح فعلا أنشاء الله لأن بأمكانياتها دى مع سعرها دة ووسعها من الداخل وأرتفاعها عن الأرض دى هتمسح عربيات كثير من السوق أنشاء الله

[bassemali]

بس الإنفي منافس قوي .. من شركه قويه .. وعربيات ليها سمعه ممتازه ف السوق طوال 7 سنوات .. على عكس جيلي اللي سمعتها هباب من يوم مانزلت في 2005

[M I D O]

بس الإنفي منافس قوي .. من شركه قويه .. وعربيات ليها سمعه ممتازه ف السوق طوال 7 سنوات .. على عكس جيلي اللي سمعتها هباب من يوم مانزلت في 2005

الانفي فعلا منافس قوي جدا ودة سبب ان غبور نزل سعر العربية ل 80 الف عشان يبقي السعر احسن من الانفي و خلي بالك ان جيلي دلوقتي معا توكيل اسمة غبور وضمانك 5 سنين والكل عارف مين غبور ومش هيحط اسمة في حاجة وحشة ودة سبب ان الناس بدئت تثق في جيلي