تقرير عن جيلى امجراند

[hassan9671]

بسم الله الرحمن الرحيم
استجابة للاستاذ المحترم باسم وجميع الاخوة في المنتدى الى استفدت منهم كتير دة تقرير سريع عن جيلى امجراند بعد استخدام شهرين
اولا الملاحظات السلبية
* فرامل اليد ناشفة جدا وايد الفرامل شديدة وانت بترفعها وشديدة لما تنزلها
* صوت الشكمان بيكون عالى في بداية الدوارة ومسموع جدا ولكن بيختفى الصوت بعد الدوارة ب دقيقة او اقل
* مفيش وحدات رفع للزجاج
* تيل الفرامل بينزل تراب على الجنوط اعتقد التيل مش حلو وبيتاكل بسرعة وممكن ياثر على الجنوط
* الكراسى عالية وناشفة ومش مريحة بالمقارنة بعربيتى القديمة (هيونداى اللنترا ) يمكن علشان جديدة
ثانيا : الملاحظات الايجابية
* من حيث الشكل السيارة جميلة ومبهرة وتصميم عصرى وملفتة للنظر
* السيارة واسعة جدا
* التسارع ممتاز جدا ممكن يكون معدل التسارع بطئ لو على غيار عالى ولكن التسارع رائع
* الفرامل ممتازة جدا بتوقف العربية من اى سرعة في مسافى قصيرة ولو فرملت على سرعة عالية اشارة الانتظار بتشتغل اوتوماتيك مع الانزار لتنبية السيارات خلفك
* الاتزان رائع على جميع السرعات
* الاضائة قوية ومبهرة وفيها 3 مستويات اضائة في الواطى ومستوع اضائة عالى غير الاوتو بالاضافة الى فانوس الاستوب في الزجاج الخلفى
* التكييف ممتاز
* الكاسيت راديو و سى دى و usb ممتاز والصوت نقى جدا ورائع
* الشنطة واسعة جدا
* العربية عالية عن الارض
* العفشة رياضية ممتازة ناشفة شوية بس بدرجة مش ملحوظة
* عدادات ديجيتال وكمبيوتر رحلات بيوضح المسافة المقطوعة وبيقول لك البنزين اللى في التانك المفروض يمشيك كم كيلو متر بس حساباتة مش دقيقة اوى
* حساسات ركن خلفية وحساس لحزام الامان والاضائة وصوت تنبية لو باب مفتوح وصوت تنبية لو نزلت من السيارة وسبت المفتاح فيها وقفل الاواب اوتوماتيك على سرعة 20 كم
* مع قفل العربية بيطفى التكييف والكاسيت لو نسيتهم شغالين
* العربية فيها ايموبليزر و 2 ايرباج وفيها abs
وفى رايى السيارة بصفة عامة ممتازة جدا جدا بالنسبة لسعرها هو سعرها كان وصل الى 87 الف وانا جبتها ب 82.5 وسعرها حاليا 79500

[kar!m]

شكرا على التقرير .. و ربنا يبارك لك فيها و يحفظهالك.

[midooo_119]

ماشاء الله و مشكور عالتقرير انا ان شاء الله رايح احجزها ادعيلى

[ahmed legend]

شكرا على التقرير

[bassem.naguib]

بسم الله ما شاء الله ولا حول ولا قوة إلا بالله .. ربنا يبارك ليك فيها ويكفيك شرها .. وتكون مستمتع بيها دائماً .

بسم الله الرحمن الرحيم
استجابة للاستاذ المحترم باسم وجميع الاخوة في المنتدى الى استفدت منهم كتير دة تقرير سريع عن جيلى امجراند بعد استخدام شهرين
ربنا يكرمك يا باشا .. وشاكر لحضرتك على التقرير .. وأرجو أن توافينا باستمرار بانطباعك عنها وعن مراكز الخدمة والصيانة .
اولا الملاحظات السلبية
* فرامل اليد ناشفة جدا وايد الفرامل شديدة وانت بترفعها وشديدة لما تنزلها
في الصيانات القادمة قول ليهم على المشكلة دي وإن شاء الله تتحل .
* صوت الشكمان بيكون عالى في بداية الدوارة ومسموع جدا ولكن بيختفى الصوت بعد الدوارة ب دقيقة او اقل
أعتقد أن ده شيء طبيعي لأنها بتبقى فترة تسخين للعربية وارتفاع الـ rpm للعربية (أكنك دايس سنة بنزين) .. والصوت بيهدى بعد كدة بعد رجوع عدد لفات المحرك لمعدلها الطبيعي .. ورجاء الاطلاع على هذا اللينك للمزيد من الإفادة :

http://www.nilemotors.net/nile/354595-byd-f3.html

* مفيش وحدات رفع للزجاج
الحلو ميكملش .. ولكن أسأل عن إمكانية تركيبها سواء داخل أو خارج التوكيل حتى لا يحدث ضرر لضفيرة الكهرباء .
* تيل الفرامل بينزل تراب على الجنوط اعتقد التيل مش حلو وبيتاكل بسرعة وممكن ياثر على الجنوط
نصيحة لا تحاول غسل الجنوط بالمياه والعربية ساخنة حتى لا تتلف الطنابير .. ولو الموضوع مضايقك قوي كل فترة خلي بتاع الكاوتش ينفخها بالهواء لتنظيفها .
* الكراسى عالية وناشفة ومش مريحة بالمقارنة بعربيتى القديمة (هيونداى اللنترا ) يمكن علشان جديدة
شكوى عامة من نشوفية كراسي السيارة .. وأعتقد أنه لو بفرش مبطن بالسفنج الموضوع حيكون أحسن .
ثانيا : الملاحظات الايجابية
* من حيث الشكل السيارة جميلة ومبهرة وتصميم عصرى وملفتة للنظر
* السيارة واسعة جدا
* التسارع ممتاز جدا ممكن يكون معدل التسارع بطئ لو على غيار عالى ولكن التسارع رائع
* الفرامل ممتازة جدا بتوقف العربية من اى سرعة في مسافى قصيرة ولو فرملت على سرعة عالية اشارة الانتظار بتشتغل اوتوماتيك مع الانزار لتنبية السيارات خلفك
هل الخاصية دي بتشتغل مع عمل نظام الـ abs ولا مع الفرامل على سرعات عالية .
* الاتزان رائع على جميع السرعات
* الاضائة قوية ومبهرة وفيها 3 مستويات اضائة في الواطى ومستوع اضائة عالى غير الاوتو بالاضافة الى فانوس الاستوب في الزجاج الخلفى
* التكييف ممتاز
* الكاسيت راديو و سى دى و usb ممتاز والصوت نقى جدا ورائع
* الشنطة واسعة جدا
* العربية عالية عن الارض
* العفشة رياضية ممتازة ناشفة شوية بس بدرجة مش ملحوظة
* عدادات ديجيتال وكمبيوتر رحلات بيوضح المسافة المقطوعة وبيقول لك البنزين اللى في التانك المفروض يمشيك كم كيلو متر بس حساباتة مش دقيقة اوى
* حساسات ركن خلفية وحساس لحزام الامان والاضائة وصوت تنبية لو باب مفتوح وصوت تنبية لو نزلت من السيارة وسبت المفتاح فيها وقفل الاواب اوتوماتيك على سرعة 20 كم
* مع قفل العربية بيطفى التكييف والكاسيت لو نسيتهم شغالين
* العربية فيها ايموبليزر و 2 ايرباج وفيها abs
وفى رايى السيارة بصفة عامة ممتازة جدا جدا بالنسبة لسعرها هو سعرها كان وصل الى 87 الف وانا جبتها ب 82.5 وسعرها حاليا 79500

مرة تانية ربنا يباركلك فيها ويكفيك شرها .. وفي انتظار المزيد من الانطابعات عنها وعن استهلاك البنزين الواقعي وليس من خلال كمبيوتر العربية .. وكذلك مراكز الخدمة ومدى استجابتهم وتعاملهم مع السيارة .. خاااااااالص تحياتي

[remongamil]

تقرير اكثر من رائع ومفيد شكرا لحضرتك

[lanos2004]

شكرا ليك

[dr.hazem]

تقرير جميل....

تحياتي

[M I D O]

بسم الله ما شاء الله تقرير ممتاز وربنا يكرمك بيها ويديك خيرها ويكفيك شرها

[M I D O]

ماشاء الله و مشكور عالتقرير انا ان شاء الله رايح احجزها ادعيلى

انتم السابقون يا غالي بس اوعي تنسي الفيمية

[fares_311]

تقرير حلو ومختصر ومفيد

[raedegypt]

ممكن تقول الالوان ايه المتوفره واحسنهم ايه

[Ultramisho]

تقرير جميل تشكر عليه كثيرا

هو بس فيه تعليق صغير
حضرتك كاتب ان سحب العربية ممتاز جدا جدا وهنا سؤال لي لاني قريت تعليقات من ملاك كتير بتشتكي من النقطة دي ومن ان عزمها وحش في المطالع وكان تبرير ده ان موتورها 1500 ووزنها مش قليل وان علشان تسحب كويس بتعوز تاخير النقل حتى 4 الاف ار بي ام هل الكلام ده صحيح وحضرتك بتنقل كده ولا احساسك بان السحب متميز عموما
النفطة التانية التكييف حضرتك قلت انه ممتاز وسؤالي ممتاز يعني ثلاجة زي الالنترا مثلا في عز الحر ولو اقل ايه اخباره في الحر الشديد الظهر وكمان فيه ناس قالت ان العربية بتبقى بطة بلدي مع التكييف فهل فعلا بيأثر التكييف على السحب يعني بيكتف العربية زي شيفروليه لانوس كده ولا التأثير بسيط ومهمل

مرة اخرى اشكركم على التقرير المتميز وفي انتظار ردكم الكريم على استفساراتي

تحياتي

[gamal saad]

ألف مبروك وربنا يعطيك خيرها ويكفيك شرها ويحرصها لك ويحميها لك بصراحة تقرير ممتااااااااااااااااز ورااااااااااااااائع بكل حق وخااااااصة موضوع الفرملة على السرعات العالية نور الأنتظار بيشتغل أتوماتيك لتنبية السيارات خلفك دة ما قالة أحد قبل حضرتك قبل كدة نأمل فى مذيد من التقارير من حضرتك وأنا أيضا حاجز سيارة وسأستلمها فى القريب العاجل أنشاء الله فبرجاء الأفادة عن كل ملاحظاتك مستقبلا ولحضرتك موفور الشكر على المشاركة والأهتمام لهذة الفائدة القيمة

[S O P H O S]

مشكوررر علي مجهودك ..