هل يوجد اخبار عن جيلى باندا؟

[khaledccie]

السلام عليكم

بعد ما اخذ غبور توكيل جيلى الصينى نتوقع ان شاء الله انة سوف يكون هناك عربية صينى محترمة وتوكيل قوى يدعمها بمرور الوقت

كنت رايت ان غبور سوف يبيع عربية اميجراند و باندا وذلك من خلال اعلانتهم الاولى من خلال الجرائد

لن حتى الان لا يوجد الا اميجراند
فهل يوجد اخبار عن قرب نزل عربية باندا
لانى مهتم بيها جدا وناوى ان شاء الله اشتريها

وشكرا لكم جميعا

[kito]

لما غبور أخد التوكيل في الأول كانت الاخبار إنهم هيجمعوا الإمجراند، و الباندا هتبقي موجودة بس تقفيل صيني... لكن حتي الأن واضح إن مفيش غير الإمجرند، و التقفيل فيه مشاكل كتير، و لسة كمان منزلش الأوتوماتيك، فواضح إن موضوع نزول الباندا حالياً مستبعد شوية. أنا معايا باندا أصلاً و لو نزلت مع غبور هتبقي مصلحة بالنسبة لي :)

[khaledccie]

متشكر على الرد

وان كنت اصبحت متشائم من العربية دية من كثرة المشاكل الموجودة في الاميجراند
مشاكل كلها تدل على سوء مواد الخام والتصنيع

[kito]

متشكر على الرد

وان كنت اصبحت متشائم من العربية دية من كثرة المشاكل الموجودة في الاميجراند
مشاكل كلها تدل على سوء مواد الخام والتصنيع

حضرتك أنا كان معايا Speranza M11 ، و بعدها جبت الباندا... مشكلة العربيات الصيني هنا - التقفيل المصري - . أنا ركبت M11 صيني مع صديق لي في المصنع، و تقفيل الصيني أحسن من المصري، دا غير اني مش فاهم ازاي عربية تطلع من المصنع بدون معاينة نهائية PDI Check إلي هو كشف ما قبل التسليم، المفروض لو في أي عيب في السيارة قبل خروجها من المصنع ترجع تاني... العيوب إلي في الإمجراند دي مش منطقية و زي ما حضرتك شايف كل واحد بيطلعله مشاكل شكل... المهم إن باندا لو نزلت إن شاء الله تاني تبقي تقفيل صيني :)

[khaledccie]

واضح انك غاوى العربيات الصينى

انا مش ضدها لكن عيوبها كثيرة والتوكيلات الخاصة بها غالبيتها تحس انها فاتحة تحت السلم
وبتجيب كام عربية وتبيعهم وتقفل وتوكيل تانى يجى
والعميل ولا بيلاقى خدمة ولا قطع غيار - ماعدا توكيل اسبيرنزا وbyd

وبما انك عندك جيلى باندا اية رايك فيها كعربية واية هى مشاكلها برايك

وشكرا

[kito]

واضح انك غاوى العربيات الصينى

انا مش ضدها لكن عيوبها كثيرة والتوكيلات الخاصة بها غالبيتها تحس انها فاتحة تحت السلم
وبتجيب كام عربية وتبيعهم وتقفل وتوكيل تانى يجى
والعميل ولا بيلاقى خدمة ولا قطع غيار - ماعدا توكيل اسبيرنزا وbyd

وبما انك عندك جيلى باندا اية رايك فيها كعربية واية هى مشاكلها برايك

وشكرا

أنا شاريها مستعملة و عامل بيها ١٢ ألف كم لحد دلوقتي، عربية جميلة إستهلاك بنزين فرق معايا عن M11 أكيد، تكيف حلو و العربية معملتش معايا أي مشاكل لحد دلوقتي... عيبها انها واطية و بتحك في المطبات العادية حتي... علي فكرة في صفحة لغبور علي فيسبوك بس غير رسمية خاصة بالعاملين غالباً في جيلي غبور و كاتبين إن باندا هتنزل تحت مسمي جديد وكاتبين الأسعار كمان

Pandino 1.3 GB 63,000
Pandino 1.3 GL 68,000
Pandino 1.5 GB 75,000
Pandino 1.5 GL 79,000
X Pandino GL 86,000

باندينو هي باندا العادية، و أكس باندينو هي باندا كروس المفروض

[khaledccie]

انا فعلا سمعت الكلام دة من مدير المبيعات في لقاء لية
انهم هينزلوا الموديلات دية قريب

بس لما دورت على الانترنت مش لاقى حاجة بالاسماء دية

بصراحة انا اللى عجبنى في العربية دية شكلها وسعرها
مع انى مش عارف انى هتعب بعد كدة في الصيانة وقطع الغيار والبيع

وشكرا لاهتمامك