حكايتى مع الايمجراند7 (الايمخ.....) أنا اسف الجزء الثانى

[momken61]

السلام عليكم ورحمة الله وبركاته

انا بصراحة مش عارف أقول ايه غير حسبى الله ونعم الوكيل
اتفضلوا الجديد بقا ووالله اللى مشيتوا بالعربية 330كيلو انا متعود انى افتح كبوت العربية وابص على زيت المحرك وعلى زيت الباور والفرامل ومياه التبريد لاحظت انى مياه التبريد بتقل كانت فوق علامة (Max) لاقتها عند (Min) استغربت دورت العربية وقلت اشوف التسريب منين وزودت بنزين لاقيت المياه بتنقط من القطعة الفيبر اللى تحت غطاء الريداتير واتصلت بالتوكيل قالولى هات العربية حضرتك نغير الريداتير بالله عليكم اعمل ايه انا اشتريت العربية دى علشان كل شوية اوديها التوكيل يغيرو حاجة اسيب شغلى وحياتى وافضل رايح جاى على التوكيل هوة سعادته شايفنى فاضى فبيسلينى حسبى الله ونعم الوكيل

[M I D O]

معلش يا باشا و الحمد لله انك بتشيك علي العربية علي طول و العيب الي حصل دة وارد في اي عربية بس يمكن حظ حضرتك الي وحش شوية والمشكلة جات في ديل المشكلة الاولي بس روح معلش وغيرة و استحمل لحد صيانة الالف وفيها دون كل ملاحظاتك وخليهم يعملوها ويشيكو علي العربية

[dr.hazem]

ممممم
واضح ان غبور لسا قدامه كتير...
تحياتي

Sent from my LT18i using Forum Runner

[M I D O]

حضرتك معلش سؤال خارج الموضوع بس ممكن اعرف معني كلمة ( الايمخ ) الي مكتوبة في عنوان الموضوع

[momken61]

بتريق على اسم العربية المفروض يبقى اسمها الايم كخ

[gamal saad]

معلش عسى أن يكون فيها الخير كلة وترجع حضرتك تتفائل وتسعد أنك وفقت فى أختيارك لها ولعلم حضرتك فى سيارات كتير جدا وماركات غالية ومشهورة جدا وبيحصل فيها وبكل أمانة أكثر من ذلك ومش هتصدق أن سيارة أوكتافيا مثلا بعد 11000 كيلو متر موتورها يضرب من حالة ومش بسب نقص زيت ولا مياة

[p r i n c e]

ا ش ا بعد صيانة الألف كل حاجة تتظبط و تبقى تمام
متدايقش نفسك

[بوعبدالرحمن]

السلام عليكم
كنت افكر اشريها لكن الحين بيعد النظر في سياره اخر من تايوتا

[M I D O]

السلام عليكم
كنت افكر اشريها لكن الحين بيعد النظر في سياره اخر من تايوتا

للاسف رغم جمال العربية الواحد بدء يفكر يصرف نظر عنها

[Mohab555]

العربيه للاسف مشاكلها كتير لحد دلوقتى ... و ده شىء مش كويس بالمره
وهتضرب مبيعاتها اكيد ... و استحاله توصل للمبيعات الفيرنا
غبور ضيع نفسه لما مدورش على بديل هيونداى يحل مكان الفيرنا

[emgrandawy]

العربيه للاسف مشاكلها كتير لحد دلوقتى ... و ده شىء مش كويس بالمره
وهتضرب مبيعاتها اكيد ... و استحاله توصل للمبيعات الفيرنا
غبور ضيع نفسه لما مدورش على بديل هيونداى يحل مكان الفيرنا

نفسي اعرف فين المشاكل الكتير اللى بتتكلموا عنها دي
اظن ان كلها مشاكل بسيطة وبتتحل مجرد زيارة للصيانة ولازم اي شئ فى اوله بيكون مش مظبط 100%
اكيد هيتعلم من اخطائه البسيطه دي والعربيه هتقق نجاح وانتشار كاسح وبكرة افكركم بس ساعتها هتكون
اكيد حاسس بندم انك حكمت بدون تجربه وعلى فكرة فى مشاكل تقفيل بس مش عيوب جوهرية مثلا تؤدي الى حوادث لا قدر الله وكلها بتتحل الناس اغلبها بتطلع مبسوطين من صيانة الالف وراضيين عن العربيه قليل جدا الغير راضي عن الوكيل وده من قلة خبرتهم بس اكيد الخبرة دى بتزيد يزم عن يوم فى الصيانه وفى التقفيل والصناعة

[momken61]

السلام عليكم

انا عايز اقول لحضرتك انا اول ما استلمت العربية عطلت منى واترفعت على التوكيل بسبب البطارية كانت تالفة وغيروها ببطارية 55 امبير فى حين ان اللى كانت راكبة فيها 70أمبير وقلتلهم قالولى مش فارقة ممكن تقولى يعنى ايه الكلام دة لو هيه مش فارقة كان يبقى لكل العربيات بطارية واحدة
تانى حاجة حصلت فى العربية الريداتير كان مخروم ورحت غيرته بس طلع مخروم تانى ورحت غيرته بعد شكاوا وخناقات وكل دة فى 3 اسابيع بالله عليك فى كدة فى الدنيا

[midooo_119]

السلام عليكم

انا عايز اقول لحضرتك انا اول ما استلمت العربية عطلت منى واترفعت على التوكيل بسبب البطارية كانت تالفة وغيروها ببطارية 55 امبير فى حين ان اللى كانت راكبة فيها 70أمبير وقلتلهم قالولى مش فارقة ممكن تقولى يعنى ايه الكلام دة لو هيه مش فارقة كان يبقى لكل العربيات بطارية واحدة
تانى حاجة حصلت فى العربية الريداتير كان مخروم ورحت غيرته بس طلع مخروم تانى ورحت غيرته بعد شكاوا وخناقات وكل دة فى 3 اسابيع بالله عليك فى كدة فى الدنيا

طبعا انا عارف معنى اشترى عربيه زيرو و يطلع فيها مشكله لكن نكلم بالمنطق مشكله البطاريه ديه مش مشكله عربيه او تصنيع اما مشكله الردياتير فدى حاجه مش منتشرة فكل الامجراند و ان كان نصيب حضرتك كده فده مش معناه ان كل الامجراند وحش تخيل حضرتك شارى جيتا او باسات و يطلع عندك مشكله فالفتيس تغيره ب 40 الف جنيه قولى بقى هتعمل ايه

[sameh.elsakka]

السلام عليكم

انا عايز اقول لحضرتك انا اول ما استلمت العربية عطلت منى واترفعت على التوكيل بسبب البطارية كانت تالفة وغيروها ببطارية 55 امبير فى حين ان اللى كانت راكبة فيها 70أمبير وقلتلهم قالولى مش فارقة ممكن تقولى يعنى ايه الكلام دة لو هيه مش فارقة كان يبقى لكل العربيات بطارية واحدة
تانى حاجة حصلت فى العربية الريداتير كان مخروم ورحت غيرته بس طلع مخروم تانى ورحت غيرته بعد شكاوا وخناقات وكل دة فى 3 اسابيع بالله عليك فى كدة فى الدنيا

السلام عليكم

بالنسبة لموضوع البطارية هل اللي كانت راكبة سايلة و بعد كده غيروها بجافة لان لو ده اللي حصل فا دا طبيعي لان فعلا السبعين امبير في السايلة بيوزيها الخمسة و خمسين امبير في الجافة و ممكن حضرتك تتأكد من الموضوع دا من خلال انك تسأل تجار البطاريات كلهم قلولي كده لان كنت بسأل علي الجافة عشان انا مقلق من البطارية السايلة و عايز اغيرها ,غير ان ليها مشاكل كثير و لازم تعملها صيانة كل شهر و مرة واحدة تلاقيها باظت بدون اي مقدمات