حكايتى مع الايمجراند7 الجزء الثالث

[momken61]

السلام عليكم ورحمة الله وبركاتة
ذهبت لتوكيل جيلى ايمجراند السبت 8-6-2013 الساعة العاشرة صباحاً لتغيير الريداتير استلمت العربية الساعة خمسة ونصف مساءاً وفى صباح اليوم الاحد بعد ما ذهبت الى العمل قلت ابص على الريداتير الجديد لاقيت فى شرخ برضو والمياه بتنقص ولاقيت قطعة البلاستيك اللى داخل فيها الخرطوم اللى جاى من القربة ملزوق بأمير اقسم بالله ده حصل انا اتخنقت من التوكيل دة والعربية انا مش عارف اعمل ايه حسبى الله ونعم الوكيل
اللهم انى اشكو اليك ضعف قوتى و قلة حيلتى و هوانى على الناس

[momken61]

انا مش عارف اعمل ايه اعمل محضر فى القسم وارفع قضية بيعطلونى وبيخسرونى وبيخسرو صحاب العمل اللى باعمل عندهم علشان الشغل بيتعطل المشاوير اللى اتعملت بالعربية كلها للتوكيل علشان يغيروا حاجتهم البايظة

[M I D O]

كلم التوكيل تاني و وهددهم انك هتعمل شكوي في حماية المستهلك خصوصا ان العربية مكملتش 1000 كيلو و حماية المستهلك هيخليهم يغرولك العربية كلها ورجلهم فوق رقبتهم

[M I D O]

ياريت تنضم لجروب الامجراند علي الفيس بوك وهناك اكتب كل المشاكل الي قابلتك وعلي فكرة في هناك ناس كتير شغالين في جيلي غبور وممكن حد يساعدك https://www.facebook.com/groups/280676828710705/

[khaabas]

اتصل على 16101 وسجل شكوى حالا

[momken61]

عملت 3 شكاوى فى 16101 و 16744 وشكوى فى حماية المستهلك ولا حياة لمن تنادى

[aboamina]

ما ضاع حق وراءه مطالب....اياك تسيب حقك

[Ultramisho]

بجد انا بازعل على واحد دفع فلوس واشترى عربية زيرو علشان يرتاح من التصليح والمفروض انه يعمل صيانة وخلاص وبعدين يطلع عينه كده على عيوب في العربية نتيجة للاهمال الشديد

بس معلش ماحدش من ملاك الصيني يزعل مني هو الصيني كده عيوب تقفيل عبيطة واخطاء في التصنيع احيانا وبعد ده كله عدم اعتمادية وعمر قصير وده لسه هيبان في العربية دي لانها جديدة - يارب ما يبان حاجة بس ده احساسي واتمنى يكون غلط - لكنه معروف العمر القصير في الاسبرانزا مثلا، وبعدين ختامها طبيعي سعر اعادة بيع مش حلو

علشان كده كتير بيبعدوا عن الصيني رغم رخصه والاوبشنز بتاعه كتير، وناس كتير بتهاجم الصيني علشان كده وطبعا ملاكه بيزعلوا وبيقولوا عقدة الصيني وان المستقبل له بس للاسف انا مش حاسس بكده

يعني غبور مش هاين عليه يعمل غطا التانك مش فبر بدل ما بيتكسر، مش هاين عليه يدهن وش تاني للدوكو مش هاين عليه يلزق المرايا كويس ماشي، لكن كمان رادياتير مخروم يغيره بواحد زيه علشان مايغرمش تمن واحد جديد ده على اساس ان الزبون هيزهق يعني ويروح يشتري واحد على حسابه ! لا لا لا ارجو انك لا تترك حقك وترجعلهم تهللهم لان الذوق في الموقف ده مالوش موضع للاسف

اعانكم الله
اخوكم

[engherc]

باشا ، شوف مكانهم فين و روح تابع الشكوى بنفسك عشان تحمي نفسك و غيرك من النصب ده و روح أعملهم فضيحة في المعارض بتاعتهم

[mohamed1979]

ربنا يكون فى عونك
خلى بالك و انت بتفتح الكبوت واحده واحده عليه علشان اتكسر فى ايدى فى عربيه واحد صاحبى و اتضح انه مغيره قبل كده