تقريرى عن ايمى بعد 2000 كم

[midooo_119]

بسم الله الرحمن الرحيم

كل سنه و انتوا طيبين و رمضان كريم و بعوده الايام .. دلوقتى ايمى عملت 2000 كم فشهرين استخدام لانى مش بتحرك بيها كتير و كلها كانت مشاوير مفيش سفر ..

اولا العيوب:-
الباور وانت واقف بالعربيه بحسه انه تقيل شوية لكن وانت ماشى ممتاز و فالجرى مش خفيف يعنى بتبقى مطمن هو الباور زيت عالفكرة مش كهربا و ديه ميزة

لازال صوت علبه الشكمان الى فالنص عالى و مضايقنى بس دى مشكله الشكمان المصرى التعبان الى فيها مش ذنب العربيه لكنه عيب مخلى صوت العربيه عالى

الكاسيت تعبان و مالوش اى تلاتين لازمه و السماعات الى ورا فاشله 20 وات من جولدى

واضح ان الدهان فعلا خفيف اوى كان موتوسيكل حكنى من الاكصدام الى ورا لاقيتها اتخدشت و باينه و اكتر من حد اشتكى من نفس النقطه

اخر حاجه كان عندى عيب حصل معايا كذا مرة لما ادور العربيه و هى بارده كان مؤشر حرارة الموتور يفضل يطلع لغايه الشرطه الى قبل الاخيرة و يفضل كده شويه و بعدين ينزل لما روحت التوكيل قالولى دى الترموستات بايظه و لازم تتغير (ادى اول صدمه) و كانت لسه العربيه ماجبتش الف كم قلتلهم تمام نغيرها قالولى هنبعت نجيبها من الصين خلال اسبوعين و هنبقى نكلمك (الصدمه التانيه) و ماشى من غير ترموستات بس مش ماثر كتير لكن العربيه بتاخد وقت على ماتسخن و طبعا استهلاك البنزين اعلى بس مش اوى

ثانيا المميزات بقى حدث و لا حرج:-
السحب الى بقى حاجه جامده اوى ماشاء الله خاصه بعد صيانه الالف و جيبت بيها 150 عالمحور بسهولة

العربيه واسعه جدا وكذلك الشنطه و الشكل الخارجى وهم ما شاء الله و عاليه عن الارض

الفرامل حدث و لا حرج و دى اكتر حاجه حاببها فالعربيه بتقف فاقل مسافه فاقل وقت باقل مجهود منك و كمان بتقف بهدوء مش بتكفى عالوشك لا عادى كانك بتهدى حتى لو بتدوس جامد

الانوار كويسه سواء الوسط او العالى و المرايات الجانبيه مغطيه مساحه كبيرة و كذلك مرايه الصالون و ظهر العربيه العالى مش ماثر فالرؤيه

السنسور كويس اوى و عملى و صوته معقول بس لو مشغل الكاسيت لازم توطيه عشان تسمعه

العزل بتاعها جامد جدا انت جوه مش سامع حاجه و مفيش هوا بيدخلك

التكييف اداؤه اتحسن مع الوقت (من قبل صيانه الالف) و بيسقع جامد و فالصيانه عملوا الهوايات الى كانت بتدخل هوا سخن

الكراسى بقت افضل و مريحه او انا اتعودت عليها لكن فكل الاحوال مش بشتكى منها

العفشه ما شاء الله كويسه ساعات بتبقى ناشفه وساعات بتبقى طريه حسب الطريق والهوا فالكاوتش و كان صاحبى معاه رينو سانديرو ساق عربيتى قالى عفشتك احسن من عندى

اخر ملاحظتين ان الحمد لله فبره التنك عندى ماكسرتش و ده عشان كل ما اروح بنزينه انا الى بنزل اقفله بايدى تانى حاجه ان لمبه تشيك انجين منورتش عندى و ربنا يسترها

فنهاية التقرير انطباعى عن العربيه بيبقى بناء على امكانياتها و مشاكلها على سعرها و انا شايف انها حاجات ممكن تكون مش بسيطه اوى لكن ماتزعلش اوى يعنى مش مثلا فتيس فيه مشكله او دورة تبريد بايظه الحمد لله العربيه مشاكلها فالمعقول و لازلت انصح اى حد بيفكر يجيب عربيه فحدود ال85 الف انصحه بالامجراند7 لانها فعلا اعلى اوبشن فالفئه السعريه ديه ومش هيندم

و كل سنه وانتوا طيبين

[M I D O]

تقرير ممتااااااااااااز تسلم علية و حضرتك كل شوية بتخليني اعيد التفكير و المقارنة بينها وبين الام 11 بس لو غبور يظبط الكمبريسور و الدهان الي هما المشكلتين الي في نظري كبار هتبقي عربية وهم وطبعا يوقف سعرها مش كل شوية يغلي وربنا يباركلك فيها ويعطيك خيرها ويكفيك شرها

[midooo_119]

تقرير ممتااااااااااااز تسلم علية و حضرتك كل شوية بتخليني اعيد التفكير و المقارنة بينها وبين الام 11 بس لو غبور يظبط الكمبريسور و الدهان الي هما المشكلتين الي في نظري كبار هتبقي عربية وهم وطبعا يوقف سعرها مش كل شوية يغلي وربنا يباركلك فيها ويعطيك خيرها ويكفيك شرها

موضوع الدهان ده فعلا مشكله اما التكييف هو كويس جدا وان شاء الله تقرر قريب هتجيب ايه بس خلى بالك ايمى سعرها فازدياد

[M I D O]

موضوع الدهان ده فعلا مشكله اما التكييف هو كويس جدا وان شاء الله تقرر قريب هتجيب ايه بس خلى بالك ايمى سعرها فازدياد

التكييف ناس بتشكر فية وناس بتلعن فية و ناس كتير قالت ان الكمبريسور من نوع ردئ ودي مشكلة و الامجراند هتوصل ل 85 الف علي اخر السنة ودة توقعي الشخصي بس ياتري هتفضل تغلي و العيوب الي فيها زي ما هية ولا هيصلحو العيوب دي في الدفعات القادمة

[lanos_nissan]

ربنا يكرمك بيها

[lanos_nissan]

اتمني متحرمناش من تقريرك عنا مع الوقت للا
اهميه

[bassam92]

انا عندى فيرنا 2013 والدهان فيها بردو ضعيف جدا

[midooo_119]

اتمني متحرمناش من تقريرك عنا مع الوقت للا
اهميه

ان شاء الله حاضر

انا عندى فيرنا 2013 والدهان فيها بردو ضعيف جدا

واضح ان غبور بيسترخص

[hugan]

عايز اعلق بخصوص الدهان
وهو ان تقريبا كل العربيات المجمعه في مصر دهانها خفيف جدا
سواء صيني او حتي ياباني
زي النيسان صني مثلا
كل الوكلاء بيوفروا في تكاليف انتاج العربيات المجمعه محليا
لكن الاميجراند تستاهل ثمنها
عربيه نجحت في وقت قصير جدا
وقضت علي منافسها الكبير
اسبرانزا اينفي

[M I D O]

عايز اعلق بخصوص الدهان
وهو ان تقريبا كل العربيات المجمعه في مصر دهانها خفيف جدا
سواء صيني او حتي ياباني
زي النيسان صني مثلا
كل الوكلاء بيوفروا في تكاليف انتاج العربيات المجمعه محليا
لكن الاميجراند تستاهل ثمنها
عربيه نجحت في وقت قصير جدا
وقضت علي منافسها الكبير
اسبرانزا اينفي

للاسف مكانش في منافسة اصلا بين الامجراند و انفي والسبب في كدة ابوالفتوح انة وقف انتاج كل عربياتة فترة والناس فكرت انة بيخلص وهيخلع وفي المقابل غبور باسمة وسمعتة في السوق وموضوع ال 5 سنين ضمان دة الي اكتشفنا بعدين انة علي المحرك و الفتيس بس و الاعلانات الي في كل حتة روش الناس خلي الناس كلها تتجة للامجراند و ناس كتير بقت خايفة من ابوالفتوح لانة اوقف انتاج العربيات فترة وموضوع انة بيخلص وهيخلع دة قلق الناس شوية وكمان معملش دعاية كافية عن الانفي تخلي الناس تتعرف عليها و ابوالفتوح لو ملحقش نفسة ونزل الموديلات الي اتوقفت من اسبرانزا ام 11 و 12 و الاهم منهم الاسبرانزا a516 يبقي كدة ابوالفتوح بيقضي علي نفسة خصوصا انة وقف ال 516 من اجل عيون الانفي الي مباعتش خالص الا قليل اوي ولازم يرجع ال 516 تاني

[hugan]

للاسف مكانش في منافسة اصلا بين الامجراند و انفي والسبب في كدة ابوالفتوح انة وقف انتاج كل عربياتة فترة والناس فكرت انة بيخلص وهيخلع وفي المقابل غبور باسمة وسمعتة في السوق وموضوع ال 5 سنين ضمان دة الي اكتشفنا بعدين انة علي المحرك و الفتيس بس و الاعلانات الي في كل حتة روش الناس خلي الناس كلها تتجة للامجراند و ناس كتير بقت خايفة من ابوالفتوح لانة اوقف انتاج العربيات فترة وموضوع انة بيخلص وهيخلع دة قلق الناس شوية وكمان معملش دعاية كافية عن الانفي تخلي الناس تتعرف عليها و ابوالفتوح لو ملحقش نفسة ونزل الموديلات الي اتوقفت من اسبرانزا ام 11 و 12 و الاهم منهم الاسبرانزا a516 يبقي كدة ابوالفتوح بيقضي علي نفسة خصوصا انة وقف ال 516 من اجل عيون الانفي الي مباعتش خالص الا قليل اوي ولازم يرجع ال 516 تاني

كلامك سليم يا ميدو
غباء ابو الفتوح في ايقاف انتاج ال 516 هو اللي خرب بيته
كان يقدر يسوق الانفي بجوار ال 516
لو كانت شغاله لسه في السوق
لكنه يظهر اشتري الترماي لما وقف انتاج ال 516 علشان الانفي

[bassem.naguib]

تقرير جيد وحيادي يا أبو حميد .. أشكرك عليه .. وفي انتظار المزيد من انطبعاتك عنها كل فترة .

بس يا ريت تحط مع أي تفويله كدة عبوة بوستر أوكتان (مش أنجكشن كلينر) وتقولنا السحب بقى أخباره أيه .

وربنا يباركلك فيها ويكفيك شرها .

[M I D O]

كلامك سليم يا ميدو
غباء ابو الفتوح في ايقاف انتاج ال 516 هو اللي خرب بيته
كان يقدر يسوق الانفي بجوار ال 516
لو كانت شغاله لسه في السوق
لكنه يظهر اشتري الترماي لما وقف انتاج ال 516 علشان الانفي

ابوالفتوح خاطر وقال اوقف انتاج ال 516 وانزل الانفي الشكل الجديد لل 516 بشوية كماليات زيادة وسعة محرك اقل وبسعر اعلي وفي المجمل الربح بتاعة هيكون اكبر بكتير لاكن الي معملش حسلبة علية ان غبور اخد توكيل جيلي ونزلة عربية في نفس الفئة السعرية وكمان واخدة 4 نجوم في اختبار السلامة و الامان ولو لاحظت ان الامجراند وصلت في الاول 85 الف وبمجرد طرح الانفي في السوق نزلت ل 82 ونص وبعدين علي طول 80 ودة دليل ان غبور كان خايف من ابوالفتوح وتوقع ان الانفي هتبقي منافس قوي في ظل وجود اسبرانزا في السوق من 7 سنين تقريبا و اسمها الجيد في سوق السيارات الصيني لاكن بمجرد ان غبور لاحظ عدم بيع الانفي غلي العربية ووصلت 81 وبعدين 83 وعلي اخر السنة في توقعي الشخصي هترجع 85 الف و الانفي مازالت هتخسر ومش هتبيع وحل ابوالفتوح الوحيد انة يخفض سعرها عشان الناس تتجة ليها وتسيب الامجراند ويبدء يرجع ثقة المستهلك في اسبرانزا من جديد

[S O P H O S]

ما شاء الله
ربنا يبارك ..