بخصول لمبة الـ check engine

[M.Al-Hefnawy]

امبارح قولت ابص على قربة الميه لأني ما كنتش بصيت عليها من يوم ما جبت العربية من أسبوعين ... كانت لمبة check نورت عندي والعربية ما كانتش كملت 150 كم ... المهم بصيت على الميه وقولت افصل كابل البطارية واراجع على الفيش الموجودة ... فصلت كابل البطارية اللي على الشمال وبعدين فكيت الفيشة الخلفية (في الصورة) وركبتها تاني وضغطت على فيشة موجودة في الأمام ورا الردياتير ... ورجعت كابل البطارية تاني وربطت الصمولة ... ودورت العربية لاقيت اللمبة طفت.

الملاحظ كده يا جماعة إن لمبة ال check ما لهاش علاقة بالبنزين زي ما التوكيل بيقول للعملاء دا نتيجة فيشة مش راكبة كويس أو ممكن تكون الريش الداخلية بتاعتها مش ملمسة كويس ولما تضغط عليها أو تشيلها وتركبها ... الامور بترجع لطبيعتها واللمبة تطفي ... أتمنى أكون أفدتكم ويا ريت لو حد جربها يقولي النتيجة.

[M I D O]

اللمبة دي محدش عارف سببها اية لحد دلوقتي التوكيل بيقول بنزين وناس تقول من الشكمان لو اتخبط في مطب وناس تقول عشان البنزين 92 و الموصي بية اقل حاجة 93 محدش عارف و عموما التوكيل بيقولو نزل سوفت وير جديد بيعدل العربية لبنزين 92 عشان متنورش غير في الطوارئ بس وربنا يحفظلك العربية يا باشا ومقلتلناش عاملة معاك اية و السحب و التكييف اخبارهم اية

[M.Al-Hefnawy]

العربية سحبها ممتاز ... التكييف: الكمبروسور بتاعه بيفصل على فترات قصيرة ... اللي لاحظتة لما بتبقى فتحات التكييف متوجهة على الوجه بردو بيخرج هوا التكييف من الدواسات ...اعتقد دي محتاجة تظبيط

[M I D O]

هوة عيب العربية دي التكييف من نوع ردئ

[midooo_119]

اللمبه بتنور عشان مشكله فحساس الشكمان و غالبا اللمبه هتنور تانى عند حضرتك

[omar_rizk]

امبارح قولت ابص على قربة الميه لأني ما كنتش بصيت عليها من يوم ما جبت العربية من أسبوعين ... كانت لمبة check نورت عندي والعربية ما كانتش كملت 150 كم ... المهم بصيت على الميه وقولت افصل كابل البطارية واراجع على الفيش الموجودة ... فصلت كابل البطارية اللي على الشمال وبعدين فكيت الفيشة الخلفية (في الصورة) وركبتها تاني وضغطت على فيشة موجودة في الأمام ورا الردياتير ... ورجعت كابل البطارية تاني وربطت الصمولة ... ودورت العربية لاقيت اللمبة طفت.

الملاحظ كده يا جماعة إن لمبة ال check ما لهاش علاقة بالبنزين زي ما التوكيل بيقول للعملاء دا نتيجة فيشة مش راكبة كويس أو ممكن تكون الريش الداخلية بتاعتها مش ملمسة كويس ولما تضغط عليها أو تشيلها وتركبها ... الامور بترجع لطبيعتها واللمبة تطفي ... أتمنى أكون أفدتكم ويا ريت لو حد جربها يقولي النتيجة.

انا ملاحظ ان مايه الردادير بتاعتك حمرا وانا عندي لونها ازرق وفيه ناس غالبا احمر ....هل فيه فرق بينهم مع العلم اني اعرف ان لون المايه بيختلف باختلاف نوع ماده الردادير سواء كان المونيوم او نحاس .... برجاء التوضيح؟؟؟

[M.Al-Hefnawy]

انا ملاحظ ان مايه الردادير بتاعتك حمرا وانا عندي لونها ازرق وفيه ناس غالبا احمر ....هل فيه فرق بينهم مع العلم اني اعرف ان لون المايه بيختلف باختلاف نوع ماده الردادير سواء كان المونيوم او نحاس .... برجاء التوضيح؟؟؟

لأ انا الميه عندي زرقا بردو ... الصورة دي من الإنترنت وانا حاطط علامة على أماكن الفيش بس