معلش أستحملونى شوية

[adel_edrees]

أنا واحد من الناس مش بأحب أركب ألا السيارة الأوربية يعنى لا أمريكانى و لا يابانى و لا كورى و طبعا أكيدد مش صينى لكن على مدار 25 سنة من القيادة من أول البيجو ال 304 و ال 504 و ال 305 و ال 505 و الفيات بجميع أنواعها 128 125 132 على فكرة أنا ركبت عربية قليل جدا اللى ركبوها فى مصر و مش حتصدقوا أيه هى و كانت أوروبى طبعا السيارة المعجزة ترابانت ألمانيا الشرقية و الشاهين واللادا و الجولف و الرينو لوجان و أخيرا الرينو فلوانس عايز أقول حاجة لكل مالكى الأمجراند أو اللى عايزين يشتروها أنا على فكرة أخر مرة حأخش فيها المنتدى ده و أرجو أن ما حدش يزعل منى ممكن أسأل سؤال هو غبور ساب العربية مفتوحة من تحت ليه يعنى مافيش أى حاجة تغطى الموتور من تحت ليه الأجابة أن العربية دى نزلت فى العراق و ماأدراك ما الحرارة هناك عالية جدا و النتيجة شكوى عامة من أن العربية بتسخن جامد جدا طيب الحل فى موضوع السخونة أيه أنن أشوف حل و ألا أننا أعرى العربية من تحت (فهلوة المصريين ) هما فى العراق غيروا الترموستات و المراوح الداو نظام التبريد بالكامل أتعدل و رغم ذلك المشكلة ما زالت قائمة و لكن بدرجة أقل هل يدى ده شعور بالأرتياح للعربية أن أنا أتغلب على مشكلة الحرارة بأننا أفتح العربية من تحت على طريقة سمير غانم فى مسرحية المتزوجون بافتح لقيت بتاعة حمرا مالهاش لازمة روحت رميها
العربية دى أى حد لازم يصبرشوية و يشوف عيوبها هى عموما عند واحد زميلى وبيقول أن العربية كويسة جدا معاها لكن طبعا أحنا كمصريين لايمكن نتقبل فكرة ااننا أتضحك علينا وتقبل الرأى و الرأى الأخر و شكرا

[M I D O]

حضرتك رأيك يحترم جدا وانا اول مرة اسمع حاجة زي دي ومعلومة عن العربية من تحت تكون مقفولة او مفتوحة بصراحة بس لو دي فعلا مشكلة يبقي هوة قالك عشان المشاكل ووجع الدماغ افتحها من تحت عشان التهوية في الشارع طول ما هية ماشية تبردها ودة الممكن لاكني برضو ماعرفش حوار العربية من تحت المحرك بتكون مقفولة او مفتوحة دة وجاري البحث عن الموضوع دة في موديلات تانية

[aw2100]

اعتقد ان فتح العربية من تحت لايؤثر فى زياده التبريد من عدمه المهم فى التبريد كبر فتحات الشبكة الأمامية والاكصدام وكبر حجم الرادياتير ده اللى بيزود تبريد الموتور ؟؟؟؟

[dedi]

رايك يحترم يا استاذ عادل وانا اول مرة اسمعة بس كل شئ متوقع من غبور و فى انتظار راى الناس التى عندها معلومة
انا باتعجب على كم المشاكل التى ظهرت فيها وفقا لارقام المبيعات و اغلبها مشاكل مكررة و كثيرة لا يمكن السكوت عليها

[dr.hazem]

بالنسبالي الكلام ده ضرب من الخيال لا.معنى له لانه مش هيفرق مع العربيه فحاجه...
اي عربيه من تحت ممكن يكون فيها كرتيرات مانعه للوحل وممكن لا...
بالنسبه للعراق فهي اقل حرارة من السعوديه ومسمعنااش حد اشتكى بل اني شفت ناس نازله بيها الاردن من السعوديه....
من الاخر ولا يمكن اقتنع بالكلام ده....
تحياتي

Sent from my Xperia Arc S using Forum Runner

[M I D O]

في فعلا شكوي في السعودية من ارتفاع حرارة السيارة و التوكيل عندهم كأي توكيل محترم بعت لكل ملاك العربية وحددلهم ايام عشان يروحو يصلحو العيب الموجود في تروميستات الحرارة ببلاش

[midooo_119]

هو التبريد بيبقى من تحت ؟؟ حضرتك ركبت كل العربيات ديه و مش عارف التبريد بييقى ازاى؟؟ارحمنا يارب عالعموم هى عربيه بنت ستين فسبعين خليك بفى فالاروبى الى انت اصلا مش فاهم الموتور فيه بيبرد ازاى

[M I D O]

بصراحة انا بحثت في كذا ماركة .. بروتون . اسبرانزا . هيونداي .. ومش لاقي فيهم عربية مقفولة من تحت ومش فاهم حضرتك تقصد اية كدة العربية طبيعية ومفيهاش حاجة زي باقي العربيات تقريبا فين المشكلة بقي ؟؟

[midooo_119]

هو حب يجود فالعيوب بس جه يكحلها عماها

[adel_edrees]

هو التبريد بيبقى من تحت ؟؟ حضرتك ركبت كل العربيات ديه و مش عارف التبريد بييقى ازاى؟؟ارحمنا يارب عالعموم هى عربيه بنت ستين فسبعين خليك بفى فالاروبى الى انت اصلا مش فاهم الموتور فيه بيبرد ازاى

على فكرة طريقة رد حضرتك بتأكد كلامى أننا نفتقد الحوار و الرأى الأخر , بعدين حضرتك بتتريق على فى موضوع الأوروبى أنا ما أتريقتش على حد فى أى حاجة و لم أسئ الى السيارة الأيمجراند و لكن طلبت من الناس اللى عايزين يشتروا أن يتمهلوا حتى نعرف ايه أصل الحكاية أنت شارى عربية فى حدود 70000 أو 80000 معنى كده أنك مش شاريها مغامرة و لا فانتازيا ده كل واحد فينا حط تحويشة العمر و أستلف يعنى الموضوع مش ناقص يعنى مثلا تقوللى أن السعودية درجة الحرارة فيها أعلى من العراق زى ما واحدمن الزملاء الأفاضل كان كاتب و أنا قولت العراق تحديدا لأنها نزلت هناك بموتور 1500 زى اللى نازل هنا الحاجة التانية لو حضرتك قريت أنا كتبت أيه كويس فى موضوع انهم عالجوا موضوع الحرارة ده أزاى أنهم شالوا الترموستات و ركبوا مراوح أكبر و غيروا نظان التبريد يبقى معنى كده أننا مش باقول ان نظام التبؤيد من تحت الموتور و ترك الموتور مفتوح من الأسفل قد يساهم فى تخفيف حرارة الموتور لأن فى دورة هواء على جسم السيارة بالكامل يعنى أحنا مثلا لو قفلنا جسم العربية من تحت بالكامل الموتور مش حيسخن أنا أول ما روحت شوفت الأييمجراند و لقيتها من تحت مكشوفة كده سألت المهندس فى معرض المهندسين و قولت له أيه الموضوع ده العربية حتنزل كده و لا أنتوا حطين دى عينة رد عليا بكل أمانة ووضوح العربية حتنزل كده وده اللى خلانى ربط بين أن العربية بتسخن فى العراق و أنه شال الكارتيرات من تحت العربية المقصود من كلامى أننا نتمهل فى الشراء ما يمكن العربية تطلع فعلا حلوة و ساعتها كل واحد كا ن بيشكك فى العربية حيقول ياريتنى كنت جبتها بس لما ينزل يشتريها و هو عارف كويس جدا ان العربية تمام أو ان مشاكلها فى حدود المقبول و المعروف أكيد ساعتها مش ح تبقى مغامرة و أنا بأعتذر أذا كنت ضايقت حد بأكرر أسفى و أعتذارى

[adel_edrees]

هو التبريد بيبقى من تحت ؟؟ حضرتك ركبت كل العربيات ديه و مش عارف التبريد بييقى ازاى؟؟ارحمنا يارب عالعموم هى عربيه بنت ستين فسبعين خليك بفى فالاروبى الى انت اصلا مش فاهم الموتور فيه بيبرد ازاى

نسيت أقول لحضرتك حاجة رد حضرتك رد يحمل كثير من الأستخفاف و المهانة و اذا كنت بتتعامل كده فى حياتك مع ناس تعرفهم ويعرفوك فبلاش الأسلوب ده مع ناس ما تعرفهمش ودى نصيحة من أخ أكبر أنا عندى 44 سنة و عمرى ما كلمت حد بالطريقة دى أرحمنا يارب يرحمك من أيه أصلا أنا ما و جهت لكش كلام وزى ما أنا قريت أن حضرتك منسق قسم جيلى يعنى المفروض لو حد دخل و لقى الكلام بالأسلوب الجارح ده مش حيخش تانى عربيه بنت ستين فسبعين ليه الطريقة دى فى الكلام خليك بفى فالاروبى الى انت اصلا مش فاهم الموتور فيه بيبرد ازاى هو حضرتك شغال أيه أصلا علشان تعرف أذا كنت فاهم و الا مش فاهم و عموما غلطة و أنا مش حأكررها تانى و يا ما الأنسان بيغلط و لو حضرتك كمنسق لقسم جيلى بتكلم كل الناس اللى دا خلين يشتموا فى العربية بالطريقة دى يبقى أنا بأحييك و بأحى القسم على حسن أختيارهم

[amr011111]

هو حب يجود فالعيوب بس جه يكحلها عماها

انا داخل الموضوع ده ومعرفش الاخ صاحب الموضوع ولا حضرتك بس شايف ان الراجل بيقول رأيه لو هوه معلوماته حتى مش على المستوى المطلوب يبقى رد عليه بالراحه احنا هنا فى منتدى واحد وكلنا اخوه وبعدين الراجل بيقول خبره 25 سنه فى السواقه يعنى سنه ممكن يكون اكبر منك

الا بقى لو كان فيه بينكم من قبل كده مشادات او ما شابه

وبالتوفيق

[adel_edrees]

انا داخل الموضوع ده ومعرفش الاخ صاحب الموضوع ولا حضرتك بس شايف ان الراجل بيقول رأيه لو هوه معلوماته حتى مش على المستوى المطلوب يبقى رد عليه بالراحه احنا هنا فى منتدى واحد وكلنا اخوه وبعدين الراجل بيقول خبره 25 سنه فى السواقه يعنى سنه ممكن يكون اكبر منك

الا بقى لو كان فيه بينكم من قبل كده مشادات او ما شابه

وبالتوفيق

الله يكرمك و على فكرة أنا أول مرة أخش على قسم جيلى و أول مرة أكلم الأستاذ ميدو ]عنى مافيش سابق معرفة بينى و بينه و أنا متشكر جدا لحضرتك و بأكد أن أنا كل اللى قلته ،ستنى شوية و لا شتمت فى العربية و لاقلت عليها حاجة و بعدين كل العربيات الجديدة فيها اللى فيها خش على قسم رينو لوجان و أن حتلاقى أن العربية ما فيهاش عمود أتزان و أن الكاوتش اللى نازلة بيه العربية بيخليها تزحف كل دى عيوب و خش على قسم النيسان حتلاقى مشاكل و أى عربية كده الكمال لله وحده

[M I D O]

على فكرة طريقة رد حضرتك بتأكد كلامى أننا نفتقد الحوار و الرأى الأخر , بعدين حضرتك بتتريق على فى موضوع الأوروبى أنا ما أتريقتش على حد فى أى حاجة و لم أسئ الى السيارة الأيمجراند و لكن طلبت من الناس اللى عايزين يشتروا أن يتمهلوا حتى نعرف ايه أصل الحكاية أنت شارى عربية فى حدود 70000 أو 80000 معنى كده أنك مش شاريها مغامرة و لا فانتازيا ده كل واحد فينا حط تحويشة العمر و أستلف يعنى الموضوع مش ناقص يعنى مثلا تقوللى أن السعودية درجة الحرارة فيها أعلى من العراق زى ما واحدمن الزملاء الأفاضل كان كاتب و أنا قولت العراق تحديدا لأنها نزلت هناك بموتور 1500 زى اللى نازل هنا الحاجة التانية لو حضرتك قريت أنا كتبت أيه كويس فى موضوع انهم عالجوا موضوع الحرارة ده أزاى أنهم شالوا الترموستات و ركبوا مراوح أكبر و غيروا نظان التبريد يبقى معنى كده أننا مش باقول ان نظام التبؤيد من تحت الموتور و ترك الموتور مفتوح من الأسفل قد يساهم فى تخفيف حرارة الموتور لأن فى دورة هواء على جسم السيارة بالكامل يعنى أحنا مثلا لو قفلنا جسم العربية من تحت بالكامل الموتور مش حيسخن أنا أول ما روحت شوفت الأييمجراند و لقيتها من تحت مكشوفة كده سألت المهندس فى معرض المهندسين و قولت له أيه الموضوع ده العربية حتنزل كده و لا أنتوا حطين دى عينة رد عليا بكل أمانة ووضوح العربية حتنزل كده وده اللى خلانى ربط بين أن العربية بتسخن فى العراق و أنه شال الكارتيرات من تحت العربية المقصود من كلامى أننا نتمهل فى الشراء ما يمكن العربية تطلع فعلا حلوة و ساعتها كل واحد كا ن بيشكك فى العربية حيقول ياريتنى كنت جبتها بس لما ينزل يشتريها و هو عارف كويس جدا ان العربية تمام أو ان مشاكلها فى حدود المقبول و المعروف أكيد ساعتها مش ح تبقى مغامرة و أنا بأعتذر أذا كنت ضايقت حد بأكرر أسفى و أعتذارى

يا باشا حضرتك رأيك لية احترامة الكامل ومفيش حد عارف كل حاجة الانسان بيعيش وبيموت وهوة ناقص علم

[aw2100]

وحدوا الله ماكنتش عربية صينى اللى تفرق الأخوات وعلى فكرة كلنا فى المنتدى اخوات وكلنا بنعمل لنصيحة بعض لوجة الله وكلنا استفدنا من المنتدى وبنفيد الأعضاء والضيوف بما نمتلكه من خبرات
بس الحق يقال بالنسبة لقطع الغيار الصينى لعربيتى الفليشيا انا شخصيا لا أثق بيها فما بالك بعربية كاملة والمشكلة الأكبر طبعا كلنا عارفين ان المنتجات الصينى درجات افضلها بينزل لاوروبا وامريكا والزبالة بتنزل شرق اوسط ومصر فانا افضل سيارة اوروبية او يابانية الصنع مستعملة عن عربية تصنيع صينى 0 وعموما الأيام بتجرى وحنشوف وربك المستعان !!!