الحمد لله استلمت ايمجراند 2014

[waleedrahmy]

انا رحت اتفرجت علي النيو تيجو من 4 ايام و العربية جميلة جدا احسن من القديمة بمراحل وفعلا الكنبة الخلفية مش واسعة زي ال 516 وانا كنت قاعد فيها يادوب مستريح وخامات العربية جميلة جدا بس للاسف سعرها الي هيخليني مجبهاش 118 الف

نفس الكلام حصل معايا :)
هي الاول لما كانت ب 85 الف جم كان سعرها رائع وتنافسي
لكن 117 جم كثيرررررررررررررررررر

[M I D O]

لمعلوماتك يا باشا الايمجراند اخف من m11 ب 100 كجم
انا عملت بيها 600 كم لحد دلوقت كل يوم العربيه بتنعم عن اللى قبله بالنسبه للموتور و الفتيس
استجابه العربيه لكبس البنزين افضل من m11
الباور ناعم و مش خفيف يشبه الباور الكهربا
سير الكاتينه جنزير يعنى عمر اطول
السنسور بارك يعمل بكفاءه و مداه ممتاز
العيب الوحيد لحد دلوقتى دواسه البنزين عاليه شويه غير كده الحمد لله زى الفل
وحسب معلوماتى بوابه الانجكشن فى m11و ايمجراند كهربا
الهاند بريك تقيله ودى الحاجه الوحيده اللى تحسسك انها صينى و ممكن يكون عيب تقفيل بس تعمل بكفاءه
و اعتقد تتظبط فى صيانه 1000
لونسيت نور الشيوره منور بيقفل مع الريموت ممكن تستعملها كاوبشن follow me

الله يطمنك اصلي ناوي علي الامجراند وكل شوية اشوف ناس عندها مشاكل تخليني اخاف .. ربنا يحفظك من المشاكل .. وانت شاريها من فرع غبور ولا من معرض

[meedoo69]

الله يطمنك اصلي ناوي علي الامجراند وكل شوية اشوف ناس عندها مشاكل تخليني اخاف .. ربنا يحفظك من المشاكل .. وانت شاريها من فرع غبور ولا من معرض

توكل على الله العربيه مبدئيا زى الفل
شاريها من غبور المهندسين

[M I D O]

توكل على الله العربيه مبدئيا زى الفل
شاريها من غبور المهندسين

الله يطمنك يا باشا بس دة برضو ميمنعش ان العربية فيها عيوب قابلت ناس كتير ربنا يحفظنا منها وهشتريها وانا ايدي علي قلبي وربنا يستر

[meedoo69]

قدر الله و ما شاء فعل
اول مشكله مع العربيه بس من وجهه نظرى بسيطه و عرفتنى ان العربيه اصيله
ركنتها اربع ايام العيد و سافرت الغردقه
رجعت بادور الاحد الصبح رايح الشغل لفيت صوت تكتكه ومافيش مارش (حصل معايا نفس الموقف فى الالنترا السنه اللى فاتت
)بالخبره قولت بطاريه جبت وصله و دورت لقطت عل طول روحت ولفيت حوالى 70 كم ورجعت ونزلت تانى كله تمام
نزلت اصلى العشا ادور مافيييييش يبقى ودعت كده ودى اول نقطه فى اصاله العربيه ما عملتهاش معايا بره البيت
كلمت الاعطال على اساس ييجوا عند البيت (عملتها يوم الالنترا ماكنتش اعرف انها بطاريه جم دوروها ومشيوا بس مغيرتهاش) لسه ماعندهمش خدمه الطريق قالولى هاتها نكشف عليها
امبارح دورت بوصله وطلعت على هناك و دخلت ورغم ان من عندى لحد هناك حوالى 80 كم يعنى البطاريه المفروض لمااطفى وادور تانى تدور
مادارتش وانا فرحت عشان العيب يبقى قدامهم ودى تانى نقطه فى اصاله العربيه لو دارت ماكنوش هيعرفوا العيب فين وخاصه ان المؤشر اللى فى البطاريه مدى اخضر يعنى تمام
المهم غيروا البطاريه بواحده جديده و عملت صيانه 1000 بالمره لانى عملت 950 كم و لسه الحجز فى 16\11
وقلتلهم على لمبه stop بتنور فى نص مشوار الدواسه و ظبطوها و الهاند بريك تقيل و ريحوه شويه بس لسه تقيل
الاكتشاف الحلو ان العربيه فيها نور للنهار بجانب الفوجات بس هما فاصلينه ليه ماعرفش و قالولى نشغلهولك بس كنت مستعجل و قلت فى صيانه 5000
التقرير بعد 1000 العربيه نعمت جدا بس هى عايزه مشوار تفتيح موتور عل 160-170 عشان السحب يبقى اسرع من كده بس الصراحه الm11 اتقل منها عل الارض عشان الجنوط 16 و الكاوتش 55 و 100 كجم زياده فى الوزن و كمان الفرامل اشد
بس الايمجراند الموتور انعم بكتيير و الباور انعم ومالوش صوت زى m11 واوسع بفرق واضح
مافيش عربيه كامله من كله
طبعا اللى حصل ده مش عيب فى العربيه عشان منقولش صينى ده عيب فى المكونات المصرى وممكن نشتر ى بطاريه جديده و تقعد شهر وتسلم
بس رائى حتى الان صفقه رابحه الحمد لله

[M I D O]

قدر الله و ما شاء فعل
اول مشكله مع العربيه بس من وجهه نظرى بسيطه و عرفتنى ان العربيه اصيله
ركنتها اربع ايام العيد و سافرت الغردقه
رجعت بادور الاحد الصبح رايح الشغل لفيت صوت تكتكه ومافيش مارش (حصل معايا نفس الموقف فى الالنترا السنه اللى فاتت
)بالخبره قولت بطاريه جبت وصله و دورت لقطت عل طول روحت ولفيت حوالى 70 كم ورجعت ونزلت تانى كله تمام
نزلت اصلى العشا ادور مافيييييش يبقى ودعت كده ودى اول نقطه فى اصاله العربيه ما عملتهاش معايا بره البيت
كلمت الاعطال على اساس ييجوا عند البيت (عملتها يوم الالنترا ماكنتش اعرف انها بطاريه جم دوروها ومشيوا بس مغيرتهاش) لسه ماعندهمش خدمه الطريق قالولى هاتها نكشف عليها
امبارح دورت بوصله وطلعت على هناك و دخلت ورغم ان من عندى لحد هناك حوالى 80 كم يعنى البطاريه المفروض لمااطفى وادور تانى تدور
مادارتش وانا فرحت عشان العيب يبقى قدامهم ودى تانى نقطه فى اصاله العربيه لو دارت ماكنوش هيعرفوا العيب فين وخاصه ان المؤشر اللى فى البطاريه مدى اخضر يعنى تمام
المهم غيروا البطاريه بواحده جديده و عملت صيانه 1000 بالمره لانى عملت 950 كم و لسه الحجز فى 16\11
وقلتلهم على لمبه stop بتنور فى نص مشوار الدواسه و ظبطوها و الهاند بريك تقيل و ريحوه شويه بس لسه تقيل
الاكتشاف الحلو ان العربيه فيها نور للنهار بجانب الفوجات بس هما فاصلينه ليه ماعرفش و قالولى نشغلهولك بس كنت مستعجل و قلت فى صيانه 5000
التقرير بعد 1000 العربيه نعمت جدا بس هى عايزه مشوار تفتيح موتور عل 160-170 عشان السحب يبقى اسرع من كده بس الصراحه الm11 اتقل منها عل الارض عشان الجنوط 16 و الكاوتش 55 و 100 كجم زياده فى الوزن و كمان الفرامل اشد
بس الايمجراند الموتور انعم بكتيير و الباور انعم ومالوش صوت زى m11 واوسع بفرق واضح
مافيش عربيه كامله من كله
طبعا اللى حصل ده مش عيب فى العربيه عشان منقولش صينى ده عيب فى المكونات المصرى وممكن نشتر ى بطاريه جديده و تقعد شهر وتسلم
بس رائى حتى الان صفقه رابحه الحمد لله

حصل خير يا باشا و مبروك الصيانة وكنت شغلت لمبة الداي لايت مش هتاخد 5 دقائق تحديث السوفت وير وبس عموما ملحوقة في صيانة ال 5000 ان شاء الله وربنا يحفظلك العربية

[mk3]

قدر الله و ما شاء فعل
اول مشكله مع العربيه بس من وجهه نظرى بسيطه و عرفتنى ان العربيه اصيله
ركنتها اربع ايام العيد و سافرت الغردقه
رجعت بادور الاحد الصبح رايح الشغل لفيت صوت تكتكه ومافيش مارش (حصل معايا نفس الموقف فى الالنترا السنه اللى فاتت
)بالخبره قولت بطاريه جبت وصله و دورت لقطت عل طول روحت ولفيت حوالى 70 كم ورجعت ونزلت تانى كله تمام
نزلت اصلى العشا ادور مافيييييش يبقى ودعت كده ودى اول نقطه فى اصاله العربيه ما عملتهاش معايا بره البيت
كلمت الاعطال على اساس ييجوا عند البيت (عملتها يوم الالنترا ماكنتش اعرف انها بطاريه جم دوروها ومشيوا بس مغيرتهاش) لسه ماعندهمش خدمه الطريق قالولى هاتها نكشف عليها
امبارح دورت بوصله وطلعت على هناك و دخلت ورغم ان من عندى لحد هناك حوالى 80 كم يعنى البطاريه المفروض لمااطفى وادور تانى تدور
مادارتش وانا فرحت عشان العيب يبقى قدامهم ودى تانى نقطه فى اصاله العربيه لو دارت ماكنوش هيعرفوا العيب فين وخاصه ان المؤشر اللى فى البطاريه مدى اخضر يعنى تمام
المهم غيروا البطاريه بواحده جديده و عملت صيانه 1000 بالمره لانى عملت 950 كم و لسه الحجز فى 16\11
وقلتلهم على لمبه stop بتنور فى نص مشوار الدواسه و ظبطوها و الهاند بريك تقيل و ريحوه شويه بس لسه تقيل
الاكتشاف الحلو ان العربيه فيها نور للنهار بجانب الفوجات بس هما فاصلينه ليه ماعرفش و قالولى نشغلهولك بس كنت مستعجل و قلت فى صيانه 5000
التقرير بعد 1000 العربيه نعمت جدا بس هى عايزه مشوار تفتيح موتور عل 160-170 عشان السحب يبقى اسرع من كده بس الصراحه الm11 اتقل منها عل الارض عشان الجنوط 16 و الكاوتش 55 و 100 كجم زياده فى الوزن و كمان الفرامل اشد
بس الايمجراند الموتور انعم بكتيير و الباور انعم ومالوش صوت زى m11 واوسع بفرق واضح
مافيش عربيه كامله من كله
طبعا اللى حصل ده مش عيب فى العربيه عشان منقولش صينى ده عيب فى المكونات المصرى وممكن نشتر ى بطاريه جديده و تقعد شهر وتسلم
بس رائى حتى الان صفقه رابحه الحمد لله

اتمنى تكون افتكرت توطى دواسه البنزين !

[meedoo69]

اتمنى تكون افتكرت توطى دواسه البنزين !

للاسف ما تنفعش تتوطى بس ظبطه الكرسى بتخليك مستريح اكتر

[رمضان شوقى]

يعنة ايه ظبطة الكرسى تريح دواسة البنزين اشرحلى لأن دواسة البنزين مش مريحانى

[meedoo69]

يعنة ايه ظبطة الكرسى تريح دواسة البنزين اشرحلى لأن دواسة البنزين مش مريحانى

يعنى الكرسى بيتظبط فى اربع اتجاهات بالكامل للامام او الخلف و الضهر بالكامل ثم ارتفاع المقعد فقط ثم ارتفاع الظهر فقط حضرتك بتظبط افضل وضع لحد ماتحس انك مستريح فى القياده

[carrier]

الف الف الف مبروك
غبور لازم يحسن صورته اكتر من كده
المنافسة قوية والنت والمواقع والموبايلات بتنقل التجارب والمعلومة فى ثوانى
يعنى لازم يحسن مراكز الخدمة ويحل مشاكل الانتاج
ويعمل ربط ما بين مدير الانتاج بالمصنع ومديرى مراكز الخدمة لازالة كل العيوب

مرة تانية الف مبرووك

[M I D O]

الف الف الف مبروك
غبور لازم يحسن صورته اكتر من كده
المنافسة قوية والنت والمواقع والموبايلات بتنقل التجارب والمعلومة فى ثوانى
يعنى لازم يحسن مراكز الخدمة ويحل مشاكل الانتاج
ويعمل ربط ما بين مدير الانتاج بالمصنع ومديرى مراكز الخدمة لازالة كل العيوب

مرة تانية الف مبرووك

+1111111111

[meedoo69]

تم بحمد الله عمل اول طلعه سفر الى الساحل فى طرق الذهاب اخدت الطريق من البوابات حتى اول طريق العلمين على سرعه 100 عشان الردارات و طريق العلمين حتى اخره على سرعه 120-160 و فى العوده طريق العلمين على سرعه 140مع التكييف لمده نصف ساعه لتجربته و طريق الصحراوى على 100
استهلاك البنزين كان المتوسط 13 كم /لتر
ثبات العربيه تمام حتى فى مطبات الهوا بس مش زى m11
التكييف اداءه جميل فى درجه البروده بس عشان بيفصل اوتوماتيك كل شويه بتحس انه مش قوى بس بيساعد على توفير البنزين و مش بيحمل على الموتور بشكل متواصل بيفكرنى بتكييف الالتو بيشتغل بنفس النظام
لما ظبطت الكرسى و رجعته لورا لقيتنى مستريح جدا فى القعده
العربيه نعمت اكتر من الاول بعد المشوار ده و سحبتها بقت تمام افضل من m11كانت سحبتها اقل
اللى مضايقنى الهاندبريك لسه تقيل بس يعمل بكفاءه

[رمضان شوقى]

فى توضيح أكتر لموضوع التكيف و هل كنت مشغله على الوضع الأتوماتيكى

[meedoo69]

فى توضيح أكتر لموضوع التكيف و هل كنت مشغله على الوضع الأتوماتيكى

على الوضع low و المروحه على 3 شرط و نظام الهوا داخلى