فكره ...

[د.عماد صلاح]

عشان نعرف فعلا مشاكل الايمي و انتشارها
هنحتاج 20 عضو و كل عضو يسال 10 ملاك للايمي ..سواء يعرفهم او يشفهم صدفه الاسئله التاليه
واجهتك مشاكل في العربيه ؟؟؟ اي هي المشاكل
اخبار السحب و التكييف ايه ؟
مبسوط من معامله غبور ولا ﻷ ؟
بشرط ان العربيه تكون معديه الف كيلو وعملت ضيانتها
وفي الاخر هيكون عندنا 200 مالك و انا هجمع النتائج و طله النسب
ايه رايكوا
لو وافقتواﻻيبقي معانا لاخر شهر 11
موافقين

[saddam]

صديقي المواطن
أنت محسسني إنك عايش في المدينة الفاضلة
يا مواطن أنت في بلد قتل اﻹبداع وقتل كل المبادرات الجميلة إنت لو وقفت واحد في الشارع عشان تسأله على عربيته يا يفكرك حرامي بتسرقه يا يسحب عليك سكين ثم إنت متفائل أوي الواحد عشان يلاقي 200 مالك لنفس العربية حيقعد سنين وفي اﻵخر برضو مش حتوصل للتقييم الصح

أنا مش عايز أحبطك ولكن قليل من الواقعية حتنفعنا وتنفعك وبالتوفيق وربنا يحققلك اﻷماني
ودمتم للنضال

[د.عماد صلاح]

انا عن نفسي معايا اسئله 7 عربيات
2 بيركنوا في جراج البيت
واحد قابلته عند غطاطي بتاع الكاوتش ...ودي قصه مؤلمه الصراحه
واحد صاحبي
2 طلبه عنجي في الكليه
و تاكسي

[د.عماد صلاح]

خليك متفائل صديقي المواطن...اخلع نظارتك السوداء ...اعلم ان كل يوم تعيشه هو فرحه ونعمه من خالقك لايملكها من مات اليوم ...وعشتك طويلا سعيدا ..عشان الكفاح المسلح اكيد ...بس حاسب يقبضوا عليك بتهمه الارهاب

[M I D O]

معاااااااااك يا كبير وهبدء من بكرة ان شاء الله

[dedi]

معاك يا باشا بس المشكلة فين الاقى عربيتين على بعض فى العيد لسة ماانتشرتش بس ممكن افيد بتجربة سيارة اخى و اكيد كلكم عارفين

[د.عماد صلاح]

تمام ...عشان كده هناخد فرصه لاخر شهر 11 و اكتب رد الاسئله لكل عربيه و انشرها في الموضوعىو انا هطلع النسب في الاخر ...و يارب نفيد الناس بالنتيجه

[د.عماد صلاح]

حصاد 9 سيارات
مشاكل في السياره 6 سيارات
السحب سئ 3 سيارات
التكييف سئ 5 سيارات
ثبات سئ 1 سياره
غبور سئ 5 سيارات
ملاحظه ...واحد بس من ال9 مفيش حاجه مضيقاه
و سواق تاكسي عنده معظم المشاكل
وواحدوعنده مشكله ماساويه في الاطارات
يلا يارجاله

[M I D O]

حصاد 9 سيارات
مشاكل في السياره 6 سيارات
السحب سئ 3 سيارات
التكييف سئ 5 سيارات
ثبات سئ 1 سياره
غبور سئ 5 سيارات
ملاحظه ...واحد بس من ال9 مفيش حاجه مضيقاه
و سواق تاكسي عنده معظم المشاكل
وواحدوعنده مشكله ماساويه في الاطارات
يلا يارجاله

ممتاز جدا وبداية جميلة وللاسف من امبارح للنهاردة مخرجتش من البيت عشان تعبان بس هخرج بكرة ان شاء الله ولو قابلت حد هوقفة واسئلة

[M I D O]

النهاردة لاقيت واحد معاة امجراند بيركن استنيتة لحد ما يركن وعلي منزلت وبروحلة لاقيتة طالع فوقفتة وقلتلة اسف بس حضرتك انا ناوي اشتري العربية ان شاء الله وعاوز استفسر من حضرتك عنها وبصراحة الراجل طلع زوق جدا ووقف العربية واتكلم معايا وقالي العربية كويسة جدا بس عيبها الحدفة قلتلة ايوة انا اعرف انها بترمي سعات يمين وشمال قالي لا الحدفة الي اقصدها اني لو بهدي مثلا ومدوستش فرامل وشلت رجلي بس من علي البنزين عشان العربية تهدي مبتهديش وبتحدف ولازم تلحق نفسك بفرامل عشان تهدي غير كدة العربية جميلة جدا قلتلة مقابلكش اي عيوب قالي الحمد لله لا قلتلة طيب التكييف عامل اية قالي بالنهار كويس بس بياخد وقت علي ما يسقع وبالليل ممتاز سعات بيجيب الحرارة لحد 18 قلتلة طيب السحب عامل اية قالي لا كويس جدا قلتلة طيب و الثبات قالي ممتازة بصراحة بس اخري بيها 140 قلتلة طيب الفرامل قالي لا فراملها ممتازة جدا وبتوقف العربية علي اي سرعة قلتلة طيب التقييم الكلي لحضرتك قالي اديها 90% وانا راضي جدا عنها قلتلة يعني اتوكل علي الله فيها قالي توكل علي الله وان شاء الله مش هتندم وان شاء الله اي حد هقابلة هسالة برضو

[د.عماد صلاح]

شكرا يا استاذ ميدو و ياريت او لقيت كمان تكتب
نقدر نقول العربيه فيها عيب الحدفه بس و الباقي تمام

[M I D O]

شكرا يا استاذ ميدو و ياريت او لقيت كمان تكتب
نقدر نقول العربيه فيها عيب الحدفه بس و الباقي تمام

ان شاء الله اي حد هقابلة هوقفة واسئلة وربنا يقدم الي فية الخير

[M I D O]

تاني مالك للسيارة اقابلة علي اول الشارع عندي سالتة عن العربية قالي لا تمام وحلوة ومفيهاش حاجة والعيب الي قابلة لمبة التشيك بس نورت وطفاها في صيانة الالف و العربية معاة من 6 شهور وشغالة تمام قلتلة طيب التكييف الدهان فبرة التنك بكرة الكرسي قالي لا الحمد لله مفيش حاجة قابلتني و الغريبة اني قابلتة عند الميكانيكي الي علي اول الشارع بيغير زيت بيقلي انا عملت صيانة الالف بس و ال 5 الاف و بعدين خرجت من الضمان وبيعمل شغلة برة الحمد لله لحد دلوقتي الناس الي قابلتها ايجابيين و الراجل اداني رقمة وقالي كلمني لما تشتريها لانة عامل شغل كاربون و ورسم علي العربية عشان يديني العنوان ويكلملي صاحب المحل ربنا يتممها علي خير لان دلوقتي 2 قالولي حلوة و 2 قالولي وحشة ومتجبهاش مش عارف اعمل اية وامشي ورا مين

[د.عماد صلاح]

يعني
مشكله لمبه التشيك بس
بس ليه ماكتبتليش عن الاتنين اللي قالوا وحشه ..قولي قالوا لك ايه

[د.عماد صلاح]

بس واضح ان مفيش غيري انا وانت متحمس
لي العموم انا معايا 13 عربيه و نتائجهم مش لذيذه الصراحه
اقولك و جهه نظري في موضوع العربيات ده ...انا باشتغل في القصر العيني و شغلتي كطبيب نساء و توليد مخليا يومي معظمه في الشارع مع العربيه و مابين القصر العيني و 6 اكتوبر و عيادتي في فيصل تلاقني ماشي بالعربيه علي طول متوسط الاستهلاك الاسبوعي للعربيه 300 كم غير سفريه كل 2الي 3 شهر 600 كيلو رايح جاي يعني تقريبا داخل علي 17 الي 20 الف كيلو سنويا و احتياجي الرئيسي لعربيه قليله المشاكل اولا و سهله الصيانه خارج التوكيل عند اللزوم و ثابته وواسعه و تكييفها قوي ده الاساسيات ما اقدرش استغني عن اساسيه فيهم ،،،،،،،، المشكله في الايمي انها اساسياتها عكس متطلباتي يعني كلها عوامل امان وشكل جميل وفخامه بس محتاجه متابعه في التوكيل عشان لو ظهر حاجهىيشيلوها و كمان لازم يظهر لها مشاكل يعني واحد فقط من 13 واحد معاناش من مشكله و انت شفت بنفسك الجروب الناس بتقول فيه ايه ...عشان كده رغم سعرها المتميز الا اني وانا باشتري من شهرين ونصف استخسرتﻻفيها 85 الف و زودت وجبت ااوبترا اوتو
في نفس الوقت يهمني اعاده بيع سهله و بلا خساره كبيره لاني بغير كل 4 الي 5 سنين و ممكن اقل