عيوب جيلى الى قابلتنى

[midooo_119]

بسم الله الرحمن الرحيم

انا حبيت اكتب موضوع عن عيوب الايمجراند7 الى قابلتنى عشان فيه ناس كتير بتتدور عالعيوب عشان تتطمن قبل ماتشترى ...
انا عربيتى ماشيه 5700 كم لغايه دلوقتى و العيوب الى قابلتنى نشوفيه كرسى السواق و دى فعلا اكتر حاجه مضيقانى فالعربيه و طبعا ليها حلول كتير ابسط حاجه شالته عشان الكرسى ناشف .. تانى عيب صوت علبه البيئه و ده عيب فالشكمان المصرى الى راكب فده ظالم العربيه لكن اهو عيب برضه و بتشتريها بيه ... لمبه التشك انجن طبعا عند اغلب الناس الى شايفها عيب نحسبها عيب هى نورت عندى يومين و طفت لوحدها و طبعا التوكيل بيحل الموضوع ده .. هبو تيل الفرامل عالجنط القدام بيخلى شكله وحش و محتاج غسيل مستمر ... التكييف ضعيف فالحر و ده هشوفه لما اروح الصيانه الجايه ... طبعا التوكيل سىء لان العدد المتباع كبير و الحمد لله لاقيت الحل فيه مركز معتمد جنبى عند المطار ناس محترمه جدا جدا جدا اسمه مودرن وفر عليا مشوار ابو رواش و هتعامل معاهم عالطول .
عيوب قابلت ناس تانيه زى البويه و مشكله فى واير الفتيس و الفرامل لكن فالمجمل نصيحه للى عاوز يشترى يعمل زيى لو العربيه الى معاه مريحاه بلاش يشترى الا هو لو واثق من العربيه يعنى انا كان معايا نوبيرا 2006 شاريها من الزيرو والحمد لله مكنش فيها اى مشاكل و كنت محافظ عليها لما فكرت اغير عشان اركب اوبشن اعلى قولت لنفسى بعد ماسالت وشوفت العيوب و المميزات ان ممكن يطلعلى عيب من الى حصل لكن انا شوفتها عيوب بسيطه واى عربيه فيها عيب لكن بنسب طبعا وانا شفت المميزات قصاد العيوب بالسعر و الشكل ده قلت اتوكل على الله و اشترى والحمد لله مبسوط بيها جدا جدا جدا ...
ده تقرير بما يرضى الله للى كان بيسألنى عن العيوب يارب اكون قدرت افيدكوا

[M I D O]

تقرير ممتاز ومحايد جدا يا باشا و بالنسبة للتكييف ضعيف دة حاليا بس ولما من اول شراء العربية ضعيف وتديلة كام من 10 في التبريد وبيبرد الكبينة كلها في مدة قد اية ؟؟

[midooo_119]

تقرير ممتاز ومحايد جدا يا باشا و بالنسبة للتكييف ضعيف دة حاليا بس ولما من اول شراء العربية ضعيف وتديلة كام من 10 في التبريد وبيبرد الكبينة كلها في مدة قد اية ؟؟

بالنهار اديله 6 من عشرة و بياخد وقت مش كبير اقل من دقيقتين وهو كده من الاول

[M I D O]

بالنهار اديله 6 من عشرة و بياخد وقت مش كبير اقل من دقيقتين وهو كده من الاول

طيب فين نقطة انة ضعيف بقي مادام بيسقع في وقت كويس ولا حضرتك تقصد مبيوصلش لدرجة الحرارة الي انت مظبطة عليها بالنهار ؟؟ ممكن تشرح بالظبط كل حاجة عن التكييف لان النقطة دي تهمني بشكل خاص جدا

[midooo_119]

طيب فين نقطة انة ضعيف بقي مادام بيسقع في وقت كويس ولا حضرتك تقصد مبيوصلش لدرجة الحرارة الي انت مظبطة عليها بالنهار ؟؟ ممكن تشرح بالظبط كل حاجة عن التكييف لان النقطة دي تهمني بشكل خاص جدا

بياخد دقيقتين عشان يوصل للدرجه الى انت محددها و لو حر قوى بيقى ضعيف و ممكن ياخد وقت ويسقع بس برضه مش قوى و ممكن تخلى التكييف على low عشان الكمبرسور مايفصلش و يسقع عالطول

[M I D O]

بياخد دقيقتين عشان يوصل للدرجه الى انت محددها و لو حر قوى بيقى ضعيف و ممكن ياخد وقت ويسقع بس برضه مش قوى و ممكن تخلى التكييف على low عشان الكمبرسور مايفصلش و يسقع عالطول

برضو انا مش فاهم نقطة ضعيف دي مقصود بيها اية .. يعني مثلا ظبطة علي 25 بالنهار بيسقع ويجيب 25 في وقت طويل ولا مبيجبهاش خالص بالنهار وبيجبها بالليل بس عاوز توضيح نقطة ضعيف دي مقصود بيها اية بشرح وافي لو سمحت

[midooo_119]

برضو انا مش فاهم نقطة ضعيف دي مقصود بيها اية .. يعني مثلا ظبطة علي 25 بالنهار بيسقع ويجيب 25 في وقت طويل ولا مبيجبهاش خالص بالنهار وبيجبها بالليل بس عاوز توضيح نقطة ضعيف دي مقصود بيها اية بشرح وافي لو سمحت

بالضبط كده ممكن مايجيبهاش بالنهار لو الشمس جامده

[M I D O]

بالضبط كده ممكن مايجيبهاش بالنهار لو الشمس جامده

تمام كدة وبالنسبة في الجو الحار اية اقل درجة التكييف ممكن يجيبها يعني ممكن يجيب 26.25.24.23 وهكذا يعني

[midooo_119]

تمام كدة وبالنسبة في الجو الحار اية اقل درجة التكييف ممكن يجيبها يعني ممكن يجيب 26.25.24.23 وهكذا يعني

مش بيبقى مكتوب هو وصل لايه

[M I D O]

مش بيبقى مكتوب هو وصل لايه

اهو انا خايف من النقطة دي بقي اكون راجع من الكلية من اكتوبر و الجو هناك في الصيف نااااااار واشغل التكييف ملاقيش اي تغيير ساعتها ممكن يجرالي حاجة من الصدمة

[midooo_119]

اهو انا خايف من النقطة دي بقي اكون راجع من الكلية من اكتوبر و الجو هناك في الصيف نااااااار واشغل التكييف ملاقيش اي تغيير ساعتها ممكن يجرالي حاجة من الصدمة

[د.عماد صلاح]

انا ركبت العربيه مع واحد صاحبي و شغل التكييف و احساسي بيه زي تكييف الافيو تمام

[bassem.naguib]

في نقاط لازم ناخد بالنا منها في أي عربية .. وهي أن كفاءة التبريد بتتوقف على حاجات كتيرة .. منها الحجم الداخلي للسيارة وده كبير نسبياً في الجيلي .. تاني حاجة لو العربية راكنة في الشمس فترة متتوقعش أن التبريد يكون كويس على طول .. سحب الهواء داخل العربية هل هو من الخارج ولا دائرة مغلقة .. نوعية الكومبريسور نفسه وكفائته وطبعاً الياباني لا يعلى عليه في النقطة دي .. حاجة أخيرة لو الطريق زحمة كفاءة التبريد بتقل عكس لما تكون بتجري بالعربية فكفاءة التبريد بتزيد .

[M I D O]

انا ركبت العربيه مع واحد صاحبي و شغل التكييف و احساسي بيه زي تكييف الافيو تمام

[M I D O]

في نقاط لازم ناخد بالنا منها في أي عربية .. وهي أن كفاءة التبريد بتتوقف على حاجات كتيرة .. منها الحجم الداخلي للسيارة وده كبير نسبياً في الجيلي .. تاني حاجة لو العربية راكنة في الشمس فترة متتوقعش أن التبريد يكون كويس على طول .. سحب الهواء داخل العربية هل هو من الخارج ولا دائرة مغلقة .. نوعية الكومبريسور نفسه وكفائته وطبعاً الياباني لا يعلى عليه في النقطة دي .. حاجة أخيرة لو الطريق زحمة كفاءة التبريد بتقل عكس لما تكون بتجري بالعربية فكفاءة التبريد بتزيد .

معلومات ممتازة كالعادة يا باسم باشا وهل حضرتك جربت تكييف الامجراند ولا لا