احصائيه عشان نعرف عيوب ec7

[M I D O]

اخى ميدو من فضلك كرر مش فاهم اول كلمة
وايه االي ردها من فضلك ؟
وشكرا

والله انا جيت اعدل المشاركة قالي مينفعش تتعدل
بقول لحضرتك ايوة حصلت لواحد صاحبي ورد الدبرياج بايدة و النهاردة في الصيانة عملناهالة

[cobrahi]

متابع باهتمام

[ELKHOLY22]

متابع

[H_Daim]

بسم الله

بداية المشاكل اللي قابلتها كالاتي:

1- عضة في الفتيس ولو العربية واقفة صعب جداً تجيب الغيار الثالث او الرابع او الخامس.

2- ورة في الكمبروسر، وطبعا شغلته علشان اجربه لأني لسه بليين لاقيت ورة مسموعة جوة ومن برة صوت المراوح مغطي عليها.

3- بقع في الدهان، بقعتين كبيرتين ع الكبوت.

4- قطع في كاوتش باب السائق مش كبير قوي بس خايف يزيد.

الجميل بقا اتصلت عملت شكوى، وقالولي هانكلمك وابقى قابلني

[M I D O]

بسم الله

بداية المشاكل اللي قابلتها كالاتي:

1- عضة في الفتيس ولو العربية واقفة صعب جداً تجيب الغيار الثالث او الرابع او الخامس.

2- ورة في الكمبروسر، وطبعا شغلته علشان اجربه لأني لسه بليين لاقيت ورة مسموعة جوة ومن برة صوت المراوح مغطي عليها.

3- بقع في الدهان، بقعتين كبيرتين ع الكبوت.

4- قطع في كاوتش باب السائق مش كبير قوي بس خايف يزيد.

الجميل بقا اتصلت عملت شكوى، وقالولي هانكلمك وابقى قابلني

بص عشان هيدخوك .. اطلع علي الهياكل في قليوب علي طول عشان موضوع الدهان دة لانة الاكثر اهمية ومترضاش ابدا تترش خليها تعدي علي جهاز عندهم بيرجع البوية زي مكانت

[M I D O]

المشاكل الي واجهتني وتم حلها ..
حدفة يمين
نور الاستوب بينور بس لازم اضغط فرامل جامد
الكاسيت بيعلق ( اوقات بيعلق و اوقات لا )
صوت تزييق في العفشة و اتربطت وبقت تمام
المشاكل الي لسة متحلتش ..
عوامة البنزين بايظة وعاوز اغيرها في صيانة ال 5000 ان شاء الله
عضة في المارشدير كنت هعملها في الالف بس كنت مستعجل وهعملها في ال 5000 ان شاء الله
صوت مية بتجري في الطابلوة اول ما ادور العربية الصبح ودي هوايات التكييف عاوزة تتقفل
دي المشاكل الي قابلتني غير كدة العربية ما شاء الله جميلة

[ELKHOLY22]

متابع باهتمام ولكم جزيل الشكر....

[zayyoda]

استاذ ميدو حضرتك شجعتني اشتريها لكن مش عارفة اجيبها من التوكيل نفسه و للا اي موزع؟

انا ساكنه في اكتوبر

[midooo_119]

استاذ ميدو حضرتك شجعتني اشتريها لكن مش عارفة اجيبها من التوكيل نفسه و للا اي موزع؟

انا ساكنه في اكتوبر

بما انى مش عارف حضرتك تقصدى انى ميدو فينا فالافضل تجيبى من موزع معتمد زى سمير ريان بيعمل خصم و تسليم فورى

[M I D O]

استاذ ميدو حضرتك شجعتني اشتريها لكن مش عارفة اجيبها من التوكيل نفسه و للا اي موزع؟

انا ساكنه في اكتوبر

انهي ميدو عشان القسم فية 3 ميدو ما شاء الله
وانا شخصيا بفضل تجيبيها من التوكيل نفسة او موزع معتمد بلاش معارض الا لو معرض كبير زي سمير ريان لاكن برضو الافضلية للموزع المعتمد و التوكيل عشان بيراجعو العربيات قبل البيع للعملاء مش زي المعارض ممكن تبيع عربية فيها مشكلة

[M I D O]

بما انى مش عارف حضرتك تقصدى انى ميدو فينا فالافضل تجيبى من موزع معتمد زى سمير ريان بيعمل خصم و تسليم فورى

تصدق انت فصلتني ضحك لاني كنت لسة هكتب الجملة دي لاقيتك كاتبها ههههههههههههههههههههه

[mohamed1979]

مشكله قابلتنى النهاره التكييف بيفصل كتير و يشتغل كتير فى ظرف 15 ثانيه و درجه الحراره على low
ايه رأى الخبراء فى الموضوع ده؟؟؟؟

[midooo_119]

المفروض على low مايفصشلش كده المشكله فالكمبروسور

[M I D O]

مشكله قابلتنى النهاره التكييف بيفصل كتير و يشتغل كتير فى ظرف 15 ثانيه و درجه الحراره على low
ايه رأى الخبراء فى الموضوع ده؟؟؟؟

المفروض علي low مبتفصلش

[samakaerror]

على Low بيفصل بس لما درجة الحرارة تبقى ظريفة جوة العربية ... حاول تخلى ال Mode يكون فى وش السائق فقط و شوف هايعمل اية